0 ಪಡೆದ್ ಒಂರ್ಬನೇ ಕ್ಲಾಸ್ಗ್ ಸೇರರ್, ಬೊಂಬಾಯಿಡ್ ಇತ್ತಿನ ಆರ ಪಲಯೆ ಅನಂತ್ರಾಮ ಹೆಬ್ಬಾರ್ ಕಡಪುಡೊಂದು ಇತ್ತಿನ ಒಂತೆ ದುಡ್ಡುಡೇ ಕೃಷ್ಣ ಹೆಬ್ಬಾರ್ ಬಾರಿ ಬಂಜ ಬುಡ್ಡು ಕಲೆರ್, ಇಂಚ ಕಲ್ಲೊಂದು ಉಪ್ಪುನಗನೇ ಆರ ಅಮ್ಮರ್ ನಾರಾಯಣ ಹೆಬ್ಬಾರ್ ತೀರ್ ಪೋಯೆರ್. ಒರಿ ಪಲಯೆ ವೆಂಕಟ್ರಮಣ ಹೆಬ್ಬಾರ್ ದುಂಬೇ ತೀರ್ ಪೋದಿತ್ತೆರ್. ಅಯಿಡ್ ಬೊಕ್ಕ ಅಪ್ಪೆ ಸೀತಮ್ಮ, ಕಟ್ಟಿಂಗೇರಿನ್ ಬುಡ್ಡು ಉಡುಪಿಡ್ ಒಂಜಿ ಬಾಡೆಯಿದ ಇಲ್ಲಡ್ ಜೀವನ ಮಲ್ಲೆರ್, ಬಕ್ಗ್ ಆಧಾರ ಪಂಡ್ದ್ ಒಂಜಿ ಪತ್ರ ಗೆತೊಂಡೆರ್, ಒವೇ ಕಷ್ಟ ಬತ್ತ್ಂಡಲಾ ಕೃಷ್ಣನ ವಿದ್ಯಾಭ್ಯಾಸ ಉಂತುದು ಪೋಯೆರೆ ಬಲ್ಲಿ ಪನ್ನಿನ ಛಲ ಆ ಅಪ್ಪೆಗ್! ಅಂಚೆನೇ ಹೈಸ್ಕೂಲು ವಿದ್ಯಾಭ್ಯಾಸಲಾ ಮುಗೀಂಡ್. ನೆತ್ತ ನಡುಟು ಕೃಷ್ಣನ ಕಲಾವಿದ ಮನಸ್ಸಲಾ ಅರಲೊಂದು ಬತ್ತ್ಂಡ್. ಸುತ್ತಮುತ್ತದ ಪಚ್ಚೆಬೈಲ್, ಕಾಡ್ ಗುಡ್ಡೆ, ಮರ ಮಟ್ಸ್, ಪಕ್ಕಿ ಪರನೆಲು, ಕೃಷ್ಣನ ಕುಂಚೊಡು ಸಾಕಾರ ಪಡೆವೊಂದು 'ಎಡ್ಡೆ ಚಿತ್ರಕಾರ' ಇಂದ್ ಮಾತೆಲ್ಲ ಪುಗರುಲೆಕ್ಕ ಆಂಡ್. ನನ ದುಂಬುಗು ಕಲೆನೇ ತನ್ನ ಕ್ಷೇತ್ರಂದ್ ಎಣ್ಣಿದ್ ಕೃಷ್ಣ ಹೆಬ್ಬಾರ್ ಮೈಸೂರುದ ಚಾಮರಾಜೇಂದ್ರ ಟೆಕ್ನಿಕಲ್ ಸ್ಕೂಲುಗು ಸೇರಿಯೆರ್. ಆಂಡ ಮನಸ್ಸಿಗೆ ತೃಪ್ತಿ, ನೆಮ್ಮದಿ ತಿಕ್ಕಂದಿನಡ್ಡಾ ತ್ರ ಪಿರ ಉಡುಪಿಗೇ ಬತ್ತೆರ್. ಅವು