ತಿಳ್ಕೊಂಡ್, ಬೊಕ್ಕ ಟೀಚರ್ ಒರ್ತಿನ್ ನಾಡ್ ಪತ್ತೆದ್ ಮಲಾ ಮಲ್ಲೆರ್. ಲೀಲಕ್ಕರ್ ಇಜ ಮಲ್ಲೊಡು ಪಂಡ್ದ್ ಮನಸ್ಸಾಂಡ್, ಪ್ರೈವೇಟ್ ಆದ್ ಒ.ಂ. ಇತಿಹಾಸ ಮಲ್ಲೆರ್. ಬೊಕ್ಕ ಕನ್ನಡ ಒ.೦ ಮಲ್ಲೊಡುಂದು ಆಸೆ ಆಂಡ್, ಕನ್ನಡ ಒ.೦.ಲಾ ಮಲ್ಲೆರ್. ಆಂಡ ಸೆಕೆಂಡ್ ಕ್ಲಾಸ್ ಆತೆ ಅಂಚಾದ್ ಕಾಲೇಜು ಲೆಕ್ಚರರ್ ಆಪಿನ ಅವಕಾಶ ತಿಕ್ಕಿಜಿ. ಉಂದೇ ಪೊರ್ತುಡು ಬಕ್ಕೊರಿ ವಿದ್ವಾಂಸೆ ಎಸ್. ವಿ. ಪರಮೇಶ್ವರ ಭಟ್ರೆನ ಪರಿಚಯ ಆಂಡ್, ಆರ್ ಶುರು ಮಲ್ತಿನ ಸಂಸ್ಕೃತ ಕ್ಲಾಸ್ಗ್ ಸೇರಿಯೆರ್. ಅವುಲು ಸುಶೀಲಾ ಉಪಾಧ್ಯಾಯರ ಸ್ನೇಹ ಆಂಡ್. ಆ ಸ್ನೇಹ ಮುರಾನಿ ಮುಟ್ಟಲಾ ಇತ್ತಂಡ್. ಮನಸ್ಸಿಗ್ ಬೇಜಾರಾನಗ ಆರೆ ಇಲ್ಲಡೆ ಪೋದು, ಕುಲ್ಲುದು, ಕಷ್ಟ ಸುಖ ಪಾತೆರ ಬರೊಂದ್ ಇತ್ತೆರ್. ಸುಶೀಲಾ ಉಪಾಧ್ಯಾಯರ ಆಪ್ತ ಸ್ನೇಹಿತೆ ಆದಿತ್ತೆರ್ ಪಂಡ್ದ್ ಖುದ್ದು ಸುಶೀಲಾ ಉಪಾಧ್ಯಾಯೆಲ್ಲಾ ಲೀಲಕ್ಕನ ವಿಚಿತ್ರ ಸ್ವಭಾವದಲಾ ವಿಷಯ ಪನ್ವೆರ್. ಕುಡ್ಲದ ಎಸ್. ಅರ್. ಹೆಗಡೆ ನೇತೃತ್ವಡು ಶುರು ಆಯಿನ “ತುಳುಕೂಟದ ಆರಂಬೊಡು ಲೀಲಕ್ಕೆ ಇತ್ತೀಜೆರ್. ಬೊಕ್ಕ ಸೇದ್ ಐತ ಉಪಾಧ್ಯಕ್ಷೆರಾದ್ ತೀರ್ ಸೋಯಿ ಮುಟ್ಟಲಾ ಇತ್ತೆರ್, ಅವು ನಡಪುಡುನ ಬಿಸು ಪರ್ಬದ ಸಾಂಸ್ಕೃತಿಕ ಚಟುವಟಿಕೆದ ಸಂಚಾಲಕರಾದ್ ಕೆಲಸ ಮಲ್ತ್ದ್ ಜೋಕ್ಲಡ ನೃತ್ಯ ನಾಟಕ ಪ್ರದರ್ಶನ ಮಲ್ತ್ದ್ ವರ್ಷ ವರ್ಷಲಾ ಸಕ್ರಿಯೆರಾದ್ ಕೆಲಸ ಮಲ್ಲಿನ ಒಂಜಿ ಮಹಾ ಸಾಧನೆ. ಪೊಣ್ಣಗ್ ಪೊಣ್ಣಾದ್ ಆನರ್ ಆನಾದ್ ಬೆನೊಂದಿತ್ತೆರ್, ಸ್ವತಃ ರೋಹಿದಾಸ ಕದ್ರಿ ಆತ್ಮ ನಾಯಕರೊಡ್ ತುಳುನಾಟಕದ ನಾಯಕಿಯಾದ್ ನಟನೆ ಮಲ್ಲೆರ್. ಆರ್ ಇಜ್ಜಿಂಡ ಸಾಂಸ್ಕೃತಿಕ ಚಟುವಟಿಕೆನೇ ಇಜ್ಜಿ ಪನ್ದಿನಾತ್ ಕೂಟೊಡು ಪಾಲ್ ದೆತೊಂದಿತ್ತ, ವಿಶ್ವ ತುಳು ಸಮ್ಮೇಳನ, ಬಾರ್ಕೂರುಡ್ ನಡತಿನ ವಿಶ್ವ ತುಳು ಸಮ್ಮೇಳನಾ ಭಾಗವಹಿಸಾದ್ 'ತುಳುಸಿರಿ' ಪನ ಸ್ಮರಣ ಸಂಚಿಕೆದ ಪ್ರಧಾನ ಸಂಪಾದಕರಾದ್ದಾ ಕೆಲಸ ಮಲ್ಲೆರ್. ಭಗವತಿ ಸಹಕಾರಿ ಸಂಘದ 25ನೇ ವರ್ಷದ ವಾರ್ಷಿಕೋತ್ಸವ ಹೊರುಡ್ ಒಂಜಿ 'ಮ್ಯಾಗಜಿನ್ ' ಪಿದಾಯಿ ಬತ್ತಂಡ್. ಅವೇ ಅನುಭವೊಡು ದ.ಕ. ಜಿಲ್ಲಾ ಗೋಕರ್ಣನಾಥೇಶ್ವರ ಸಹಕಾರಿ ಬ್ಯಾಂಕ್ 75ನೇ ವರ್ಷದ 'ಮ್ಯಾಗಜಿನ್'ಗ್ಲಾ ಸಂಪಾದಕೆರಾದ್ ಕೆಲಸ ಮಲ್ತ್ದ್ ಬೂಕು ಬಿಡುಗಡೆ ಮಲ್ಲೆರ್. ಗೋಕರ್ಣನಾಥೇಶ್ವರ ಸಂಧ್ಯಾ ಕಾಲೇಜಿದ ಆರಂಬೊಡ್ ಕನ್ನಡ ಶ್ರೀಮತಿ ಕೆ. ಲೀಲಾವತಿ / 24
