! ಎಡ್ಡೆ ಪದ್ಯ ಪನಾರ್ ಪಂಡ್ದ್ ಪ್ರಥಮ ಬಹುಮಾನ ತಿದ್ಂಡ್ಗೆ ನಾಟಕೊಡು ಭಾರೀ ಬಿರ್ಸೆದಿ. ಒರ 'ಬಹದ್ದೂರ್ ಗಂಡು' ಪನ್ನಿನ ನಾಟಕೊಡು ಆರೆನ ಪಾತ್ರ ಜೋಯಿಸರ, ಆ ನಾಟಕ ತೂಯೆರೆ ಪದವು ಯುವಕ ಸಂಘದ ದಿಂಜ ಜವನ ಬತ್ತಿತ್ತೆರ್ಗೆ, ಆರೆಗ್ ಗೊತ್ತಿದ್ದೆ, ಆ ದಿನೊಡ್ಡು ಬೊಕ್ಕ ಜವನೆರ್ ಮಾತ ಪೋಯಿನಲ್ಪ, ಬತ್ತಿನಲ್ಪ ತಮಾಷೆ ಮಲ್ಲೆರೆ ಸುರು ಮಲೆರ್ಗೆ, ಆರೆಗ್ ನಾಚಿಕೆ ಆವೊಂದಿತ್ತ್ಂಡ್, ಮನಸ್ ಸಂತೊಷಲಾ ಆವೊಂದಿತ್ತ್ಂಡ್. ಅಯಿಡ್ಡು ಬೊಕ್ಕನೇ ಆರೆನ ಬೊಕ್ಕ ವಾಮನರ ಪ್ರೇಮ ಪ್ರಕರಣ ಶುರುವಾಯಿನಿ ಪಂಡ್ದ್ ಲೀಲಕ್ಕ ಪನ್ನೆರ್, ವಾಮನೆಲ್ಲಾ ಪದವು ಯುವಕ ಸಂಘದ ನಾಯಕ ನಟ. ಆರೆನ ನಾಟಕ ತೂದು ಒಂಜಿ ನಮೂನೆದ ಖುಷಿ ಆವೊಂದಿತ್ತಂಡ್. ವಾಮನೆರೆಗ್ಲಾ ಜವನೆರೆಗ್ಲಾ ಒಂಜಿ ಪಂತ ಆಂಡ್ಗೆ, ಲೀಲಕ್ಕಡ ಏರ್ ಧೈರ್ಯೊಡು ಪಾತೆರುನಿ ಪಂಡ್ದ್. ಅಪಗ ವಾಮನೆ ಪಂತ ಆಹ್ವಾನ ಮಲ್ತ್ದ್ ಯಾನೆ ಪಾತೆರುವೆ ಪಂಡೆರ್ಗೆ, ಆಂಡ ಆರೆನ ಬೆರಿ ಪತ್ತೊಂದು ಶಾಲೆ ಮುಟ್ಟ ಬಸ್ಡ್ ಹೋದು ಒಂಜಿ ದಿನ ಶಾಲೆದ ಗೇಟ್ಟ ಕೈತಲ್ ಪಾತರಿಯರೆ ಶುರು, “ದಾನೆ? ಎಡ್ಡೆ!” “ಈರ್ ಮೂಲು!” ಇನ್ಸಿನ ಪ್ರಕರಣ ಕ್ರಮೇಣ ಪ್ರೇಮೊಡು ಗಟ್ಟಿಯಾಂಡು. ಅಯಿಡ್ದ್ ಬೊಕ್ಕ ಇರ್ವೆಲಾ ಅಪಗಪಗ ದೆಂಗ್ ದೆಂಗ್ಡ್ ಒರಿಯರ್ನೊರಿ ತಿಕ್ಕದ್ ಅವು ಮದ್ಯೆ ಆಪಿನ ತೀರ್ಮಾನೊಗ್ಲಾ ಬತ್ತದ್ ವಾಮನೆರ್ ತುಳು ಬಿರ್ವೆರ್ (ಬಿಲ್ಲವ) ಲೀಲಕ್ಕೆ ಮಲಯಾಳಿ ಬಿಲ್ಲವೆರ್ (ಬೆಳ್ವಾಡ) ಅಂಚಾದ್ ಆನಿದ ಕಾಲೊಡು ಅವು ಜಾತಿ ಬೇತೆ ಬೇತೆ ಎಲ್ಲಾ ಮಧ್ಯೆ ಆವೊಂದಿತ್ತಿಜೆರ್, ಲೀಲಕ್ಕನ ಇಲ್ಲದ ಹಿರಿಯೆರ್ ಈ ಮದ್ಯೆಗೆ ಒಪ್ಪಿಗೆ ಕೊರ್ಜೆರ್, ಅಂಚಾದ್ ಮಧ್ಯೆ ಆಯೆರೆ ಆಯಿಜಿ. ವಾಮನ ಎಡ್ಡೆ ನಟೆ, ಪದ ಪನಾ.ಮತ್ತೆ ಆಯೆರೆ ಲೀಲಕ್ಕನ್ ಎಡ್ಡೆ ಮನಸ್ಸಲಾ ಇತ್ತಂಡ್. ಲೀಲಕ್ಕನ ಟ್ರೈನಿಂಗ್ 1957 ಮುಗೀಂಡ್. ಫಲಿತಾಂಶೆಡ್ ಪ್ರಥಮ ಸ್ಥಾನ. ಶಾಲೆಡ್ 2 ನೇ ಸ್ಥಾನ. ಆನಿಯೆ ಲೀಲಕ್ಕನ ಅಪ್ಪೆ 7ನೇ ಬಾಲೆಗ್ ಜನ್ಮ ಕೊರಿಯೆರ್. ಆರೆನ ಜವಾಬ್ದಾರಿಲ ಎಷ್ಟೊಂದೇ ಪೋಂಡು, ಆರ್ ಬೆಥನಿ ಶಿಕ್ಷಣ ಸಂಸ್ಥೆದ ಶಾಲೆಡ್ ಕೆಲಸೊಗ್ ಸೇರಿಯೆರ್. ಆರೆನ ಶಾಲೆದ ಮುಖ್ಯೋಪಾಧ್ಯಾಯಿನಿ, ಇನ್ಸ್ಪೆಕ್ಟರ್ ಆಫೀಸ್ಗ್ ಒಂಜಿ ಶ್ರೀಮತಿ ಕೆ. ಲೀಲಾವತಿ / 15