ಶ್ರೀನಿವಾಸಾಚಾರ್ ಪನ್ನಿನ ಫೋಟೋಗ್ರಾಫರ್ ಇತ್ತೆರ್. ಆರ ಸ್ಟುಡಿಯೊಡು 'ಫೋಟೋ ರಿ-ಟಚ್ ಅಪ್' ಮಲ್ಪುನ ಕೆಲಸೊಗು ಸೇರೆ. ಈ ಜವನ್ಯನ ಬುದ್ದಿವಂತಿಕೆ, ಕಲಾಸೂಕ್ಷ್ಮತೆ, ಉಂದೆನ್ ತೂಯಿನ ಶ್ರೀನಿವಾಸಾಚಾರ್, 'ನಿನ್ನ ಕಲಾಸಕ್ತಿಗ್ ಪೂರಕವಾಯಿನ ಜಾಗ್ ಪಂಡ ಬೊಂಬಾಯಿ, ಉಡುಪಿದಂಚಿನ ಎಲ್ಯ ಊರುಡು ನಿನ್ನ ಕಲಾಪ್ರತಿಭೆ ಅರಲುನಾಂಡಲಾ ಎಂಚ? ಪಂಡ್ದ್ ಬೊಂಬಾಯಿದ ರಾಮಕೃಷ್ಣ ರಾಯೆರೆಗ್ ಒಂಜಿ ಪರಿಚಯ ಪತ್ರ ಕೊರುದು ಬೊಂಬಾಯಿಗೇ ಪೋವೊಡುಂದು ಒತ್ತಾಯ ಮಲೆರ್. ಇಂಚ ಕೃಷ್ಣ ಹೆಬ್ಬಾರ್ ಬೊಂಬಾಯಿಗ್ ಕಾರ್ ದೀಯೆರ್. ಏತೋ ಕನೊಕುಲು, ಆಸೆ-ಆಕಾಂಕ್ಷೆಲು ಆರ ಬೆರಿಪತ್ತೊಂದು ಬತ್ತ. ಎಡ್ಡೆ ಬಕ್ ಅಂಗಲಪ್ಪುಡು ಒಂಜಿ ಊರುನು ಬುಡ್ಡು, ಬೊಕ್ಕೊಂಜಿ ಊರುಗು ದೂರ ಪ್ರಯಾಣ ಮಲ್ಲೊಂದು ರಾಪಿನ ಪಕ್ಕಿಗ್ ಕಾರ್ಲಾ ಸೋಪಂದ್, ಬಡವು-ಬಾಜೆಲ್ಲಾ ತೋಜಂದ್. ಅಂಚೆನೇ ತನ್ನ ಭವಿಷ್ಯನು ತಾನೇ ಕಟ್ಟುನ ದೃಢ ನಿರ್ಧಾರೊಡು ಕೃಷ್ಣ ಹೆಬ್ಬಾರ್ 1 ಜುಲೈ, 1933ನೆದಾನಿ ಬೊಂಬಾಯಿ ಸೇರೆ. ಬೊಂಬಾಯಿದ ಬದ್ಕ್ ಅಣ್ಣೆ ಅನಂತ್ರಾಮ ಹೆಬ್ಬಾರ್, ಅಪಗ ಗಿರ್ಗಾಂವ್ಡ್ ಒಂಜಿ ಎಲ್ಯ ಕಟ್ಟೆರಿ ಅಂಗಡಿ ದೀದಿತ್ತೆರ್. ಒಂತೆ ಸಮಯೊಡು ಬೇರ ದಾಂತೆ ಅಂಗಡಿ ಮುಚೊಡಾಂಡ್. ಅಲ್ಡ್ ಮೆಗೆ-ಪಲಯೆ ಇರುವೆಲ್ಲಾ 'ಒಪೇರಾ ಹೌಸ್' ಪನ್ನಿನ ಜಾಗೆಡ್ ಬಾಡೆಯಿದ ಇಲ್ಡ್ --7--
