ಪನ ತೀರ್ಮಾನಗ್ ಬತ್ತೆರ್, ಸರಿತ ತಾರೀಕು ತಿಕ್ಕಿಜಿಂಡಲಾ ಇಸವಿ ಮಾತ್ರ 1939 ಖಂಡಿತ- ಆಂಡ ಆರ್ ಎಲ್ವೆಡೆ ಎಡ್ಡೆ ಮಡೈನೇ ಮಡೈನೇ ಇತ್ತನೆಕಾತ್ರ ಆರೆಗ್ ಪ್ರಾಯ ಹೆಚ್ಚ ತೋಜೊಂದು ಇತ್ತ್ಂಡ್ ಪಂಡ್ದ್ ಆರ್ ಪನ್ನೆರ್, ಸಾಲೆಡ್ 9ನೇ ತರಗತಿಡ್ ಓದುನಗ ಟೀಚರನು ಮಾತೆರೆಲ್ಲಾ ಮುಟ್ಟುದಿನಾ ತಾರೀಕು ಪತ್ತೊಂದು ಬರಿಯೆರೆ ಪಂಡೆರ್ಗೆ, ಕ್ಲಾಸ್ಗ್ ಬತ್ತ್ದ್ ಮಾತೆರೆಲ್ಲಾ ಎದುರುಡು ಅಲ್ಲಿ ಅಲ್ಲಿ ಪುಟ್ಟುದಿನ ತಾರೀಕ್ ಪನ್ನಗ ಆರೆನ ತರಗತಿಡಿತ್ತಿ ಜೋಕುಲು ಮಾತಾ ತೆಲ್ಲೆರ್, ಕ್ಲಾಸ್ಡ್ ಪೊನ್ನು ಜೋಕುಲು ಜಾಸ್ತಿ ಇತ್ತೆ, ಪ್ರಾಯಲಾ ದಿಂಜ ಆತಿನ ಪೊನ್ನು ಜೋಕುಲು ಜಾಸ್ತಿ ಇತ್ತೆರ್. ಆಂಡ ಆರ್ ಜೀವೊಡು ಒಂತೆ ಮಲ್ಲ ಇತ್ತಿನೆಡ್ಡಾತ್ರ ಆರೆನ ಪ್ರಾಯ ಪನ್ನಗ ಬಾಕಿ ಜೋಕ್ಲಗ್ ಕುಸಾಲ್ ತೋಜಿಂಡ್, ಅಂಚಾದ್ ಮಾತೆಲ್ಲ ತೆಲಿಪುನಗ ಆರೆಗ್ ಬೇಜಾರಾಂಡ್, ಇಲ್ಲಡೆ ಬತ್ತದ್ ಅಮ್ಮೆರೆಡ ಪಂಡ್ದ್ ಊರುದ ಪಟ್ಲರೆನ ಸರ್ಟಿಫಿಕೆಟ್ ಕೊನೊದು ತಹಶಿಲ್ದಾರನ ಸಹಿ ಮಲ್ಲಾದ್ ಒಂಜಿ ವರ್ಷ ಎಚ್ಚ ಮಾಯೆರೆ ಅಮ್ಮೆರ್, ಅಂಚ ಮಲ್ತಿನೆದ್ದಾವರ ಒಂತೆ ಬೇಗ ನಿವೃತ್ತಿ ಆವೊಡಾಂಡ್ ಪನ್ನಿನ ಬೇರೆ ಏಮೊಗ್ಗಾ ಆರೆನ ಮನಸ್ಡ್ ಇತ್ತ್ಂಡ್. ಅವೆನ್ ಆರ್ ಎನಡ ಪಂಡ್ದ್ ಇತ್ತೆರ್. ಈ ಒಂಜಿ ವರ್ಷ ಮಲ್ಲೆ ಆಂಡಲಾ ಪ್ರಾಯದಗ್ (ಖಜಟುಠಡಿ ಉಣುಂಜಟಿ) ತಿಕ್ಕುನ ಗೌರವ ಬೇಗ ಎಂಕ್ ತಿಳ್ಕೊಂಡ್ ಪಂಡ್ದ್ ಆರೆಗ್ ಸಮಾಧಾನಲಾ ಉಂಡು. ಆರೆನ ವ್ಯಕ್ತಿತ್ವದ ಬಗ್ಗೆ ಪಕ್ಷುನಾಂಡ ಆರ್ ಆಕರ್ಷಕ ಮೈ ಕಟ್ಟಿದ ಪೊಣ್ಣು, ಮುತ್ತೈದೆ ಸಿಂಗರಿದ ಮಾತೆರೆಗ್ಲಾ ಕೊದಿ ಬೂರುನ ದೇಖಿ, ನಡತೊಂದು ಪೋನಗ ಕುಡೋರ ತೂಕ ಪತ್ನಿ ಪರ್ಸನಾಲಿಟಿ. ತನ್ನ ಗಂಭೀರ ನಡಿಗೆಡ್ ಪೋನಗ ಆರೆನ ಮಿತ್ತೆ ಕಣ್ ಪಾಡ್ದಿನ ಜವನೆ ಬಾರಿ ಉಲ್ಲೆರ್. ಆಂಡ ಪಾತೆರಕತೆ ಮಲ್ಪೆರೆ ಏರೆಗ್ಲಾ ಧೈರ್ಯ ಇತ್ತಜಿ. ಆತೇ ಗರಂ ಇತ್ತೆರ್. ತಮಾಸೆ ಮಲ್ಲುನ ಜವನೆರೆಗ್ ಮೊನೆಗ್ ಹಾಕಿ ಲೆಕ್ಕ ಪಾತೆರ್ ಬೊಕ್ಕೊರ ಮೋನೆ ತೂವಂದಿ ಲೆಕ್ಕ ಮಲ್ತ ಜವನೆರ್ನ ಬೆಗರ್ ಜಪುಡಾದಿನಲಾ ಉಂಡು. ಆರೆಗ್ ಆರೆನ ಅಮ್ಮೆರೆನ ಮದರ್ದ ಬಗ್ಗೆ ಕೊರಗ್ ಇತ್ತ್ಂಡ್, ಅಮ್ಮೆರೆನ ಪುದರ್ ಚೋಮೆ. ಅಪ್ಪೆನ ಪುದರ್ ಕಲ್ಯಾಣಿ. ಏಲ್ಲಾ ಅಮ್ಮೆರೆನ ಪುದರೆಂಚ ಕೇಂಡ್ಂಡ ಪುದರ್ ಪನಿಯೆರೆ ನರ್ಗೊಂದು ಇತ್ತೆರ್. ಅವು ಹರಿಜನೊಕ್ಕು ದೀಪಿನ ಪುದರ್ ಪಂಡ್ದ್ ಪನಿಯೆರೆ ನರ್ಗೊಂದು ಇತ್ತೆರ್. ಶಿವರಾಮ ಕಾರಂತೆರ್ ಬರೆತಿನ ಚೋಮನ ದುಡಿ ಸಿನೇಮಾ ಆನಗ ಆರೆನ ಅನುಮಾನ ಸತ್ಯ ಆಂಡ್. ಅಲ್ಬಟ್ ನಾಯಕೆ ಶ್ರೀಮತಿ ಕೆ. ಲೀಲಾವತಿ / 8
