ಈ ಪುಟೊದ ಪರಿಶೀಲನೆ ಆತ್ಂಡ್
ಅಗೆಲ ತಿಗಲೆದ ಗಲ್ಲ ಮೀಸೆದ
ರಟ್ಟೆಗಟ್ಟಿದ ಜವ್ವನೆ
ರಾಪೆ ಪಲಯಿಡ್ ತೂಪೆರಂಚಿಗೆ
ಓರೆಕಣ್ಣ್ಡ್ ಆಯನೆ;
ಅಕುಲೆ ತುಳುವೆರೆ ಪೊರ್ಲು ಪೊಂಜೊವು
ಮುಗುರುಮಲ್ಲಿಗೆ ತೆಲಿಕೆಡ್,
ಸಾಲ್ ಸಾಲ್ಡ್ ಸೇಲೆ ಸೇಲೆಡ್
ನೇಜಿ ನಡ್ಪೆರ್ ನಲಿಕೆಡ್
ಮೆಲ್ಲ ಮೆಲ್ಲಗ್ ಗಾಳಿ ಬೀಜುಂಡ್
ಪೂತ ಪರಿಮಳೊ ಸುತ್ತಲ,
ತಾರೆಬಾರೆಲ ತರೆನ್ ತೂಂಕುಂಡು
ಓಬೇಲೆದ ದನಿ ಕೇನ್ಲ
ಕಂಡೊ ದತ್ತ್ದ್ ಬೆನ್ನಿ ಬೆಂದ್ದ್
ಬಾಲೆಲಿಲ್ಲಗ್ ಬನ್ನಗ,
ತುಳುತ್ತ ಅಪ್ಪೆನ ತೆಲಿತ್ತ ಗಂಜಿಡ್
ಎಂಚಿ ಸಂತೊಸು - ಉನ್ನಗ
ಗುಡ್ಡೆ ಏರ್ಯ್ರ್ ಕಡಲ್ ದಾಂಟ್ಯೆರ್
ದೂರೊದೂರುಗ್ ಪೋಯರ್;
ಓಲು ಉಪ್ಪಡ್ ಬಾಸೆ ಒಂಜೇ
ಅಕ್ಕೆ ಅಣ್ಣಾ ಲೆತ್ತೆರ್
ಬುಡುಗಡೆದ ಸಿರಿ ಬೊಲ್ಪು ತೋಜಿಂಡ್
ಗಾಂಧಿತಪಸ್ದ ಪುಣ್ಯೊಡು
ದೇಸೊದೆಡ್ಡೆಗ್ ಬಾಸೆದೆಡ್ಡೆಗ್
ಬೆನೊಡು ನಮೊ ಸಮೊ ಮಣ್ಣಿಗ್
ನೆಯಿ-ಪೇರ್/94
