ಲೀಲಕ್ಕನ ಜೀವಮಾನ ಇಡೀ ಅನುಮಾನ ಪ್ರವೃತ್ತಿಡೇ ಸಾಗ್ಂಡ್, ಆರೆಗ್ ಏರೆಡಲಾ ವಿಶ್ವಾಸ ಪನಾ ಇದೆ. ತನ್ನ ಕುಟುಂಬೊಗು ಬೋಡಾದ್ ದಿಂಜ ತ್ಯಾಗ ಮಲ್ಲಿನ ಜೀವ ತಾನ್ ಮಧ್ಯೆ ಆಂಡಲಾ ಆವಂದಿಲೆಕ್ಕಾನೇ ಇತ್ತ ತನ್ನ ಬೆರಿಟ್ ಬತ್ತಿನ 3 ಆಣ್ ಬೊಕ್ಕ 5 ಪೊನ್ನು ಜೋಕೆಗ್ ಅಕ್ಲು ಓದಿನಾತ್ ವಿದ್ಯಾಬ್ಯಾಸ ಕೊರು, ಆಕ್ತನ ಯೋಗ್ಯತೆಗೆ ತಕ್ಕಂತಿನ ಕೆಲಸದ ಪ್ಲಾನ್ ಕೊರು ಅಕೇರಿಗ್ ಅಲ್ಲಿನ ಮಧ್ಯೆ ಮಲ್ತುದ್ ಆ ಸುಖೀ ಸಂಸಾರೊನು ತೂದೇ ಸಂತೋಷ ಪಡೆಯೆರ್. ಅತ್ತೆ ಜೋಕ್ಲನೆ ತನ್ನ ಜೋಕ್ಲು ಎನ್ನದ್ ಅಕ್ಸೆಗ್ ಬೋಡಿತ್ತಿನ ತಿನೆರೆ, ತುತ ಮಾತ ಕೊರು ಜೀವನೊನು ಪಾವನ ಮತ್ತೊಂದಿನ ಜೀವ, ಇಂಚಿನ ಜೀವ ನೆಮ್ಮದಿಗೆ ಇತ್ತುದೊಡು. ಆರೆನ ಮಾತ್ರ ಪೋಡಿಗೆದ ಬದುಕು. ಹೆಜ್ಜೆ ಹೆಜ್ಜೆಗ್ಲಾ ಪೋಡಿಗೆ, ಆಯೆ ಎಂಚಾಪೆನಾ ದಾನ್ನ! ಮೋಲೆಗ್ ದಾಲ ಆಪುಂಡಾ ದಾನ್ನ ಪತ್ನಿ ಚಿಂತೆ, ಅಪ್ಪೆನ್ ಭಾರೀ ಗೌರವೊಡ್ ತೂವೊಂದಿನ ಜೀವ, ಅಪ್ಪೆಗ್ ಮರ್ಯಾದಿ ಕೊರು ಮಾತೃ ವಾತ್ಸಲ್ಯ ಮೆರೆಪಾಯೆರ್. ಅಪ್ಪ ತೀದ್ ಪೋಯಿ ಬೊಕ್ಕ ಅನಾಥ ಪ್ರಜ್ಞೆ ಶುರುವಾಂಡ್, ಒಂಜಿ ಲೆಕ್ಕೊಡ್ ಅನುಮಾನ ಪ್ರವೃತ್ತಿದ ಕಾರಣಲಾ ಉಂಡು, ಅರ್ ಅಪ್ಪೆಗ್ ಎಡ್ಡೆ ಮಗಳಾದ್ ಬದಜೆರ್, ಏಪಲಾ ತರೆ ಬೆಚ್ಚ ಕೊರೊಂದೇ ಇತ್ತೆರ್. ಆಣ್ ಜೋಕ್ಲನ ವಿಷಯ ಆದುಪ್ಪು ಪೊಣ್ಣು ಜೋಕ್ಸ್ನ ವಿಷಯ ಆದುಪ್ಪು, ಅತ್ತಂಡ ಬೊಡೆದಿ ಜೋಕ್ತನ ವಿಷಯ, ತಂಗಡಿಲ್ಲೆನ, ಕಂಡನಿಯೆರೆನ ವಿಷಯ ಆದುಪ್ಪು, ಚಿಂತೆ ಮಲ್ತುದು ಗರಂ, ಆಂಡ ಅವೆನ್ ಸಮಾಧಾನ ಮಲ್ಲು ಒಂಜಿ ಮಲ್ಲ ಬೇಲೆ. ಇಂಬೆರೆಗ್ ಏಪ ಕೋಪ ಬತ್ತ್ಂಡಲಾ ಸಮಾಧಾನ ಪಂಡ್ದ್ ತಾಳ್ಮೆಡ್ ಮಾತೆರೆಗ್ಲಾ ಬೋಡಾಯಿಲೆಕ್ಕ ನಡತ್ತಿನ ಕಲ್ಯಾಣಿಯಕ್ಕನ ಮನಸ್ಸದ ಬೇನೆ ಏರೆಡ ಪನೊಲಿ? ವಿದ್ಯಾಬ್ಯಾಸ ಕೊರಿಯೆರ್, ಮಧ್ಯೆ ಮಲ್ಲೆರ್ ಆಂಡಲಾ ಆಕೆನ ಬಾಯಿಡ್ ಎಡ್ಡೆ ಅಕ್ಕ ಇಂದ್ ಪಾಯೆರೆ ಇಂಬೆರೆಗ್ ಸಾಧ್ಯ ಆಯಿಜಿ, ಏಪಲಾ ಪಿಸ್ರ್, ಅಕ್ಲಗ್ ಸ್ವಾತಂತ್ರ್ಯ ಇಜ್ಜಾಂದಿ ಬದುಕ್, ಟೀಕೆ ಮಲ್ಲೊಂದೇ ಇತ್ತೆರ್, ಅಕೇರಿಗ್ ಅಕ್ಷು ಎದುರುಂತೆರೆ ಶುರು ಮಲ್ಲೆರ್, ನನ ಮೆಗಿದಿನಕ್ಷೆಗ್ ಆರೆನ ಎದುರುಡು ಉಂತೊಂದು ಪಾತೆರುನ ಸ್ವಾತಂತ್ರ್ಯಲಾ ಕೊರ್ತುಜೆರ್, “ಬೆಂಕಿಯಲ್ಲಿ ಅರಳಿದ ಹೂ” ಪತ್ನಿ ಸಿನೇಮಾ ಬತ್ತದ್ ಇತ್ತ್ಂಡ್, ಆಯಿತ ನಾಯಕಿ ಇಲ್ಲಡೆ ಬನ್ನಗ ಜೋಕ್ಲು ಅಪ್ಪೆ ಮಾತೆಲ್ಲಾ ಬಾಯಿ ಮುಚ್ಚಿದ್ ಕುಲ್ಲುವೆರ್. ಎಲ್ಯ 6-7 ತಿಂಗೊಳ ಬಾಲೆ ಬುಲ್ಲೊಂದು ಇತ್ತಿನವು ಅವುಲಾ ನಾಯಕಿ ಇಲ್ಲದೆ ಬನ್ನಗ ಬುಲಿಪುನ ಉಂತಾವುಂಡು. ಅಂಚ ಪೋಡಿಗೆದ ನಿರೆಲ್ಡ್ ಮಾತೆರೆಲ್ಲಾ ಸಾಂಕಿಯೆರ್. ಕಂಡನಿಯಗ್ ಎಣ್ಣೆ ಬುಡೆದಿ' ಆಯಲಾ ಪಂಡ ಅವುಲಾ ಇಜ್ಜಿ. ಆಯನ ಬೇನೆ ಬೇಸರಿಕೆಗ್ ಇಂಬು ಶ್ರೀಮತಿ ಕೆ. ಲೀಲಾವತಿ / 31
