ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಸಂಪಲಿಕೆ ಮಲ್ಲಿನನ ರಡ್ ಪಾತರ........ ಐನ್ ನಾಟಕಗಾರೆರೆನ ಐನ್ ಸಾಮಾಜಿಕ ನಾಟಕೊಲೆನ್ ಈ ಗೊಂಚಿಲ್ಡ್ ಕೊರೊಂದುಲ್ಲ. ತುಳುನಾಡ್ಡ್, ಪರವೂರುಡು ಪ್ರದರ್ಶನ ಆತಿನ, ಆವೊಂದುಪ್ಪುನ ನಾಟಕೊಲು ಈ ಗೊಂಚಿಲ್ಡ್ ಉಲ್ಲ. ಈ ಐನ್ ನಾಟಕೊಲುಲಾ ರಂಗಭೂಮಿಡ್ ಪ್ರದರ್ಶನ ಆದ್ ಪುಗಾರೆ ಪಡೆದುಲ್ಲ. ನಾಟಕೊನು ಪುಸ್ತಕ ರೂಪುಡು ಕೊನಬರ್ನಗ ನಾಟಕಕಾರ ನಾಟಕದ ಸುರುಟ್ಟು, ನಡುಟು, ಅಕೇರಿಗ್ ಮಾಹಿತಿ ಕೊರಿನ ಕ್ರಮೊಟು ಉಪ್ಪುನ ಎತ್ಯಾಸ ತೂವೊಲಿ. ಗೀತಾ ಸಾಹಿತ್ಯದ ಪೊಲ್ಲುತಿದ್ದ ತೆರಿಯೊನೊಲಿ. ಅಕ್ಷರ ರೂಪುಡು ಇಜ್ಜಾಂದಿನ ಪಾಕ ಸಂಗತಿಲು ನಾಟಕ ನಿರ್ದೇಶನ ಮಲ್ಪುನಗ ನಿಜರೂಪುಡು ತೋಜಿದ್ ಬಪ್ಪುಂಡು. ಈ ಗೊಂಚಿಲ್ಡುಪ್ಪುನ ಕೆಲವು ನಾಟಕೊಲು ಪತ್ತೆ ನಲ್ಪ ವಡ್ಡು ದುಂಬು ಬರೆತಿನ. ಹೊಸಬೆರೆಗ್ ಉಂದು ಒರಂದ್, “ಕಾಲಧರ್ಮ” ಪಂಡ್ದ್ ಉಂಡು ಪನೆನ್ ಗೇನೊಗು ದೆತೊಂದು ಈ ಕಲಾಪುರ್ಪಲೆದ ಕಮ್ಮೆನ ದೆತೊನುಲೆ. ಅಚ್ಚಿಮಲ್ಪರೆ ಕೃತಿ ಒದಗಾಯಿನ ಮಾತೆರೆಗ್ಲಾ ಸೊಲು. ಕುಡ್ಲ 20.3.2013 ದಾಮೋದರ ಬಂಗೇರ ಕದ್ರಿ ನವನೀತ ಶೆಟ್ಟಿ
V
