ಕೊರಂದ ಕಡೆಕ್ ದೂರನೇ ಮಲ್ಲೆರ್ ಆಯೆ ಪ್ರತಿಭಾವಂತೆ ನಟಿ ತುಳುಟು ಕೋಟಿ ಚೆನ್ನಯೆ ಸಿನೇಮಾದ ಚೆನ್ನಯನ ಪಾತ್ರ ಮಲ್ತ್ದ್ ಪುದರ್ ದೆತೊಂಡರ್, ನಾಯಕ ನಟೆ ಆಯೆರ್.ಹಿಂದಿಲ್ಲಾ ಒಂಜಿ ರಡ್ ಪಾತ್ರ ಮಲ್ಲಿತ್ತೆರ್, ತುಳು ಕನ್ನಡ ಮರಾಠಿ ರಂಗಭೂಮಿಗ್ ಮಲ್ಲ ಪುದರ್ ಕನತರ್, ಕಂಡನಿ ವಾಮನೆರೆಗ್ ಕ್ಯಾರೇ ಇಜ್ಜಾಂದಿ ಲೆಕ್ಕ ದೂರ ಮತ್ತೊಂಡೆರ್, ನನ ಸ್ನೇಹಿತೆರೆ ವಠಾರೊಗ್ ಬತ್ತುಂಡ ಎಡ್ಡೆ ಸ್ನೇಹಿತೆ ಪನಾ ಹೆಗ್ಗಳಿಕೆಲಾ ಇಜ್ಜಿ. ಮಾತೆಲ್ಲಾ ಲೆತ್ತದ್, ಕಾಫಿ ಪಾದ್, ವನಸ್ ಪಾಡ್ವಾದ್ ಲೀಲಕ್ಕ ಲೀಲಕ್ಕ ಪನ್ನಿನ ಅಡೆ ಮುಟ್ಟ ಸರಿ. ವಾದ ವಿವಾದ ಮಲ್ಪೆರೆ ಶುರು ಮಲ್ತುಂಡ ಲೀಲಾವತಿನ ಪಾತೆರನೇ ಸರಿ. ಅವು ಏರ್ ಪಂಡ್ಲಾ ಒಪ್ಪುನ ಸ್ವಭಾವ ಅತ್ತೆ ಇತ್ತೆಲಾ ಸಾಹಿತ್ಯ, ಸಂಗೀತ ನಾಟಕ ಸಿನೇಮಾದ ಬಗ್ಗೆ ಆರ್ ಕೊರಿನ ತೀರ್ಪು ಅಕೇರಿದ, ಇಜ್ಜಿಂಡ ಕೋಪ ಬತ್ತಂಡ ಜತ್ತ್ದ್ ಪೋಪಿನ ಸ್ವಭಾವ. ಆಕಾಶವಾಣಿ ಸಂಗೀತ ಕಾರ್ಯಕ್ರಮ ಪ್ರಚಾರ ಆನಗ ಉದ್ವೇಷಕಿಯಾದಿತ್ತೆರ್. ಸಂಗೀತದ ತಾಳ, ಲಯ ಪನ ಕಾರ್ಯಕ್ರಮೊಡು ಭಾಗಿಯಾದ್ ಇತ್ತೆರ್. ಆಕಾಶವಾಣಿದ ನಾಟಕೊಲು ಉಂಬೆ ದಿಗ್ದರ್ಶನೊಡು ಪ್ರಸಾರ ಆವೊಂದ್ ಇತ್ತ್ಂಡ್. ಅಯಿಟ್ ಈ ಲೇಖಕಲಾ ಪಾಲ್ದಾರೆ, ಅ ಪಾತ್ರಧಾರಿ ಆದ್ ಇತ್ತೆ. ಎನ್ನ ಸ್ವರ ಅಜರ್ ಒಂತೆ ಆಕರ್ಷಣೀಯವಾದ್ ಇತ್ತಂಡ್, ಅವೆನ್ ಕೇನ್ಸ್ ನಿಲಯದ ಗುರಿಕಾರೆರ್ ಎಂಕ್ ಬೇತೆನೇ ಒಂಜಿ ಸಂಭಾಷಣೆ ಕೊರಿಯೆರ್, ಇಂಬೆರೆನ ಒಟ್ಟುಗು ಪೋದು, ಇಂಬೆರ ಕೇನಂದೆ ಎಂಕ್ ಸಂಭಾಷಣೆ ಕೊರಿಯ ಪಂಡ್ದ್ ಇಂಬೆರೆಗ್ ಕೋಪ, ಅಂಚ ಇಲ್ಯ ವಿಷಯೊಗ್ಗಾ ಜೊಕುಲೆ ಲೆಕ್ಕ ಮತ್ತೊಂದಿತ್ತೆರ್.ಉಂದು ಆರೆನ ಸ್ನೇಹಿತೆರೆನ ಅಭಿಪ್ರಾಯಲಾ ಅಂದ್, ಆರ್ ಕುಸೀಟ್ ಇತ್ತುಂಡ ಆರೆನ ಪಾತೆರಕತೆಟ್ ಒಂಜಿ ಮಾಂತ್ರಿಕ ಶಕ್ತಿ ಇತ್ತಂಡ್. ಅಂಚಾದ್ ಮಲ್ಲ ಮಲ್ಲ ಸಾಹಿತಿಲೆನ, ಮಲ್ಲ ಮಲ್ಲ ಜನೊಕ್ಲನ ಪರಿಚಯ ಮೆರೆಗ್ ಇತ್ತಂಡ್ ಮೆರೆನ ದೋಸ್ತಿ ಬಿ.ಎಮ್. ರೋಹಿಣಿ ಇಂಚ ಪನ್ಸರ್. ಎನ್ನ ಬೊಕ್ಕ ಲೀಲಾವತಿನ ಸ್ನೇಹ ಸುಮಾರ್ 30-40ವರ್ಷಡ್ಡಿಂಚಿ ನಡತೊಂದು ಬೈದಿನ. ಎಂಕುಲು ಜಾತಿ ಬಂಧುಲು ಆಯಿನೆಸ್ಥಾವರ ಬಾಲ್ನೋಡ್ಕೊಂಚ ಪುದ ಕೇಂಡ್ದ್ ಗೊತ್ತು, ಆಂಡ ಪರಿಚಯ ಆದ್ ಸ್ನೇಹ ಗಾಢವಾಯಿನಿ ಯಾನಾ ಶ್ರೀಮತಿ ಕೆ. ಲೀಲಾವತಿ / 32
