ಸಾವಿರದ ಐಸಿರ • ಶುಭಚಂದ್ರ, ಮೂಡುಬಿದ್ರಿ ಕಂಬೊಲುಂಡು ಸಾವಿರ, ತೂವರೇತ್ ಐಸಿರ ಕುಂಬದಂಚ ಉಂಡ ಕಂಬ, ನಾಡಿನಾಯೆ ಆಪೆ ಪೊಸ ಕಂಬ ಗೆನ್ನ೦ದ್ ಪೋವಡೆ, ನಿಲ್ಲುಕಂಬ ಆವಡೆ ಕೆಬಿ ಅರಲ್ಪಂದೆ ಕೇನಡೆ, ಕಣ್ಜಪ್ಪಂದೆ ತೂವಡೆ ಕೆಂಪುಕೋಟೆ ಸುತ್ತೊಡು, ಕಟ್ಟಿದೆರವೆನ್ ಗಟ್ಟಿಡ್ ಬಾರಿ ಮಲ್ಲ ಅಂಗನ, ಕಣ್ಣಿಗವ್ವ ತಮ್ಮನ ಪಂಚನಾರಿ ತುರಗ, ನವನಾರಿ ಕುಂಜರ ಆನೆಬಾಕಿಲ್ ಪೊಗ್ಗುನಗನೆ, ಪೊರ್ಲು ತೂಲೆ ಬಂಜರ ಆಕಾಶದಾತ್ ಎತ್ತರದ, ಮಾನಸ್ಥಂಭ ಗದ ಆನೆಲುರಡ್ ಲೆಪ್ಪುವ, ಭಕ್ತರೆಗ್ ಬಾಕಿಲ್ ಜಪ್ಪುವ ಬೈರಾದೇವಿ ಮಂಟಪ, ಭವ್ಯಕಲಾ ಕಂಮಟ ನೇಪಾಳದ ವಾಸ್ತುಶೈಲಿ, ಚೈನಾದ ಡ್ರೆಗಾನ್, ಜಿರಾಫೆ ಯುದ್ಧ ಮಲ್ಪಿ ಸಿಪಾಯಿಲು, ನೃತ್ಯಕಲಾ ಆಟದಕುಲು ಜೈನ ಹಿಂದೂ ಮೂರ್ತಿ ತೂಲೆ, ವಿಶ್ವಡೇ ಮಲ್ಲ ಕೀರ್ತಿ ತೂಲೆ ದಿವ್ಯಮೂರ್ತಿ ಚಂದ್ರನಾಥ, ರಮ್ಯರತ್ನದ ಆದಿನಾಥ ವಜ್ರದ ವಿಮಲನಾಥ, ವೈಡೂಯ್ಯದ ಅಜಿತನಾಥ ಮಾಣಿಕ್ಯದ ಮಲ್ಲಿನಾಥ, ಕೆಂಡ ಕೆಂಪು ನಮಿನಾಥ ಪಚ್ಚೆದ ಪಾರ್ಶ್ವನಾಥ, ನೀಲಿದ ನೇಮಿನಾಥ ಕೋಟಿ ಕೋಟಿ ಬಿಲೆತ ಬಿಂಬ, ಪೂರ ತೂಂಡ ಆವಸ್ತಂಭ ಬೆದ್ರದಾ ಪೊಸ ಬಸ್ತಿದ ಪೊರ್ಲು, ಕಣ್ಜತ್ ತೂಂಡ ಮೈಮರ್ಲು ನೆಯಿ-ಪೇರ್ /86
