ಆಲ್ಲಾ ಒಟ್ಟಿಗೆ ಸಂಗೀತ ಕಲ್ಪೆರೆ ಸುರು ಮಲ್ಲಿ ಬೊಕ್ಕ ಕೇಶವ ಭಟ್ರೆನ ಶಿಷ್ಯರಾದ್ ಎಂಕು ಸಂಗೀತ ಕಲ್ಲೊಂದುಪ್ಪುನಗ ಪುಲ್ಯ ಕಾಂಡೆ ಐನ್ಗಂಟೆಗೆ ಆರ್ ಎಂಕ್ಲನ ಇಲ್ಲಡೆ ಬತ್ತದ್ ಒಟ್ಟಿಗೆ ಸಂಗೀತ ಸಾಧನೆ ಮತ್ತೊಂದಿತ್ತ ಕಿನ್ನಿಕಂಬ್ಳೆ ಶಾಲೆಡ್ ಶಿಕ್ಷಕಿಯಾದುಪ್ಪುನಗ ಪದ್ಮನಾಭ ಆಚಾರ್ಯರೆನ ಶಿಷ್ಯಯಾದ್ ದುಂಬೇ ಆರ್ ಸಂಗೀತ ಕಮ್ಮಿದಿತ್ತೆರಲಾ ಮೂಲು ಎನ್ನ ಒಟ್ಟುಗು ಭಾರೀ ಶ್ರದ್ದೆಡ್ ಸಂಗೀತ ಅಭ್ಯಾಸ ಮತ್ತೊಂದಿತ್ತೆರ್, ಎನ್ನ ಶ್ರುತಿ ಆರೆಗ್ ಸರಿ ಆವೊಂದಿತ್ತಿಜಿ ಅಂಚಾದ್ ಆರ ಶ್ರುತಿಟೇ ಯಾನ್ ಒಟ್ಟುಗು ಸಾಧನೆ ಮಲ್ಲೊಂದಿತ್ತೆ. ಅಯಿಡ್ಡ ಬೊಕ್ಕ ಆನಂದರಾಯರ ಕೈತಲ್ ಒಂತೆ ಸಮಯ ಉತ್ತರಾದಿ ಸಂಗೀತೊನ್ಹಾ ಕಲ್ಲೆರೆ ಬರೊಂದಿತ್ತೆ. ಈ ಸಂಗೀತ, ನಾಟಕ, ಸಾಹಿತ್ಯದ ಮರ್ ಎನನ್ಹಾ ಆರೆಲ್ಲಾ ಅಲ್ಕಲ್ ಪತ್ಂಡ್. ಆರ್ ಹಿಸ್ಟ್ರಿ ಎಂ.ಎ ಓದೊಂದುಪ್ಪುನಗ, ಬೊಕ್ಕ ಕನ್ನಡ ಎಂ.ಎ ಓದೊಂದೊಪ್ಪುನಗ ಕೆಲವು ಕ್ಲಿಷ್ಟ ಸಮಸ್ಯೆಲೆನ್ ಚರ್ಚೆ ಮಲ್ಪೆರೆ ಬರೊಂದಿತ್ತೆರ್, ಅಂಚ ಚರ್ಚೆ ಮಲ್ಗೊಂಡ ಆರೆಗ್ ವಿಷಯ ಮನಸ್ಸೇಡ್ ಗಟ್ಟಿಯಾದ್ ಕುಲ್ಲುಂಡ್ ಪನ್ನಿನ ಉದ್ದೇಶ ಮಾತ್ರ ಇತ್ತ್ಂಡ್. ಆಂಡ ಆ ಚರ್ಚೆ ಎಂಕ್ ಮಸ್ ಪ್ರಯೋಜನ ಆಂಡ್. ಅಪಗ ಅರ್ ಬರೆತಿನ ಕವನೊಲೆನ್, ನಾಟಕೊಲೆನ್,ಕತೆಕ್ಲನ್ ಎನ್ನ ಎದುರು ಓದ್ ಪಂಡ್ದ್ ಎನ್ನ ಅಭಿಪ್ರಾಯ ಕೇನೊಂದಿತ್ತೆರ್, ಎನ್ನ ಅಭಿಪ್ರಾಯೊನು ಮಾತಾ ಆರ್ ಸ್ವೀಕಾರ ಮಜೆರಲಾ ಕೆಲವು ಸರ್ತಿ ಅಂದ್ ನಿನ್ನ ವಾದ ದೆತ್ತ್ ಪಾಡ್ಡಿನ ಅತ್ ಪಂಡ್ದ್ ಪನೊಂದಿತ್ತೆರ್, ಒರ ಭಾರತ ಮಾತೆನ ಬಗ್ಗೆ ಆರ್ ಬರೆತಿನ ಒಂಜಿ ಕವನೊಡ್ ಪ್ರಾಸೊಗಾತ್ರ 'ನವನೀತಧಾರಿಣಿ” ಪನ್ನಿನ ಪದ ಸರಿಯತ್ ಅವೆನ್ 'ನವರತ್ನಧಾರಿಣಿ' ಪಂಡ್ ದ್ದಂಡ ಅವು ಪಂಡೆ. ನವನೀತ ಪಂಡ ಬೆಣ್ಣೆ ಪಂಡ್ದ್ ಅರ್ಥ. ಕನ್ನಡ ಬರೆಪಿನಕೆಗ್ ಒಂತೆ ಸಂಸ್ಕೃತದ ಅಭ್ಯಾಸಲಾ ಬೋಡಾಪುಂಡು ಪಂಡೆ, ಯಾನ್ ಅಪಗ ಕನ್ನಡ ಪಂಡಿತ್ ಪರೀಕ್ಷೆಗೆ ಅಭ್ಯಾಸ ಮತ್ತೊಂದಿತ್ತೆ, ಎನ್ನ ಪಾತೆರ ಆರೆಗ್ ಮನಸ್ಸಿಗೆ ನಾಟ್ಕಂಡಾ ದಾನ್ನ, ಕೆಲವೇ ದಿನೊಟ್ ಸಂಸ್ಕೃತ ಕ್ಲಾಸ್ಗ್ ಸೇರೆರ್. ಸಂಸ್ಕೃತದ ಕೆಲವು ಪರೀಕ್ಷೆಲೆನ್ ಪಾಸಾಯರ್. ಇಂಚ ಆರೆನ ಜ್ಞಾನದಾಹ ಒಂಜತ್ತಡ ಒಂಜಿ ವಿದ್ಯೆನ್ ಕಲ್ಲುನೆಟ್ ಎಚ್ಚಾವೊಂದೆ ಇಡ್ಕೊಂಡ್, ಚಿತ್ರಕಲೆನ್ ಅಭ್ಯಾಸ ಮಲ್ತ್ದ್ ಅಯಿತ ಪರೀಕ್ಷೆಗ್ಲಾ ಕುಲ್ಲುದಿತ್ತೆರ್. ನವ್ಯ ಕವನೊಲೆನ್ ಅರ್ಥ ಮಲ್ಲೊನೆರೆ ಯಾನ್ಹಾ ಆಲ್ಲಾ ಭಾರೀ ಪುಣೆವೊಂದಿತ್ತ. ಶ್ರೀಮತಿ ಕೆ. ಲೀಲಾವತಿ / 33
