ಚೋಮೆ, ಹರಿಜನೆ. ಲೀಲಕ್ಕನ ಸಂಸಾರ ಬಾರೀ ಮಲ್ಲೆ. ಚೋಮ ಬೊಕ್ಕ ಕಲ್ಯಾಣಿನ 9 ಜೋಕುಲು. 3 ಆಣ್ 6 ಪೊಣ್ಣು. ಆನಿದ ಕಾಲೊಡು ಪೆಡ್ಪಾಯೆರೆ ಆಸ್ಪತ್ರೆಗ್ ಕೊನೊಪಿನಾತ್ ದುಡ್ಡು ಇತ್ತೆ. ಇಲ್ಲಡೆ ಪೆಡ್ಪಾವುನ ಪೊಂಜೊವು ಬತ್ತ ದಾವುನು, ಲೀಲಕ್ಕ ಸುರುತ್ತ ಪೊಣ್ಣು ಆಯಿನೆಡ್ಡಾತ್ರ ಮಾತಾ ಹೆರಿಗೆಲ್ಲಾ ತೂತೆರ್. ಅಮ್ಮಗ್ ಬೇನೆ ಬನ್ನಗ ಇಲ್ಲಡೇ ಇತ್ತ ಬೊಬ್ಬೆ ಪಾಡುನ, ಬುಲಿಪನ, ತೆಲಿಪುನ ದೃಶ್ಯ ಸಾಮಾನ್ಯ. ಅಪ್ಪೆ ಅಮೆರೆನ ಮಿತ್ ಕೋಪಲಾ ಬರೊಂದು ಇತ್ತ್ಂಡ್. ಫ್ಯಾಮಿಲಿ ಪ್ಲಾನಿಂಗ್ ದಾಲಾ ಅಪಗ ಇತ್ತಜಿ, ಅಮ್ಮಗ್ ಮಾತ್ರ ಈ ಬೇನೆ ಬೇಸರಿಕೆ ಅನುಭವಿಸ್ದ್ ದಿಂಜ ಕಷ್ಟ ಪಡೆತಿನ ಪೊಂಜೊವು. ಆರೆನ ಅಮ್ಮೆರ್ ಅಕಅ ಕಂಪೆನಿಡ್ ಮೆಕ್ಯಾನಿಕ್ ಆದ್ ಇತ್ತದ್ ಆರೆಗ್ ವಾ ದುರಾಭ್ಯಾಸಲಾ ಇತ್ತದೆ. ಕಲಿ, ಗಂಗಸರ, ಮೀನ್, ಮಾಸ, ಬೀಡಿ ಸಿಗರೇಟ್ ಉಯಿಮನ ಸೋಕಿ ಇತ್ತದೆ. ಇಲ್ಲಡ್ ಬತ್ತಂಡ, ಆರಾಂಡ್ ಆರೆನ ರೂಮಾಂಡ್, ರೂಮು ಸೇರಿಯೆರ್ಡ ಬೊಕ್ಕ ಬರಿನ ಉನಿಯೆರೆ ಮಾತ್ರ ಒರ ಅಮ್ಮೆರೆನ ದೋಸ್ತಿಲು ಬೆಂಡೆ ಕಾಯಿ ಸಾರ್ಗ್ ಮೀನ್ ಸಾರ್ ಸೇರ್ಸಾದ್ ಆರೆಗ್ ಕೊರಿಯರ್ಗೆ, ಅಪಗನೇ ಕಕ್ಕೆರೆ ಸುರುವಾದ್ ಅಮೆರೆ ದೋಸ್ತಿಲು ಕಂಗಾಲಾಯೆರ್ಗೆ ಬೊಕ್ಕ ಆರೆನ ತಂಟೆಗ್ ಪೋಯಿಜೆರ್ಗೆ ಲೀಲಕ್ಕ ಪನೊಂದಿತ್ತೆರ್. ಜೋಕ್ಸ್ನ ವಿದ್ಯಾಭ್ಯಾಸದ ಮಿತ್ತೆ ಆರೆಗ್ ವಿಶೇಷ ಆಸಕ್ತಿ ಇತ್ತಜಿ. ಕಂಡ ಕಲ್ಪುವೆರ್, ಇಜಿಂಡ ಬೊಡ್ಡಿ ಪೆನ್ನಿನ ಮರ್ಜಿದಾರ್, ಅಪಗಪಗ ಮಾರ್ಕ್ ಕಾರ್ಡ್ಗ್ ಅಮೆರೆನ ದಸ್ಕತ್ ಬೋಡಾಪುಂಡು. ಅಪಗ ಮಾರ್ಕ ಕಡಿಮೆ ಬತ್ಕಂಡ ತರೆಕ್ 'ಕುಟ್ಟಿ ಬೂರೊಂದು ಇತ್ತ್ಂಡ್, ಒರ 'ಕುಟುಂಬ ಕಲ್ಯಾಣ' ಯೋಜನೆ ಬಗ್ಗೆ ಪುಸ್ತಕ ಒದೊಂದಿತ್ತೆಗೆ. ಅವೆನ್ ಗಟ್ಟಿಯಾದ್ ಓದಿಯೆರ್, ಅವೆನ್ ಕೇನಿನ ಆರೆನ ಸೊಪ್ಪ ಪಿದಾಯಿ ಬತ್ತ್ದ್ ಲೀಲಕ್ಕನ ಬೆರಿಕ್ ಗುದ್ದುದು ಜೋಕ್ಲು ಅವೆನ್ ಓದೆರೆ ಬಲ್ಲಿ ಪಂಡರ್ಗೆ. ಲೀಲಕ್ಕನ ಪ್ರೈಮರಿ ಶಿಕ್ಷಣ ಕೈತಲ್ಲ ಸರಕಾರಿ ಪ್ರಾಥಮಿಕ ಶಾಲೆಡ್ ನಡತ್ಂಡ್. ಅವುಲು 5ನೇ ಕ್ಲಾಸ್ ಮಾತ್ರ ಇತ್ತಿನಿ. ಸಾಲೆದ 9 ಜನ ಜೋಕುಲೆಡ್ ಆರ್ ಮಾತ್ರ ಶ್ರೀಮತಿ ಕೆ. ಲೀಲಾವತಿ / 9
