ಮಳ್ತಿನಯಿಟ್ ದೂರದೃಷ್ಟಿ ಇಪ್ಪುನಂಚ ನಂಮ ತುಳುವದ ಅಸ್ತಿತ್ವೊನು
ಸಾರ್ದಿನಂಚಲಾ ಕೂಡಾ ಆದುಂಡು.
ಕನ್ನಡ ಸಾಹಿತ್ಯೊಡು ತುಳುವ ಪದಲು
2.60 ಈತೆಟೆ ತುಳುಭಾಷೆದ ಇತಿಹಾಸ ಅಯಿಜಿ, ಈ ಎಳ್ಯ ಪದ ತುಳು
ಅಸ್ತಿತ್ವನು, ಕನ್ನಡ-ತುಳು ಬಾಂಧವ್ಯೊನು ಕ್ರಿ.ಶ. ಐನನೇ ಶತಮಾನೊಗ್ ಒಯ್ಪಾವರೆ ಒಂಜಿ ದುರ್ಬಲ ಸಾಕ್ಷಿ ಇಂದ್ದ್ ಪಣ್ವೆರ್, ಆಕಾಲೊಡು
ತುಳುವ ಪಾತೆರೊ ಇತ್ತ್ಜಿ, ತುಳುನಾಡ್ ಇತ್ತ್ಜಿ, ಅಂಚಾದ್ ಈ ಪೆತ್ತ ಪದ
ಸಂಪೂರ್ಣ ಕನ್ನಡದವು. ನಂತ್ರ ಅವೆನ್ ತುಳುವೆರೆಗ್ ಬುಡ್ದ್ ಕೊರ್ಯೆರ್
ಇಂದ್ದ್ಲಾ ಪಣ್ಪೆರ್, ತುಳುನಾಟ್ ಇನ್ದಿನವೆನ್ ಟಾಲಮಿನೇ ಕ್ರಿ.ಶ. ರಡ್ಡನೇ
ಶತಮಾನೊಡು ಪಣ್ತಿನಾಯೆ. ತುಳುವ ಜನಮಾನಿನ ಪಾತೆರೊ ತುಳು
ಇನ್ನಿನವುಲಾ, ಅಕುಳಿನ ಜಾಗ ತುಳುನಾಟ್= ತುಳುವನಾಡ್ ಇನ್ಪಿನಯಿಟ್ಲಾ
ಅರ್ಥ ಸಮಂಜಸವುಂಡು. ಅಂಚನೇ ಅವೆನ್ ಆಳ್ವಖೇಡಾ (Oloikhora) ಇನ್ಪಿ
ಪುದರ್ಡ್ ತೆರಿಪಾಯ. ಆಲೂಪೆರ್ ಮಾತ್ರ ತುಳು ಪಾತೆರ್ಪಿನಕುಳು (ತುಳು
ಮನೆತನದಕುಳು) ಇನ್ಪಿನಯಿಕ್ ಆಧಾರ ತೋಜುಜಿ, ಉದ್ಯಾವರ,
ಮಂಗಳೂರ್ದ ಅರಸ್ತಾನ ಮಾಳ್ತೊಂದು ಇತ್ತಿನ ಆಲೂಪೆರ್ ತುಳುಟು ಶಾಸನ
ಬರೆಪಾಯಿಜೆರ್. ಸುಮಾರಾದ್ ಕ್ರಿ.ಶ. ಎಣ್ಮನೇ ಶತಮಾನೊಡು, ಈ
ಆಲೂಪೆರೆ "ಪಾಂಡ್ಯ ಚಕ್ರವರ್ತಿ" ಬಿರುದು ಪತ್ತೊಂದು ಬತ್ತೆರ್. ಈ ಪಾಂಡ್ಯ
ಮನೆತನದಕುಳು ಜೈನಮತದಕುಳು ಇಂದ್ಲಾ, ತಮಿಳು ದೇಶದ
ಮಧುರೆದ ಪಾಂಡ್ಯ ಮನೆತನದಕುಳು ಇಂದ್ದ್ಲಾ ತೆರಿಪುಂಡು. ಈ
ಪಾಂಡ್ಯರ್ ತುಳುವೊಡು ತಮಿಳು ಸಂಬಂಧದ ತುಳುವ ಪಾತೆರೊನು
ಉಂಡು ಮಳ್ತಿನಕುಳು ಇಂದ್ದ್ ಪಣೋಲಿ. ತಮಿಳ್ದ ಪ್ರಾಚೀನ ಕಾವ್ಯಲೆಡ್ ತೋಜುನ ಬರಿ ಇನ್ಪಿ ಪದ - a kinship where materlinial right was
adopted- ಮೊಕುಳೆಡ್ಡೇ ಬತ್ತಿನವು ಇಂದ್ದ್ ತೋಜಿದ್ ಬರ್ಪಿನವು
ಗಮನೀಯ. ಇಂದೆನ್ ತುಳುಟು ಸಾಮನ್ಯವಾದ್ ಪೊಣ್ಣ ಸಂತತಿ ಇನ್ಸೆರ್.
ಇನ್ನಗ ಮಾತೃ ಪ್ರಧಾನವಾದಿತ್ತಿನ ಕುಟುಂಬ ವ್ಯವಸ್ಥೆ ತುಳುವೊಡು
ಆನಿಡ್ಡಿಂಚಿ ನಡತ್ತೊಂದು ಬತ್ತ್ದ್, ಅಳಿಯ ಸಂತಾನದ ಮುಟ್ಟ ಪೋದಿತ್ತಿನ
ವಿಷಯ ತೆರಿದಿನವೆ. ಈ ಪದೊನು ಕವಿರಾಜ ಮಾರ್ಗಕಾರೆ ಕೂಡಾ
ಉಪಯೋಗ ಮಾಳ್ತ್ದೆ. (ಕವಿರಾಜಮಾರ್ಗ ಪರಿಚ್ಛೇಧ ೩, ಪದ್ಯ ೧೭೫) ಇಂದೇ
ಲಕ್ಷಣಗ್ರಂಥೊಡು ದೇಶಿ ತುಳುವದ ಶಬ್ದ ಆಳೆ (buttermilk) ಕೂಡಾ
ಬರ್ಪುಂಡು (ಪದ್ಯ ೫೮), ತುಳುತ ಕರುಂಬು (sugarcane)ದ ಅನುನಾಸಿಕ
ಮಾಜಿದ್ ಕರ್ಬು (ಪದ್ಯ ೧೨೧) ಆಪುಂಡು. ಈ ಕರ್ಬು ಇತ್ತೆ ಕನ್ನಡೊಡು
ಕಬ್ಬು ಆದುಪ್ಪುನಯಿಟ್, ಕಾಲಕರಿನಲೆಕ್ಕೊ ಕನ್ನಡ ಮಾರ್ಪಾಟಾಯಿನಾತ್
ತುಳು ಪಾತೆರೊ
