ದೃಶ್ಯ 7 ಮಾರ್ಗ [ಪಿರಾವುಡ್ಡು 'ಕಳುವೆ ಕಂಡೆಲೆ ಕಂಡಿಯ' ಪಂದ್ ಬೊಬ್ಬೆ ಕೇನುಂಡು ಜೀರೋ ಜೀರೊ ಕೈಟ್ ಒಂಜಿ ಬೊಂಡ ಪತ್ತೊಂದು ಪಾರೊಂದು ಬರ್ಪೆ] ಜೀರೋ ಜೀರೊ: ಕಂಡಿಯ ಕಂಡಿಯೆ ಕಂಡಿನಿ ಕಂಡಿಯರೆ ಯಾನ್ ದಾನೆ ಕಳುವೆನಾ? ಏರ್ ಜೋಕೆ ಕಂಡಿನಿ ? ಯಾನ್ ನಿಕ್ಷೆ ಬೊಂಡ ಕಂಡಿಯೆ ಪರತ್ತಾ. ನಿಷ್ಠೆ ಬೊಂಡ ಕಂಡಿಯೆರೆ ಈ ಬೊಂಡ ದಾನೆ ನಿಲ್ಲೆ ತಿಗಲೆಡ್ ಇತ್ತ್ಂಡಾ? ಅತ್ತ ಇತ್ತೆದ ಈ ಜೋಕ್ಲಗ್ ಏಂಡಿಸ್ ಮೈತ್ ಬುಳೆಪಾಯಿ ಕಂಡದ ಅರಿತ ನುಪ್ಪು ತಿಂದ್ ದ್ ತರೆನೇ ತಿರ್ಗಿಯೆರೆ ಶುರು ಆತ್ಂಡಾಂದ್ ಅತ್ ಂಡ ಯಾನ್ ಅಲ್ಪ ಕಟ್ಟಪುಣಿಟೆ ಬನ್ನಗ ಅಲ್ಪ ಬರೀಟ್ ಒಂಜಿ ತಾರೆ ಇತ್ತ್ ಂಡ್ ಆ ತಾರೆ ಎತ್ತರೊಡು ಎನ್ನಾತೇ ಮಲ್ಲ ಆಂಡಲಾ ಅಯಿತ ಕುಬೆಟ್ ಕುಬೆನಿ ಬೋಂಡ ದಿಂಜಿದ್ ಇತ್ತಂಡ್ ಯಾನ್ ಅಯಿನ್ ತೂನಗ ಅಯಿಟ್ ಒಂಜಿ ಬೊಂಡ ತಿರ್ತ್ ತಾಲುಲೆಕ್ಕ ತೋಜಿಂಡ್, ಅವು ತಿರ್ತ್ ಬೂರುಂಡ ದರಿವು ಪಂದ್, ಅವು ತಿರ್ತ್ ಬೂರಿಯೆರೆ ಬಲ್ಲಿ ಪನ್ನುನ ಮಲ್ಲ ಮನಸ್ಮಲ್ತ್ದ್ ಅಡೇಗೆ ಕೈ ಕೊರಿಯೆ ಗ್ರಹಚಾರ ಕೊರಿನ ಕೈ ಪಿರ ದೆಪ್ಪುನಗ ಆ ಬೊಂಡ ಎನ್ನ ಕೈಟೇ ಬರೊಡಾ? ನನ ಕೈಟ್ ಬತ್ತಿನೆನ್ ದಕ್ಕುನು ದಾಯೆಗ್ ಪಂದ್ ಪತ್ತೊಂದು ಬತ್ತೆ, ಅಯಿಕ್ ಈ ಅಡೆ ಜೋಕುಲು ಎನನ್ ಬೊಂಡ ಕಳುವೆ ಬೊಂಡ ಕಂಡಿಯೆ ಪಂಡ್ ಪನ್ಸುನಿ. ಅತ್ತೆ ನಿಕುಲೇ ಪನ್ ಲೇ ಯಾನ್ ದಾನೆ ಬೊಂಡ ಕಂಡಿಯೆನಾ? ಯಾನ್ ಬೊಂಡೊಗು ಕೈ ಕೊರಿನತ್ತಾ ಉಂದು ಎನ್ನ ತಪ್ಪಾ, ನಿಕುಲು ಎಂಚಿನಲಾಪನೆ. ಇತ್ತೆದ ಈ ಕಲ್ಲಿಗ ಎನ್ನಂಚಿ ಸತ್ಯ ಹರಿಶ್ಯಂದ್ರ ನಕುಲು ಬದ್ಕುನ ಕಾಲ ಅತ್ತೆ, ಉಂದು ಕಲಿ ಪರ್ದ್ ಪಿಲಿ ಗೊಬ್ಬುನ ಕಾಲ ಅತ್ತೆ. ಜನಕುಲಾಲಾ ಕಲಿ ಪರಂದೆ ಬೊಕ್ಕ ದಾನೆ ಮಲ್ಪುನಪ್ಪಾ ನಮ್ಮ ಸರಕಾರನೇ ಗಡಂಗ್ ಓಪನ್ ಮಲ್ತ್ದ್ ಪರಿಯೆರೆ ಫುಲ್ ಪರ್ಮಿಶನ್ ಕೊರ್ತಿಜಾ, ಪಾಪದಾಯ ಕಲಿ ಗಂಗಸರ ಪರ್ದ್ ಸೈಯ್ಯಡ್ ಮಲ್ಲಾಯೆ ಬ್ರಾಂದಿ ವಿಸ್ಕಿ ಪರ್ಟ್ ಈ ಪಾಪದಾಯನ ನೆತ್ತೆರ್ ಪರಡ್ಂದ್. ನಂಕ್ ದಾಯೆ ಊರುದಾಂತಿನಕ್ಲಗ್ ಈ ಊರುದ ಸುದ್ದಿ. ಇತ್ತೆದ ಕಾಲ ಬಾರಿ ಕೆಟ್ಟಿದ್ಂಡ್, ಊರಿಡೀ ನಾಡ್ಂಡಲಾ ಎಂಕ್ ಒಂಜಿ ಬೆಂದ್ ತಿನಿಯೆರೆ ಕೆಲಸನೇ ತಿಕ್ಕಿಜಿ ಪನ್ನೆ. ಓಡೆ ಪೋಂಡಲಾ ಕೆಲಸ ಜೀರೋನೇ ಅಯಿಕೇ ಎನ್ನ ಪುದರ್ ಜಾರಪ್ಪ ಇತ್ತಿನೆನ್ ಬದಲ್ ಮಲ್ತ್ ದ್ ಜೀರೋ ಜೀರೊಂದ್ ದೀತಿನಿ, ಹಿರಿಯಕ್ಲು ಪಂತಿನ ಗಾದೆ ಪೂರಾ ಸತ್ಯಯೇ ಹುಟ್ಟಿಸಿದ ದೇವತಾ ಪಪಂತಿ ಮೇಯಿಸದಿರಲಾರ ಪನ್ಸುನ ಪಾತೆರ ನುದೆಟ್ಸ್
- de de de de de de de de de de de de de de de de de de 207
