ಮಧುಕರ ಜೋನಿ ಮಧುಕರ ಜೋನಿ ಮಧುಕರ ಜೋನಿ ಮಧುಕರ ಬಂಧನ ಪೂರಾ ಒಂಜೇ ಒಂಜಿ ಗಳಿಗೆಡ್ ನೆಲಸಮ ಆಂಡ್. ಸ್ವಾರ್ಥೋಡು ರೀನಾನ ನಿಜ ಸ್ಥಿತಿನ್ ಅರ್ಥ ಮಲ್ಲೊನಂದೆ, ಕೋಪ ಕ್ರೋದೊಡು ಅಲೆನ್ ಕಡ್ ಕೆರೆ- ಕರುಕ್ಲಗ್ ಪಟ್ಟುವೆ ಪಂಡೆ. ಉಗ್ರ ಆದ್ ಅನ್ನ ನಾಲಿನ್ ಒತ್ತು ಪತ್ತಿಯೆ (ದುಃಖದಲ್ಲಿ) ಯಾನ್ ವಾ ರಕ್ಕಸೆ? ಎನ್ನ ಕೈಟೇ ಆಲ್ ಜುವ ಬುಡ್ತಲ್.... ಕೋಪ ಪಿರಿದ್ ತೂನಗ ಲೋಕನೇ ಪಗೆ ಆತ್ಂಡ್. ಪಲು ಪತ್ತೆ ತರೊಟುಲಾ ಬೇಲಿ ಪಾಡ್ಂಡ್. ದುಂಬುದ ಸಾದಿ ತೆರಿಯಂದೆ ಕಳುವೆರೆಲಕ್ಕ ತರೆ ತಪ್ಪಾಯೆ. ಹಳ್ಳಿ ಕಾಡ್ಡ್ ದೆಂಗ್, ಉಪ್ಪಾಸ ಬೂರಿಯೆ. ಸೈಯ್ಯರೆ ತೀರಂದೆ ಒಡೆಯೆರಲ್ಪ ಡ್ರೈವರ್ ಆದ್ ಬೇಲೆಗ್ ಸೇರಿಯೇ. ಆತ್ಮಹತ್ಯೆಡ್ ಸೊರ್ಗ ಇಜ್ಜಿ ಪನ್ನುಂಡು ಶಾಸ್ತ್ರ, ಆಂಡಾ, ಬಾಳ್ವಡ್ ಮದಪಂದಿ ಘಟನೆನ್ ಎನ್ನಿ ಎನ್ನಿದ್, ಪರ್ರ್ ಆತ್ಮಹತ್ಯೆ ಮಲ್ಲೊಂದುಲ್ಲೆ. (ತನ್ನ ಕೊಳಕನ್ನು ನೆನೆಯುತ್ತಾ) ಬಾಳ್ವೆಡ್ ಮದಪಂದಿ ಘಟನೆ! ಏರೆಡಲಾ ಪನಿಯೆರೆ ಆವಂದಿನ ಗುಟ್ಟು ಆಪತ್ತೆ! ಪಲಯ ಪನ್ನಿನ ಬಾವೊಡು ಎನಡ ಪಂಡ! ... ಅಂದಣ್ಣಾ, ಮನಸ್ ಒದ್ದಾಟೊನು ಒರಿಯಡ್ಕರಿ ಪಂಡ್ ಬುಲ್ತುದು- ತೆಲ್ತ್ದ್ ಇತ್ತಂಡ ದುಣ್ಣದ ಮನಸ್ಸಂತೆ ಹಗುರ ಆಪುಂಡು. ನಿಜ, ಯನೊರಿ ಮಾತ್ರ ಉಡಲ್ಲ ಉಲ್ಕುಡು ಮುದರಂದ ಮುಗುರಾದ್ ಈ ಜಾಗೆಡ್ ಗುರ್ತದಾಂತಿ ಗುತ್ತಾರೆ ಆದುಲ್ಲೆ. ಉಂದೆನ್ನ ಮನಃಶಾಂತಿಗೆ ಉಂಡು ಮಲ್ಲಿನ ಕಟ್ಟ ಕತೆನಾ? ಛೇ... ಛೇ... ಮೆಗ್ಗಿ-ಪಲಯೆ ಪಂಡ್ದ್, ಐಕ್ ಕಳೆಂಕ ಮಲ್ಲುನ ಕಟ್ಸ್ ಕತೆ ಕಟ್ಟಿದ ಪನ್ನಿನ ನೀಚೆಯಾನ ಜೋನಿ. ಅಂಚಾಂಡ, ಈ ಶ್ರುತಿ ಕೂಡಂದಿ ಸ್ವರ, ಲಯದಾಂತಿ ತಾಳದಲಕ್ಕೆ ಎನ್ನ ಬಾಳ್ವಡ್ ನಿಲೆ ದಾಂತೆ ಉಪ್ಪುನಗ, ಈ ಜೀವನ ಕತೆಂಡ್ ಆಡಲಾ ಎನ್ನ ಮಂದ ಬುದ್ಧಿಗ್ ಗ್ಯಾನ ಪುಟ್ಟುವಾ ದಾನ್ನ? ಎನ್ನ ಕತೆ? ಅಜ್ಞಾನೊಡು ಪುಟ್ಟಿನ ಹಾಂಕೊರ ಬುಲೆಯಿನ, ಕೋಪ ಕ್ರೋದೊಗು ಬಲಿಯಯಿನ ಎನ್ನ ಪಾಡ್ ಬಾಳ್ವೆಡ್ ಇಸ್ಮಯದ,
185
