ಈ ಪುಟೊನು ಪ್ರಕಟಿಸದ್ ಆಂಡ್
ಪ್ರಕರಣ
1
ಭಾಷೆ
Language
1.10 ಪೀಠಿಕೆ
1.20 ಭಾಷಾ ಶಾಸ್ತ್ರ-ಭಾಷಾವಿಜ್ಞಾನ
1.30 ಭಾಷಾ ಶಾಸ್ತ್ರದ ಉಗಮ-ಉಪಯೋಗ
1.40 ಜನಮಾನಿ ಪಾತೆರೊ
1.50 ಜಗತ್ತ್ದ ಪಾತೆರೊಲೆನ ವರ್ಗ
1.60 ದ್ರಾವಿಡ ಭಾಷೆಲು
1.70 ಉತ್ತರದ ಪ್ರಾಕೃತ ಭಾಷೆಲು
1.80 ಅಪಿಲು-ಬ್ರಾಹ್ಮಿಅಪಿ
1.90 ತುಳುವ ಪಾತೆರೊ
ಪೀಠಿಕೆ
1.10 ಭಾಷ್ ಇನ್ನಗ ಪಾತೆರ್, ಮನಿಪ್ ಇನ್ಪಿ ಕ್ರಿಯಾಧಾತುಲು: ಇಂದೆಕುಳೆಡ್ ಭಾಷೆ, ಪಾತೆರೊ ಇನ್ಪಿ ನಾಮರೂಪ ತಯಾರಾದುಳ್ಳ. ಮಾನವನ ಜೀವನೊಡು ಒರಿಯಗೊರಿ ವಿಚಾರ ತೆರಿಪಾದ್, ಕಾರ್ಯ ಸಾಧನೆ ಮಾಳ್ವುನವು ನಡತ್ತೊಂದು ಬೈದ್ಂಡ್ ಪಾತೆರೊದ ಮೂಲಕ; ಅಂಚನ್ನಗ ಪತ್ತ್ಜನ ಸೇರ್ದ್ ವಿಚಾರ ವಿನಿಮಯ ಮಳ್ಪುನಯಿಕ್ ಅಕುಳು ಉಚ್ಚಾರ ಮಾಳ್ಪುನವೇ ಪಾತೆರೊ. ಈ ರೀತಿಡ್ ಒಂಟಿ ಪ್ರದೇಶದಕುಳು, ಅಕುಳೆನ ಉಚ್ಚಾರದ ರೀತಿಡ್ ಪಾತೆರ್ಪಿನವು ಅಕುಳೆನ ಭಾಷೆ ಆದ್, ವಿಚಾರ ವಿನಿಮಯಗಾದ್ ಬೋಡಾಯಿನಾತ್ ಶಬ್ದ, ವಾಕ್ಯ ರಚನೆ ತಯಾರಾಪಿನ ಸಾಧ್ಯ. ಇಂಚಿನ ಭಾಷೆಲು ಪ್ರಪಂಚೊಡು ದಿಂಜವುಳ್ಳ. ಅಕುಳೆನ ಶೋಧನೆಡ್ ಮಾನವನ ಜೀವನೊಗು ಭಾಷೆದ ಉಪಯೋಗ ಎಂಚ ನಡಪುಂಡು ಇಂದ್ದ್ ತೆರಿಯೊರೆಗಾಪುಂಡು. ಮಾನವನ ಶೋಧನೆಲೆಡ್ ಭಾಷೆದ ಉಪಯೋಗದಾತ್ ಅದ್ಭುತ. ಅಂಚನೇ ಮಹತ್ವಪೂರ್ಣವಾದಿಪ್ಪುನ ಶೋಧನೆ ಬೇತೆ ಒಂಜಿಜ್ಜಿ ಇಂದ್ದ್ ಪಣ್ತಿನಾರ್ ವಿಜ್ಞಾನಿ ಚಾರ್ಲ್ಸ್ ಡಾರ್ವಿನ್.
23
ಬುಧಾನಂದ ಶಿವಳ್ಳಿ
