ರಿಪೇರಿ ಮಲ್ಲದಿತ್ತೆರ್, ಅಪ್ಪೆಗ್ಲಾ ಮಲ್ಲ ಪ್ರಾಯ ಅತ್ತ 11 ವರ್ಷಡು ಮಧ್ಯೆ 13 ವರ್ಷಡು ಲೀಲಕ್ಕನ್ ಪೆದ್ದಿಯೆರ್. ಎಲ್ಯ ಪ್ರಾಯೋಡು ಮಧ್ಯೆ ಆಯಿನೆಡ್ಡಾತ್ರ ಇಲ್ಲದ ಪೂರಾ ಜವಾಬ್ದಾರಿ ಬಂಡ್, ಶಾಲೆದ ಕೆಲಸ ಅತ್ತಂದೆ ಬಯ್ಯಡ್ ಟ್ಯೂಶನ್ ಕೊರಿಯೆರೆ ಲೀಲಕ್ಕ ಪಿದಾಡೈರ್, ಲೀಲಕ್ಕೆನ ಕಷ್ಟದ ಕಾಲ ಶುರುವಾಯಿನೇ 1967 ಡ್ ಬೊಕ್ಕ ಇಂದ್ ಪನೊಲಿ, ಬೆನ್ನಿ ಜೀವ ಬೇತೆ ಏಲ್ಲಾ ಇಜ್ಜಿ, ಜೋಕ್ಲು ಪೂರಾ ಶಾಲೆಗ್ ಪೋವೊಂದಿತ್ತೆರ್. ಆರ್ ಮಧ್ಯೆ ಆವುಡು ಪಂಡ್ದ್ ಅಮ್ಮೆರ್ ಚೋಮೆರ್ ಆಸ್ಪತ್ರೆಡ್ ಜೆಲ್ಸ್ದಿಪ್ಪುನಗ ಪಂಡೆರ್ಗೆ, ಆರೋಗ್ಯ ಸರಿ ಇಜ್ಜಾಂದಿ ಅಮ್ಮೆರೆನ ಸಮಾಧಾನಗೆ “ಆವು' ಪಂಡೆರ್ ಲೀಲ ಇಂಚ ಆಸ್ಪತ್ರೆಡ್ ಇತ್ತಿನ ಅಮೆರೆನ ಚಾಕ್ರಿ ಮತ್ತೊಂದು ಉಪ್ಪನಗನೇ ಲೀಲಕ್ಕಗ್ “ ಜ್ವರ ಬತ್ತಂಡ್, ರಡ್ ದಿನ ಆಸ್ಪತ್ರೆಗ್ ಪೋಯೆರೆ ಆಯಿಜಿ, ಮೂಜನಾನಿ ಪೋನಗ ಅಮ್ಮೆರ್ ತೀರಿಯೆ ಪಂಡ್ದ್ ಗೊತ್ತಾಂಡ್, ಕೈಟ್ ಕಾಸ್ ಇಜ್ಜಿ. ಅಪಗ ಆರೆನ ಒರಿ ಶಿಷ್ಯ ಸಹಾಯೊಗ್ ಬತ್ತೆ. ಉತ್ತರಕ್ರಿಯೆ ಮಾತ ಮಲ್ತ್ದ್ ಅಮ್ಮೆರೆನ ಒಂಜಿ ಭಾವ ಕಳೆಯೆರ್, ಅಮೆರೆಗ್ ಆರಡ ದಿಂಜ ಪ್ರೀತಿ ಇತ್ತುಂಡ್, ಮೋಕೆದ ಮಗಳ ಕಡೇಕ್ ಬಾಯಿಗ್ ನೀರ್ ಬುಡಿಯೆರೆ ಅವಕಾಶ ತಿಕ್ಕಿಜಿ ಪಂಡ್ದ್ ಭಾರೀ ಬೇಜಾರ್ ಇತ್ತೆರ್. ಇತ್ತೆ ಇಡೀ ಸಂಸಾರದ ಜವಾಬ್ದಾರಿ ಆರೆನ ಮಿತ್ ಬೂರುಂಡ್. ಆಮ್ಮೆರ್ ತೀರಗ ಇಲ್ಲಡ್ ಸಂಪಾದನದ ಸಾದಿ ಇಜ್ಜಿ, ಒಂಜಿ ಕೈ ಪೊಳಿದ್ ಪೋಯಿ ಅನುಭವ, ಒರ್ತಿಗ್ ಮಧ್ಯೆ ಆತ್ಂಡ್, ಬಾಕಿ ಏಳ್ ಜೋಕ್ಲನ ಜವಾಬ್ದಾರಿ ಮೆರೆನ ತರೆಕ್ ಬತ್ತ್ಂಡ್. ಮೆಗ್ಗೆ ಒರಿ ಜಗದೀಶೆ ಪೊಲಿಟೆಕ್ನಿಕ್ ಖಖಿ ಕೋರ್ಸ್ ಮಲ್ಪೆರೆ ಪೋಯೆ. ಪಾಸ್ ಆಯಿಜಿ, ಅಪಗ ಆರೆಗ್ ಉಡುಪಿದ ಬನ್ನಂಜೆ ಗೋವಿಂದಾಚಾರ್ಯ ಪನ ಮಲ್ಲ ಸಾಹಿತಿ, ವಿದ್ವಾಂಸರ, ಪರಿಚಯ ಆದಿತ್ತ್ಂಡ್, ಆರ್ ಬರೆತಿನ ಕತೆನ್ ಉದಯವಾಣಿಡ್ ಪ್ರಕಟ ಮಲ್ಸ್ದಿತ್ತೆರ್.ಆ ಬನ್ನಂಜೆನ ಸಹಕಾರೊಡ್ ಉಡುಪಿಡ್ ಒಂಜಿ ಇಂಜಿನಿಯರಿಂಗ್ ಕಂಪೆನಿಡ್ ಕೆಲಸ ತಿಳ್ಕೊಂಡ್, ಅಪಗ ಲೀಲಕ್ಕನ ತಂಗಡಿ ಕಂಡನಿಲಾ ಉಡುಪಿಡೇ ಇತ್ತೆರ್, ಅಂಚಾದ್ ಕುಲ್ಲೆರೆ ಬಂಜ ಆಯಿಜಿ. ಇತ್ತೆ ಆಯನ ಸ್ವಂತ ವರ್ಕ್ ಶಾಪ್ ಉಂಡು. ಮಧ್ಯೆ ಆದ್ ಒಂಜಿ ಬಾಲೆಲಾ ಉಂಡು, ಶ್ರೀಮತಿ ಕೆ. ಲೀಲಾವತಿ / 22
