ಜೋನಿ ಮಧುಕರ
ಎನ್ನ ಜೀವನೊಡು ಬೊಲ್ಪಾದ್ ಬೆಳಗಿನ ಎನ್ನ ಪ್ರೇಮ ಸೌಭಾಗ್ಯ ನಿಧಿ ಶೋಭನ್, ಮಧ್ಯೆ ಆದ್ ಒಂಜಿ ವರ್ಷದುಲಾಯಿ ಬಲಿ ದೆತ್ತೊನಿನ ಪಾಪಿ ಯಾನೊರಿ, ವಿಶಯ ದಾನೆ ಆಂಡ್? టి "Mokenjeevan" ಸ್ಟೀಲ್ ಫೆಕ್ಟರಿಡ್ ಯಾನೊರಿ ಸೇಲ್ಸ್ ಮೆನೇಜರ್, ಅವುಲೇ ಶೋಭಾ ಟೈಪಿಸ್ಟ್ ಆದ್ ಇತ್ತಲ್, ಆಂಡಾ, ಅಲ್ಪ ಪೊಲ್ಲು ರೂಪನೇ ಫೆಕ್ಟರಿದ ಜನರಲ್ ಮೆನೇಜರ ದುರ್ನಡತೆಗೆ ಬಲಿಯಾಂಡ್. ಆಯೆ ಒರಿ ಮಹಾ ವ್ಯಭಿಚಾರಿ. ಆಯನ ಕಣ್ಣಿಗ್ ಬೂರಿನ ಪೊರ್ಲು ಪೊನ್ನುಲು ಮಾನಮರ್ಯಾದಿ ಒತ್ತೊಂದು ಬರೆನೇ ಕಷ್ಟ. ಆಯನ ದುಡ್ಡುದ ರಾಪುಡು ಆಯಗ್ ಅಡ್ಡ ಬರ್ಪಿನಕುಲೇ ಇಜ್ಜಾಂಡ್. ગ્ ಒಂಜಿ ದಿನ. ರಜೆತ್ತ ದಿನ, ಅಷ್ಟೇ ದುರ್ದಿನ. ಏಪಲಾ ರಜೆ ಇತ್ತನಾನಿ ಶೋಭಾಲಾ ಯಾನ್ಹಾ ಬಯ್ಯಡ್ ಜತಟೇ ತಿರೆರೆ ಪೋವೊಂದಿತ್ತ. ಆಂಡ ಆನಿ ಹುಶಾರಿಜ್ಜಿ, ಉಲ್ಲಾಸ ಇಜ್ಜಿ ಪಂಡ್ ಇಲ್ಲಡೇ ಕುಲ್ಲಿಯಲ್. ಯಾನ್ ಮಾತ್ರ ಒತ್ತೆ ಒರಿಯೆ ಸಿನೇಮೊಗು ಪೋಯೆ. ಶೋಭಾನೇ ಎನ್ನೊಂದಿತ್ತಿನ ಎಂಕ್ ಸಿನೇಮ ಹಿತ ಆಯಿಜಿ. ಅರ್ದೊಡೇ ಪಿರಬತ್ತೆ. ಆಂಡಾ, ಎನ್ನ ಇಲ್ಲಲ್ಪ ತೂಯಿನ ಘಟನೆನೇ ಇಸ್ಮಯದ. ಎಂಕ್ಲನ ಕಂಪೌಂಡುಡ್ಡು ಜನರಲ್ ಮೆನೇಜ ಫಿಯೇಟ್ಕಾರ್ ಪಿದಾಡ್ ಪೋಂಡು. ಯಾನ್ ದಾಂತಿನ ಪೊರ್ತುಡು ಆ ದುಷ್ಟೆದಾಯೆ ಬತ್ತೆ? ಈ ಸಂಶಯೊಡೇ ಇಲ್ಸ್ ಪೊಗ್ಗಿಯೆ, ಶೋಭಾನ ಐಸ್ರದ ಮೋನೆಡ್ ಪೋಡಿಗಿದ ಕಲೆ ಉದಿತೊಂದುಂಡು, ಆಲಾದೇ ದಾಲ ಪಂಡಿಜಲ್, ಯಾನಾದೇ ಕೇಂಡೆ. ಜೀವನ್ ದಾಯೆ ಬತ್ತೆ ಇಡೆಗ್ ಪಂಡ್ಸ್ ಈರೆನ್ ಕೇನ್ಸ್ ಪೋಯೆರ್ ಪಂಡಲ್. ನನಲಾತ್ ಸಂಶಯ ಎಚ್ಚಾಂಡ್, ಉಲಯಿ ಬೆಡ್ ರೂಮುಗು ಪೋಯೆ. “ಉಂದು ಮಾತ ದಾನೆ ಚಲ್ಲಾಪಿಲ್ಲಿ ಆತಿನಿ? ದಾನೆ ಕತೆ ನಡತ್ಂಡ್ ಸತ್ಯಪನ್ ಪಂಡ್ ಗಲಾಟೆ ಮಲ್ಲೆ. ಉದರ್ಮ ಬೇತೆನೇ ಕೊರಿಯಲ್. ಸಂಶಯ ಪಿರಿ ಆಪಿನ ಒಂಜೇ ಒಂಜಿ ಸದುತ್ತರ ಶೋಭಾನ ಬಾಯಿಡ್ಸ್ ಬಜಿ. ಕೋಪ ತಡೆಯೆರೆ ತೀರಂದೆ ಅಲ್ಪ ಕೈಕ್ ತಿಕ್ಕಿನ ಪ್ಲವರ್ ವಾಜ್ಡ್ ಬೀಜ್ದ್ ಹಾಕಿಯೆ. ತರೆಕ್ ಬೂರಿನ ಪೆಟ್ಸ್, ಮರಡೊಗು ಕಾರಣ ಆಂಡ್. ಎನ್ನಶೋಭಾನ ಆಕಸ್ಮಿಕ ಮರಣಪಾತ್ರ ಒಂಜಿ ಗಳಿಗೆ ಯಾನ್ 3
- 186
