ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ತುಳುನಾಡ್, ತುಳು ಬಾಸೆ, ತುಳು ಸಾಹಿತ್ಯ, ಸಂಸ್ಕೃತಿ ಬೊಕ್ಕ ತುಳುವೆರೆ ಏಳಿಗೆಗಾದ್ ತನ್ನುಲೆ ಸರ್ವಸೊನುಲಾ ಮುಡಿಪುದೀದ್ ಮಸ್ ಪೊಣೆಯಿನ ನಮ್ಮ ಹಿರಿಯಾಕ್ಷನ ಸಾಧನೆಲೆನ್ ಅಕ್ಲ್ ತುಳುಕಾದ್ ಸಂದಾಯಿನ ಸೇವೆಲೆನ್ ಮಾತೆರೆಗ್ಲಾ ತೊಜಿಪಾದ್ ತೆರಿಪಾವುನ ಉದ್ದೇಶೂಡು 'ಮದಪ್ಪರಾವಂದಿ ತುಳುವೆರ್' ಗ್ರಂಥ ಮಾಲೆನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪ್ರಕಟ ಮತ್ತೊಂದುಂಡು. ತುಳುಕಾದ್ ಅನನ್ಯ ಸಾಧನೆ ಮಲ್ತ್ದ್ ಕೋಡೆಗ್ ಸಂದಿನ ಹಿರಿಯೆರೆಗ್, ಈ ನೆಲತ ಬಾಸೆ, ಸಂಸ್ಕೃತಿದ ಮಿತ್ತ್ ಇತ್ತಿನ ಪ್ರೀತಿ, ಅಭಿಮಾನ, ಗೌರವ ಭಾವೊನು ಈ ಮಾಲೆದ ಬೂಕುಲು ತೆರಿಪಾದ್ ಕೊಪ್ಪ, ಎಲ್ಲೆದ ತುಳುತ ಬುಳೆಚ್ಚಿಲ್ಗಾದ್ ಇನಿ ನಮ ಎಂಚೆಂಚಿ ಕಾರ್ಯ ಕಮ್ಯೂಲೆನ್ ಪಾಡೊಂದು, ನಡಪಾವೊಂದು ದುಂಬು ಪೋವೊಡು ಪನ್ನುನೆಕ್ ಈ ಮಹನೀಯರೆನ ಬದ್ಕ್ - ಸಾಧನೆಲು ನಂಕ್ ಪ್ರೇರಣೆ - ಚೈತನ್ಯೂನು ಡಾ. ವಾಮನ ನಂದಾವರ ಅಧ್ಯಕ್ಷ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ
