ಪೊರ್ಲು, ಈ ಪೂರಾ ಕವನೋಲು ಆರೆನ ಕವಿತಾಶಕ್ತಿಗೆ ಸಾಕ್ಷಿಯಾದ್ ಉಂಡು. ಈ ಸಂಕಲನೊದ ಕಬಿತೆಲು ಅತ್ತಂದೆ, ನನೊಂಜಿ ಸಂಕಲನ ಮಲ್ಪುನಾತ್ ಕಬಿತೆಲು ಉಲ್ಲ. ಅವೆನ್ ಪ್ರಕಟ ಮಲ್ಲೊಡ್ ಪನ್ನಿ ಆಸೆ ಆರೆಗ್ ಇತ್ತಂಡ್. ಆವೆನ್ ತುಳುನಾಡ ಪ್ರೆಸ್ಾರಡ ಕೊದ್ದಿತ್ತೆರ್. ಆಂಡ ಆರೆನ ಆಸೆ ಪೂರ್ಣ ಆಪಿನೆಕ್ ದುಂಬೇ ಆರ್ ಸ್ವರ್ಗೊಗು ಸೇರೇರ್, ಆವೆನ್ ನನ ಆಂಡಲಾ ಒಟ್ಟು ಮಲ್ತ್ದ್ ಪ್ರಕಟ ಮಲ್ತ್ಂಡ ಆರೆನ ಆಗು ತೃಪ್ತಿ ಆತು. ಆರೆನ ಫೋಟೋದೀದ್ ಮಾಲೆ ಪಾಡ್ದ್ ಭಕ್ತಿ ತೋಜಾವುನವು ಒಂಜಿ ಪ್ರೀತಿ, ಆಂಡ ಆರೆನ ಕಬಿತೆಲೆನ್ ಪ್ರಕಟ ಮಲ್ತ್ದ್ ಆರೆನ ಪದ ತುಳು ಸಾಹಿತ್ಯೋಡ್ ಯಾಪೊಲಾ ಉಪ್ಪುನ ಲೆಕ್ಕ ಮಲ್ಪುನವು ನನೊಂಜಿ ರೀತಿದ ಪ್ರೀತಿ, ಬಹುಶಃ ಸಾಹಿತ್ಯದ ಪ್ರೀತಿ ಇತ್ತಿನಕುಲು ಈ ರೀತಿಡ್ ಪ್ರೀತಿನ್ ವ್ಯಕ್ತ ಪಡಿಸುವೆರ್. ಅಂಚಿನ ಬಂಧುಲು ಆರೆಗ್ ಉಲ್ಲೆರ್. ಆಕುಲು ಈ ರೀತಿದ ಪ್ರೀತಿ ತೋಜಾವೆರ್ ಪಂಡ್ದ್ ಎಂಕುಲು ನಿರೀಕ್ಷೆ ಮತ್ತೊಂದುಲ್ಲ. ಇಂಚ ಲೀಲಕ್ಕನ ಬಹುಮುಖ ಪ್ರತಿಭೆ ಬೇತೆ ಬೇತೆ ರೀತಿಡ್ ಪ್ರಕಟ ಆತ್ಂಡ್. ಸಂಘಟಕಿಯಾದ್, ಸಂಪಾದಕಿಯಾದ್, ಕವಯಿತ್ರಿಯಾದ್, ಕತೆಗಾರ್ತಿಯಾದ್, ನಾಟಕಕಾರ್ತಿಯಾದ್, ಸಂಗೀತಗಾರ್ತಿಯಾದ್, ನೃತ್ಯಗಾರ್ತಿಯಾದ್ ಆರೆನ ಪ್ರತಿಭೆದ ಪರಿಚಯ ಸಮಾಜೊಗ್ ಆತ್ಂಡ್. ಒಂಜಿ ಯಶಸ್ವಿ ಶಿಕ್ಷಕಿ ಆಯೆರೆ ಈ ಮಾತಾ ಪ್ರತಿಭೆಲು ಅವಶ್ಯವಾದುಂಡು. ಆರೆನ ವಿದ್ಯಾರ್ಥಿಲು ಅಂಚಾದೇ ಆರೆನ ದುಡುಕು, ಕೋಪನ್ ಮದತ್, ಪ್ರೀತಿ ಮಲ್ಪೆರೆ ಸಾಧ್ಯ ಆತ್ಂಡ್. ಅತೀ ಪ್ರತಿಭಾವಂತೆರೆಡ ಇಂಚಿನ ಒಂಜೊಂಜಿ ದೌರ್ಬಲು ಉಪ್ಪುಂಡು ಪಂಡ್ದ್ ಪನ್ನೆರ್. ಪರಿಪೂರ್ಣ ಮನುಷ್ಯರ್ ಏರ್ ಉಲ್ಲೆರ್? ಪರಿಪೂರ್ಣ ವ್ಯಕ್ತಿ ಆಯೆರೆ ಆರ್ ಮಸ್ತ್ ಪ್ರಯತ್ನ ಮಲ್ಲೊಂದಿತ್ತೆರ್, ಆಂಡಲಾ ಆರೆನ ದೌರ್ಬಲೆನ ಒಟ್ಟುಗೇ ನಮ್ಮ ಆರೆನ್ ಪ್ರೀತಿಸೆರೆ ಕಲ್ಲೊಡಾಂಡ್. ಉಂದುವೇ ಲೀಲಕ್ಕನ ವಿಶೇಷ ಶಕ್ತಿಯಾದ್ ಉಂಡು. ಮದಪ್ಪಾರವಂದಿ ಲೀಲಕ್ಕನ ಬಗ್ಗೆ ಅಮೃತ ಸೋಮೇಶ್ವರ ಮೇರ್ ಇಂಚ ಮದಷ್ಟೆರೆ ತೀರಂದಿನ ಒಂಜಿ ಚೇತನ, ಶ್ರೀಮತಿ ಕೆ, ಲೀಲಾವತಿಯರೆನವು. ಶ್ರೀಮತಿ ಕೆ. ಲೀಲಾವತಿ / 46
