ನಮ್ಮ ದೇಶೂಡು ಸಾಹಿತ್ಯ, ಕಲೆ, ಶಿಕ್ಷಣ, ರಾಜಕೀಯ-ಇಂಚ ವಿವಿಧ ಕ್ಷೇತ್ರೋಲೆಡ್ ಬೆಂದ್ದ್ ಕೀರ್ತಿಪಡೆಯಿನಕುಲು ಮಸ್ತ್ ಜನ ಉಲ್ಲೆರ್, ರಾಷ್ಟ್ರೀಯ ಮಟ್ರೊಡು ಪ್ರಶಸ್ತಿ, ಪುರಸ್ಕಾರೊಲೆನ್ ಗೆತೊಂದು ದುಂಬುದ ಪೀಳಿಗೆಗ್ ಆದರ್ಶ ವ್ಯಕ್ತಿಲಾದ್ ಪ್ರಸಿದ್ಧಿ ಪಡೆವೊಂದು ಅಕ್ಸ್ ಅಪ್ಪೆ ನಾಡ್ಗ್ ಕೀರ್ತಿ ಕಣದರ್, ಇಂಚ ಪೊರ್ಲ ಕಂಟ್ ಸಾರ್ಥಕ ಬದ್ನ್ ಬಾಳೊಂದು ಶಾಶ್ವತ ಪುದರ್ನ್ ಒರಿತ್, ಕಣ್ಮಮದ ಆಯಿನಕ್ಲೆಡ್ ಶ್ರೇಷ್ಠ ಕಲಾವಿದ ಕೆ.ಕೆ. ಹೆಬ್ಬಾರ್ ಮಸ್ತ್ ಖ್ಯಾತಿ ಪಡೆಯಿನಾರ್. ಆರ್ ಒರಿ ಮಾಮಲ್ಲ ತುಳುವೆ ಪನ್ನಿನವು, ಬೊಕ್ಕಲಾ ಹೆಮ್ಮೆದ ಸಂಗತಿ. 0 ಅಮೇರಿಕದ ಮಾಜಿ ಅಧ್ಯಕ್ಷೆ ಅಬ್ರಹಾಂ ಲಿಂಕನ್, ತನ್ನ ಬನ್ ಕಟೊಂದು weJ mêmäsu-'From the log cabin to the White House'- ಇಂದ್ ಒಂಜೇ ವಾಕ್ಕೊಡು ಚರಿತ್ರೆಕಾರೆರ್ ಪಂಡ್ದ್ ಬುಡೆರ್. 'ಮರತ ಗುಡ್ಡಿಲ್ಡ್ ಶ್ವೇತ ಭವನೊಗು'- ಪಂಡ, ಮಾನವ ಯಾತ್ರೆದ ಸಾಹಸದ ಪಜ್ಜೆಲುಂದು ಪಣೋಲಿ, ಅಂಚೆನೇ ಬಡಪತ್ತ್ ಪನ್ಸಿನ ಒಂಜಿ ಎಲ್ಯ ಕೆದುಟು ಕೊಡಿತಿನ ತಾಮರೆ, ಪೂವಾದ್ ಅರಲ್, ಬಾನೊಗು ಕಣ್ಣಿದೀದ್, ಸುತ್ತಲಾ ಕಮ್ಮೆನೊನು ಕೊಯ್ದು, ಏಲ್ ಕಡಲ್ದ ಪಿದಯಿ, ಸುದ್ದಿಯಾಯಿನ ಸಂಗತಿ ನಮ್ಮ ತುಳುನಾಡ್ಡೇ ನಡತ್ತಿನವು ಪನ್ನಿನ ಒಂಜಿ ಕಲ್ಪಿತ ಕತೆ ಅತ್ತ್. ತಾಮರೆ ಪೂರ್ಣ ಅರಲೊಡ್ಡ ಅಯಿಕ್ ನೀರ್ ಮಿತ್ತ್ ಬತ್ತ್ದ್ ತರೆ ದೆರುನ ಸಾಹಸ ಬೋಡು. ಬದ್ಕ್ ಪೊರ್ಲು ಆವೊಡ್ಡ, ಮನುಷ್ಯಲಾ ನಿತ್ಯ ಪೊಂರ್ಬಾಟ ಮಲ್ಲೊಡು. 'ಬಿತ್ತಿ ಲೆಕ್ಕ ಬುಲೆ' ಪಟ್ಟೆ ಪಾತೆರದಲೆಕ್ಕ ದಾರಿದ್ರೂನು 'ಶಾಪ' ಪಂಡ್ದ್ ಎಣ್ಣಂದೆ, ಸಾಧನೆ ಮಲ್ಲೊಂದೇ ಅವೆನ್ ನಿವಾರಣೆ ಮಲ್ಲಿನ ಮಹಾ ಮಾನವತಾವಾದಿ, ಕಲಾತಪಸ್ವಿ ಪಂಡ ಕೆ.ಕೆ. ಹೆಬ್ಬಾರ್, ಬಂಜಿದ ಬಡವು, ಕ್ರಾಂತಿಗ್ ಸಾದಿಮಲ್ತ್ ಕೊಬ್ಬಿನ ಉದಾಹರಣೆಲು ನಂಕ್ ಏತ್ಾ ತಿಕ್ಕು. ಆಂಡ ಕಲೆಕ್ ಮುಡಿಪಾದ್ ದೀಯಿನ ಮನಸ್ಸೇ ಬಡವುನು ಮೀರ್ದ್ ಮಲ್ಲು ಕೆಲಸ ಪಂಡ ಆತ್ಮಸಂಧಾನ; ಉಂದುವೇ ಉತ್ತಮ ಕಲಾವಿದನ ಲಕ್ಷಣ. ಜನನ ಬಾಲ್ಯ ಶಿಕ್ಷಣ ಕಟ್ಟಿಂಗೇರಿ ಕೃಷ್ಣ ಹೆಬ್ಬಾರ್, ಮೇ ಉಡುಪಿದ ಕೈತಲ್ದ ಕಟ್ಟಿಂಗೇರಿ ಪನ್ನಿನ ಒಂಜಿ ಹಳ್ಳಿಡ್ 1911ನೇ ಇಸವಿ ಜೂನ್ 15 ತಾರೀಕ್ದ ದಿನ ಪುಟ್ಯರ್, ಬ್ರಾಹ್ಮಣ ಮನೆತನ. ಅಮ್ಮೆರ್ ನಾರಾಯಣ ಹೆಬ್ಬಾರ್, ಅಪ್ಪೆ ಸೀತಮ್ಮ. ಪಿತ್ರಾರ್ಜಿತ ಆಸ್ತಿ ಇತ್ತ್ಂಡಲಾ, ದಾಯಾದಿ ಕಾರಸ್ಥಾನೊಲ್ದಾತ್ರ ಅವು ದಕ್ಕಂದೆ ಪೋಂಡು, ನಾರಾಯಣ ಹೆಬ್ಬಾರ್, ಬಡಪಲ್ಸ್ನ್ ಸ್ವಾಗತ ಮಲೊಡಾಂಡ್, ಮೂವರ್ ಆಣ್ಜೋಕುಲೆಡ್ ಕಿರಿಯಾಯಿನಾರ್ ಕೃಷ್ಣ ಹೆಬ್ಬಾರ್. (ಹಿರಿಯಾಯಿನಕುಲು ಇರುವೆ-ವೆಂಕಟರಮಣ -- 5 --
