ಪನ ಇಚ್ಛೆ ಇತ್ತಂಡ್. ಆಂಡ ಒರ್ತಿಗ್ ಕುಲ್ಲುನಾತ್ ಧೈರ್ಯ ಇತ್ತೀಜಿ. ಅಂಚಾದ್ ಆರೆನ ಮೆಗ್ಗಿ ನೀರಜನ್ ಕುಲ್ಲೆರೆ ಪಂಡೆರ್, ತಿಂಗೊಳುಗು 500, ಬಾಡಿಗೆ ಫಿಕ್ಸ್ ಮಲ್ತ ಕುಲ್ಲಯೆರ್, ಮೆಗಿದಿ ನೀರಜನ ಮಿತ್ ಮೋಕೆ ಕಡಿಮೆ ಆಂಡ್ರಾ ಆರೆ ಕಂಡನಿ ಎಡ್ಡೆ ಜನ, ಸಾತ್ವಿಕೆ ಪಂಡ್ದ್ ಕೊರಿಯೆರ್, ಮೆಗ್ಗಿ ಮೆರೆನ್ ಪ್ರೀತಿಡ್ ತೂವಲ್ ಪನ್ನಿನ ಆಸೆ ಇತ್ತಂಡ್, ದುಃಖದ ಸಂಗತಿ ಪಂಡ ಆರೆಗ್ ತಾನೆ ಪ್ರೀತಿ ಕೊಯ್ದು ದೆತೊನೊಡು ಪನ್ನಿನ ಗೊತ್ತಿತ್ತಿಜಿ. ಆರೆನ ಪ್ರೀತಿ ಉಡಾಲ್ಡ ಉಲಾಯಿ ದಿಂಜಿದ್ ಇತ್ತಂಡ್ ಅವೆನ್ ಪ್ರದರ್ಶನ ಮಲ್ಪೆಯೆರ್, ಅಂಚಾದ್ ಆರೆನ ಕುಟುಂಬೊಡು ಆರೆಗ್ ತಿಕ್ಕೊಡಾಯಿನ ಗೌರವ ತಿಕ್ಕಿಜಿ. 1995ಟ್ಸ್ ಆರ್ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆ ಆಯೆರ್. ನೆಕ್ಕ ಕಾರಣ ಆರ್ ತುಳು ಕೂಟದ ಸಕ್ರಿಯ ಸದಸ್ಯೆ ಆದಿತ್ತಿನ, ತುಳು ಸಾಹಿತ್ಯ ಎಕಾಡೆಮಿ ರದ್ದಾನಗ ಅಯಿಕ್ ಬೋಡಾದ್ ಹೋರಾಟ ಮಲ್ಲೆರ್. ಈ ಸಂದರ್ಭೋಡು ಆರ್ ಬರೆತಿನ 'ತಿಬಿಲೆ' ಪನ ಕವನ ಸಂಗ್ರಹ ಬಿಡುಗಡೆ ಆತ್ಂಡ್. ಅಕಾಡೆಮಿದ ಸದಸ್ಯೆ ಆಯಿ ಬೊಕ್ಕ 2 ತುಳು ಪುಸ್ತಕ ಬಿಡುಗಡೆ ಆಂಡ್. ಇಂಚ ಸಾಹಿತ್ಯ ಲೋಕೊಡ್ ಲೀಲಕ್ಕನ ಪುದರ್ ಪ್ರಚಾರ ಆಂಡ್. ಡಾ. ವಿವೇಕ್ ರೈ, ಅಮೃತಸೋಮೇಶ್ವರ, ವೆಂಕಟರಾಜ ಪುಣಿಂಚಿತ್ತಾಯ, ಯು.ಪಿ. ಉಪಾಧ್ಯಾಯ, ಮೊಲ್ಲೆನೊಟ್ಟುಗು ಎಡ್ಡೆ ಸಂಪರ್ಕ ಇತ್ತ್ಂಡ್, ಅಕೆಡ ಗೌರವಲಾ ಇತ್ತ್ಂಡ್, ಅಂಚಾದೇ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆ ಆಯೆರೆ ಸಾಧ್ಯ ಆಂಡ್ ಪನಾ ಕೃತಜ್ಞತಾ ಭಾವಲಾ ಉಂಡು. ಆಂಡ ನಿವೃತ್ತಿ ಆಯಿಬೊಕ್ಕ ಅನಾಥ ಪ್ರಜ್ಞೆ ಆರೆಗ್ ಬಂಡ್, ಆರ್ ಮನಸ್ ಮಲ್ತ್ಂಡ ಎಡ್ಡೆ ಬರಹಗಾರ್ತಿ ಆತುವೆರ್. ಆಂಡ ಉದಾಸೀನ ಆರೆನೊಟ್ಟಿಗೆ ಬತ್ತಿನ ಒಂಜಿ ಕೆಟ್ಟ ಕಾಯಿಲೆ ಪಂಡ್ದ್ ಆರ್ ಪರ್, ನಿವೃತ್ತರಾಯಿ ಬೊಕ್ಕ ಓಲಾಂಡಲಾ ಕೆಲಸ ತಿಕ್ಕು ಪನ್ನಿ ಧೈರ್ಯ ಇತ್ತಂಡ್, ಅವುಲಾ ತಿಕ್ಕಿಜಿ, ತಂಗಡಿಗ್ ಒಂಜಿ ಶಾಲೆಡ್ ಅತ್ತಂಡ ಭಗವತಿ ಬ್ಯಾಂಕ್ ಕೆಲಸ ದತ್ತ್ ಕೊರೊಡು ಪನ್ನಿನ ಚಿಂತೆಲಾ ಇತ್ತಂಡ್, ಒವುಲಾ ಆಯಿಜಿ ಪನ್ನಿ ಬೇಸರ ಇತ್ತಂಡ್. 1999ಡ್ ಆರೆಗ್ ರಾಣಿ ಅಬ್ಬಕ್ಕ ಪ್ರಶಸ್ತಿ ಬತ್ತ್ಂಡ್, ರಾಣಿ ಅಬ್ಬಕ್ಕ ಪ್ರಶಸ್ತಿಗೆ ತಾನ್ ಯೋಗ್ಯಳ, ಅಂಚಿನ ಕೆಲಸ ಯಾನ್ ಮಲ್ಲಿಜಿ ಪನ್ನಿ ಭಾವನೆ ಆರೆಡ ಇತ್ತ್ಂಡ್, ಮನಸ್ಸಡ್ ಸಂತೋಷಲಾ, ಅವೇ ಪೊರ್ತುಡು ನಿರಾಶೆಲಾ ಇತ್ತಂಡ್ هد ಮತಿ ಕೆ. ಲೀಲಾವತಿ / 27
