ಮಲ್ಸ್ ಕುಲೆರ್. ಆಂಡ ಜೀವನ ನಡಪುಡುನೆಂಚ? ಉಡುಪಿಡ್ ಕೆಲಸ ಮಲ್ಲಿನ ಅನುಭವೊನು ಪತೊಂದು ಕೃಷ್ಣ ಹೆಬ್ಬಾರ್ ಅಲ್ಪ ಮುಲ್ಪ ಕೆಲಸ ನಾಡೈರ್, ಕಡೇಕ್ 'ಋಪಾರ್ಡೆ ಸ್ಟುಡಿಯೋ'ಡು 'ಫೋಟೋ ರಿ-ಟಚ್' ಮಲ್ಪುನ ಕೆಲಸೊಗು ಸೇರೆ. ತಿಂಗೊಲುಗು 50 ರೂಪಾಯಿ ಸಂಬಳ, ಮದ್ದೆನದ ವಣಸ್ಗ್ ರಡ್ಡರೆ ಆಣೆ, ಒಂಜಿ ಚಾಕ್ ಅರ್ಧ ಆಣೆ! ಉಂದು ದಿನತ ಕರ್ಚಿ, ವರ್ಸೊಗು 5 ರೂಪಾಯಿ ಭಡ್ತಿ. ಈ ಕೆಲಸೊನು ಹೆಬ್ಬಾರ್ ಮೂಜಿ ವರ್ಸ ಮಲ್ಲೆರ್, ಅನಂತ್ರಾಮ ಹೆಬ್ಬಾರ್, ಒಂಜಿ ಫ್ಯಾನ್ಸಿ ಸಾಮಾನ್ದ ಅಂಗಡಿಡ್ 'ಸೇಲ್ಸ್ ಮ್ಯಾನ್' ಕೆಲಸೊಗು ಸೇರೆ. ಕ್ರಮೇಣ ಅಷ್ಟೇ ಅಂಗಡಿದ ಒಂಜಿ ಮೆಯಿಟ್ 'ವಾಚಿ ರಿಪೇರಿ' ಮಲ್ಪುನ ಕೆಲಸಲಾ ಮಲ್ಲೊಂಡೆ, ಇರುವೆರ ಸಂಪಾದನೆ ಒಂತೊಂತನೇ ಹೆಚ್ಚೆಂದು ಪೋಂಡು, ಅನಂತ್ರಾಮ ಹೆಬ್ಬಾರ್ಗ್ ಮಧ್ಯೆ ಆಂಡ್. ಒಂಜಿ ದಿನ ಊರುಡ್ಡು ಅಪ್ಪೆ ಸೀತಮ್ಮಲಾ, ಅನಂತ್ರಾಮ ಹೆಬ್ಬಾರೆನ ಬೊಡೆದಿಲಾ ಬೊಂಬಾಯಿಗ್ ಬತ್ತ್ದ್ ಮೊಕ್ಲೆನ್ ಸೇರೊಂಡೆ. ಇತ್ತೆ ನಿಜವಾಯಿನ ಅರ್ಥೋಡು ಸಂಸಾರ ಸುರುವಾಂಡ್. ಕೆನೆಡಿ ಬ್ರಿಜ್ ಕೈತಲ್ ಇತ್ತಿನ ರಡ್ಡೆ ಕೋಣೆದ ಒಂಜಿ ಎಲ್ಯ ಬುಡಾರೊಡು ಬದ್ಕ್ ಕಣ್ ಬುಲಾಂಡ್. ಬಡಪತ್ ತಡೋನು ದಾಂಟ್ದ್ ಪಿದಯಿ ಉಂತ್ಂಡ್, ಪಡ್ಡಾಯಿ ಅರಬಿ ಸಮುದ್ರದ ಅಬ್ಬರ, ಸಿರೆಕ್ಲೆನ್ ದಾಂಟೊಂದು ದುಂಬೊತ್ತುನ ಪೊಂಜಯಿ ಓಡೊಲು, ಬದ್ಕ್ಗ್ ಆಶ್ವಾಸನೆ ದಿಂಜಾವುಲೆಕ್ಕ ಹೆಬ್ಬಾರೆರೆಗ್ ತೋಜಿಂಡ್. ಬೊಂಬಾಯಿ ತನನ್ ಮುರೆರೆ ಬುಡಂದ್ ಪನ್ನಿನ ಆತ್ಮವಿಶ್ವಾಸೊಡೇ, ಗಳಿಕೆದ ಸಾದಿಡ್ ಆರ್ ಪಿರ ತೂವಂದೆ ನಡೆತ್ತೆರ್, 'ಸಾಧನೆ ಮಲ್ಗೊಂಡ ಸಬ್ಬಲ್ ನಿಂಗೊಲಿ'- ಈ ಗಾದೆ ಆರೆ ಮಟ್ಟಗ್ ಸತ್ಯನೇ ಆಂಡ್. 24ನೇ ವರ್ಸೊಡು ಆರ ಮದ್ಮಲಾ ಆಂಡ್. ಉಡುಪಿದ ಎ.ಪಿ. ಬಲ್ಲಾಳೆರ ಮಗಲ್ ಯಮುನಾ, ಈ ಕೃಷ್ಣ ಹೆಬ್ಬಾರರ ಕೈಪತ್ತಿಬೊಕ್ಕ ಸುಶೀಲಾ ಪನ್ನಿನ ಪುದರ್ ಪಡೆವೊಂದು ಗುಣೋಟು ಸುಶೀಲೆನೇ ಆದ್, ಕಲಾವಿದನ ಮನಸ್ಸನ್ ಅರ್ಥಮಲ್ಲೊಂದು ಬದ್ಕ್ ಕಟೈರ್, ಬೊಂಬಾಯಿಡ್ ಮೇರ್ ಹಿಂದಿ ಕಲೆ, ಕಂಡನ್ಯನ ಇಚ್ಛೆಗ್ ಅನುಸಾರವಾದ್ ಸಂಗೀತ ಅಭ್ಯಾಸ ಮಲೆರ್, ಮಸ್ ಆಸೆಲೆನ್ ಕಟ್ಟೋನಂದ ಕಂಡನ್ಯನ ಇತಿಮಿತಿನ್ ತೆರಿಯೊಂದು ಸರಿಯಾಯಿನ ಅರ್ಥೋಡೇ 'ಸಹಧರ್ಮಿಣಿ' ಆಯೆರ್. ಕೃಷ್ಣ ಹೆಬ್ಬಾರ್ ಛಲವಾದಿ, ಚಿತ್ರಕಲಾ ಶಿಕ್ಷಣದ ಆಸೆನ್ ಕಷ್ಟೊಂದು ಕೆಲಸಲಾ ಬುಡಂದೆ ನೂತನ ಕಲಾಮಂದಿರೊಡು ಅಭ್ಯಾಸ ಮಲೆರ್, ಸಂಗೀತದ ಮಿತ್ತ್ ಆರೆಗ್ ಬಾರೀ ಆಸಕ್ತಿ, ಆ ಚಿತ್ರಕಲೆ, ಸಂಗೀತದ ನಾದ ಮಾಧುರ್ಯ ದಿಂಜಾವೊಂದು ವಿಶಿಷ್ಟ ಅನುಭವೊನು ಕೊರುಂಡುಂದು ಕಲಾ ವಿಮರ್ಶಕ ಪುಗಾರೆರ್, ಕಥಕ್ ನೃತ್ಯದ ಅಭ್ಯಾಸಲಾ ಮಲ್ತ್ದ್ ಪ್ರದರ್ಶನದ ದಾಖಲೆ ಕೊರಿನ ಹೆಬ್ಬಾರ್, ತನ್ನ --8---
