ಜಪ್ಡಾಯ, ಇಂಚ ಲೀಲಕ್ಕ ಪಕ್ಷಿ ಪುದರ್, ಬೊಕ್ಕ ದೇಹ ತೂಟ್ ಬಸ್ಮಾಂಡ್, ಸುಮಾರ್ 5ಗಂಟೆಗ್ ಆರೆನ ದೇಹ ಬೊನ್ಯ ಆಂಡ್. ಎನ್ನಿಯರೆ ಆವಂದಿ ಲೆಕ್ಕ ಈ ನಮೂನೆದ ಆರೆನ ಸಾವು ಬರ್ಪುಂಡು ಪಂಡ್ದ್ ಯೇರಾಂಡ್ಲ ಎನ್ನದೆರಾ? ಏರಾಂಡಲಾ ನಂಬುವೆರಾ! ಎಂಕ್ ಪನಿಯೆರೆ ಆಪುಜಿ, ಉಂದೊಂಜಿ ವಿಧಿಲೀಲೆ! ಕೋಡೆ ಇತ್ತಿನ ನರಮಾನಿ ಇನಿ ಕಾಂಡೆ ಇಜ್ಜಿಂದ್ ಪಂಡ ನಂಬೆರೆ ಸಾಧ್ಯ ಇಜ್ಜಿ. ಕೋಡೆ ತೆಲ್ಡ್ದ್, ನದ್, ಸಂತೋಷ ಪಡೆತಿನ ಆ ಜೀವ ಇನಿ ಬಸ್ಟಾಂಡ್, ಪ್ರಕೃತಿಡ್ ಲೀನ ಆಂಡ ಪನ್ನಗ, ನರಮಾನಿ ಏತ್ ನಶ್ವರ. ನರಮಾನಿನ ಬದ್ಕ್ ಏತ್ ಶಾಶ್ವತ ಆಕಸ್ಮಿಕ ಮರಣ ಬತ್ತಂಡ ಎಡ್ಡೆ ಪಂಡ್ದ್ ಮಾತೆಲ್ಲಾ ಪಕ್ಟರ್, ಆಂಡ ಲೀಲಕ್ಕಗ್ ಇಂಚಿನ ಮರಣ ಬಪ್ಪುಂಡ್ ಪನ್ನಿ ನಂಬಿಕೆನೇ ಇತ್ತದೆ. ಲೀಲಕ್ಕಗ್, ಮಾತ್ರ ಆರೆನ ಅಪ್ಪೆ ತೀದ್ ಪೋಯಿಬೊಕ್ಕ ತನ್ನ ಜೀವಲಾ ಬೇಗ ಪೋಪುಂಡು ಪಂಡ್ದ್ ಒಂತೆ ಕಲ್ಪನೆ ಇತ್ತ್ಂಡ್, ಅಯಿನ್ ಬರೆದ್ ದೀತೆ. ಅಪ್ಪೆ ತೀರ್ದ್ 2 ತಿಂಗೋಳು ಆನಗ ತನ್ನ ಜೀವಪೋಯಿನ ದಿನಲಾ ಅವೇ ಆಜಿ ತಾರೀಕು. ಆಪ್ಪೆ ಸೆಪ್ಟೆಂಬರ್ 6 ತಾರೀಕ್ಗ್ ತೀರಿಯೆರ್, ಮಗಲ್ ನವೆಂಬರ್ ಆಜೆಕ್ ಆರೆನ ಮರಣ. ಆರ್ ಪಟ್ಟಿ ದಿನ ತಾರೀಕ್ಲ ಜೂನ್ 6. ಇಂಚ, ಒಂಜೆಕ್ಕೊಂಜಿ ಸಂಬಂಧ ದೀವೊಂದು ಆರ್ ನವೆಂಬರ್ 6 ತಾರೀಕ್ದಾನಿ ನಮ್ಮ ಮಾತೆರೆಲ್ಲಾ ದುಃಖದ ಸಾಗರೊಗು ಪಾಡಿಯೆರ್ ಪಂಡ ತಪ್ಪತ್. ಒಟ್ಟು ಆಯುಷ್ಯ ಕಡಿಮೆ, ಆಂಡ ಸೈಪಿನ ಪಿರಾಯ ಅತ್ತೆ. ನನಲಾ 62 ಗಟ್ಟಿ ಮುಟ್ಟಿ ದೇಹ, ಪಿದಾಯಿ ತನಗ ವಾ ಒಂಜಿ ಕಾಯಿಲೆ ಕಷ್ಟ ಇತ್ತಿನ ಜೀವ ಅತ್ತೆ. ತನ್ನ ಆರೋಗ್ಯ ಕಾಪೆರೆ ಬೋಡಾದ್ ಕಾಂಡೆ ವಾಕಿಂಗ್ ಪೋಪಿನ ಅಭ್ಯಾಸಲಾ ಮಲ್ದೆರ್, ದಿನಾಲಾ ದೇವೆರೆ ಮಿತ್ ಪ್ರಾರ್ಥನೆ, ಧ್ಯಾನ, ಭಜನೆ, ಲಲಿತಾ ಸಹಸ್ರನಾಮ ಬುಡಾಂದೆ ಮಲ್ಲೊಂದ್ ಇತ್ತೆರ್. ಆರ್ ಪುಟ್ಟಿ ದಿನ ತಾರೀಕು ಆರೇಗ್ ಗೊತ್ತಿಜ್ಜಿ ಪನ್ನೆರ್, ವಾಮನ ಬೊಕ್ಕ ಆರ್ ಸೇರ್ ಸರಕಾರಿ ಕಛೇರಿಡ್ ನಾಡ್ನಗ 15-03-1941 ಪಂಡ್ದ್ ತೆರಿದ್ ಬತ್ತ್ಂಡ್, ಬೊಕ್ಕ ತೂನಗ ಅವು ಆರೆನ ತಂಗಡಿನ ಪಟ್ಟಿ ದಿನ ತಾರೀಕು. ಆರೆನ ತಂಗಡಿ 2ವರ್ಷ ಮಲ್ಲಗೆ ಆರ್. ಅಂಚಾದ್ ಆರೆನ ಜನ್ಮ ದಿನಾಂಕ 1939 ಆದುಪ್ಪೆರೆ ಯಾವು ತುಳುತ್ತ ಸುಗ್ಗಿ ತಿಂಗೊಳುಡು ಆರ್ ಮುಟ್ಟಿದಿನಿ ಪಂಡ್ದ್ ಅಲ್ಲಿ ಹಿರಿಯಾಕೆ ನೆನಪು. ಆಯಿನೆಡ್ಡಾತ್ರ 15-03-1941 ಬೊಕ್ಕ 14-04-1939 ಈ ನಡುಟ್ಟು ಆರ್ ಮುಟ್ಟಿದ ಶ್ರೀಮತಿ ಕೆ. ಲೀಲಾವತಿ / ?
