ಪೋನಗ ಮಾತೆರೆಗ್ಲಾ ಒಂತೊಂತೆ ಬದ್ಕ್ ಮಲ್ತದ್ ಪೋಯೆರ್. ಆ ಮಟ್ಟಿಗೆ ಛಲಗಾರ್ತಿ, ಅಕೇರಿಗಾಂಡಲಾ ತಗೆ ತಂಗಡಿಯಲ್ಲು, ಅತ್ತೆ ಜೋಕ್ಲು ಸಂತೋಷ ಪಡೆಪಿನಾತ್ ಒರಿತ್ರ್. ಒಂಜಿ ಪ್ರೈಮರಿ ಸ್ಕೂಲ್ ಟೀಚರ್ ಆದ್ ಕೆಲಸ ಶುರು ಮಲ್ತ ಲೀಲ ತನ್ನ ಸ್ವಂತ ಶಕ್ತಿಡ್ ೪೦, ಒಂ, ಇಜ ಪೂರಾ ಮಲ್ತ್ದ್ ಹಿಂದಿ ವಿಶಾರದ ಮಲ್ತ್ದ್ ಸಂಪಾದನೆ ಎಡೇನೇ ಮದರ್, ನಮ್ಮ ಆರೆಗ್ ಶಾಬಾಸ್ಗಿರಿ ಕೊರೋಡು. ಕನ್ನಡ, ತುಳು, ಹಿಂದಿ, ಇಂಗ್ಲೀಷ್ ಈ ನಾಲ್ ಭಾಷೆಡ್ ಎಷ್ಟೇನೇ ಬೆಂದ್ದ್ ಸಾರಸ್ವತ ಲೋಕೋಗುಲಾ ಕೀರ್ತಿ ಕಂತ್ ಆರ್ ಪೋಯೆರ್. ಆರ್ ಮಲ್ಲಿನ ಕಾರ್ಬಾ ಸಾಧಾರಣ ಪೊಂಜೊವುಲು ಮಲ್ಪೆಯೆರ್ ಪನಕ್ಕ ಸಾಕ್ಷಿಯಾದ್ ಆರೆನ ಸೇವೆನ್ ಗುರುತಿಸಾದ್ ಆರೆಗ್ 'ರಾಣಿ ಅಬ್ಬಕ್ಕ ಪ್ರಶಸ್ತಿ' ತಿಳ್ಕೊಂಡ್ ತಿಕ್ಕೊಡಾಂಡ ಜನೊಕ್ಲು ಆರೆನ ಸೇವೆನ್ ಗುರುತಿಸಿಯೆರ್ ಪಂಡ್ದೇ ಅರ್ಥ. ಈ ಲೇಖನ ಅಕೇರಿ ಮಲ್ವುಲೆಕ್ಕ ದುಂಬು ಯಾನ್ ದಿ. ಚೋಮಣ್ಣ, ಬೊಕ್ಕ ದಿ. ಕಲ್ಯಾಣಿ ದಂಪತಿಲು ಲೀಲಕ್ಕಗ್ ಜನ್ಮ ಕೊಯ್ದು ನಮ್ಮ ತುಳುನಾಟಕೊಗು ಒಂಜಿ ಎಡ್ಡೆ ಕಾಣಿಕೆ ಕೊರ್ತಿನಕ್ ಅಭಿನಂದನೆ ಸಂದೊಡು, 9 ಜೋಕೆ ಮಲ್ಲ ಸಂಸಾರ ಆಂಡಲಾ ಅಕ್ಸೆಗ್ ವಿದ್ಯಾಭ್ಯಾಸ ಕೊಯ್ದು ಕಡೆ ಮುಟ್ಟಾವುನ ಮಲ್ಲ ಕೆಲಸ. ವಿದ್ಯಾಭ್ಯಾಸಲಾ ಇಜ್ಜಂದೆ, ಅಕಅ ಕಂಪೆನಿದ ಮೆಕ್ಯಾನಿಕ್ ಪನ್ನಿನ ಎಲ್ಯ ಕೆಲಸೊಗ್ ಸೇರೊಂದ್ ಇತ್ತಿನ ಚೋಮಣ್ಣನ ಸಂಸಾರ ಈ ಸ್ಥಿತಿಕ್ ಮುಟ್ಟಿನ ಮಲ್ಲ ವಿಷಯನೇ ಸರಿ, ಲೀಲಕ್ಕೆ 18ನೇ ವರ್ಷಡು ಕೆಲಸ ಸೇರ್ದುಪ್ಪೆರ್. ಆಂಡ ಬಾಲೆಲು ಅಪಗನೇ ಮಾತ ಪುಟ್ಟದಿತ್ತೆರ್, ಮಾತಾ ಜೋಕ್ಲಿನ್ ವಿದ್ಯಾಭ್ಯಾಸೊಗು ಪಾಡ್ದ್ ಅಕ್ಲು ಕಲ್ಲೊಂದಿಪ್ಪುನಗನೇ ಲೀಲಕೈಗ್ ಬೇಲೆ ತಿಕ್ಕನ್ ಆಶ್ರಯೊಗು ಬತ್ತೆರ್. ಆಂಡ ಆ ಮಾತಾ ಜೋಕೆಗ್ ಅಕ್ಕ ಲೀಲ ವಿದ್ಯಾಬ್ಯಾಸ ಕೊರಂದೆ ವಂಚನೆ ಮಲ್ತ್ಜೆರ್, ಕಲ್ಪುನಕ್ಲಗ್ ಕಲ್ಪಾಯೆರ್, ಇಂದು ಒಂಜಿ ಸಾಧನೆ, ಅವುಲಾ ಪೊಣ್ಣು ಜೋಕು ಆಜಿ, ಅಕ್ಲಗ್ ಮಾತಾ ವಿದ್ಯಾಭ್ಯಾಸ ಕೊಪ್ಪಾಯೆರ್, ಉಂದು ಮಲ್ಲ ಕೆಲಸ. ಮೂಜಿ ಜನ ಟೀಚರ್ ಕೆಲಸ ಮಲ್ಲೊಂದು ಉಲ್ಲೆರ್, ಅಕ್ಲಗ್ ಇಂಬೆ ಲೆಕ್ಕ ನಾಟಕ ಸಂಗೀತದ ಪ್ರೀತಿ ಇಜ್ಜಿಂಡಲಾ ತಂಕು ಕೆಲಸ ಮಲ್ಲಿನ ಶಾಲೆಗ್ ಬೋಡಾದ್ ಎಡ್ಡೆ ಬೆನ್ನೆರ್, ಉಂದೆನ್ ತೂದ್ ಲೀಲಕ್ಕನ ಜನ್ಮ ಸಾರ್ಥಕ ಆತ್ಂಡ್ದ್ ಪನೊಲಿ. ಶ್ರೀಮತಿ ಕೆ. ಲೀಲಾವತಿ / 30
