ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಏರೆನ ಪಜ್ಜೆಲು ಪಡ್ಡಯಿ ಕಡಲ್ ಕರೆ ಬರಿಟೇಪಲ ಪದ್ಮರೇಖದ ಪಚ್ಚೆಲು ಮೂಡುದು ಕಾರ್ದೀನಗ ಕರಾದ್ ಪೋವಂದೆ ಸಿರೆಟಪ್ಪ ಗೊಬ್ಬೊಂದು ಬಪ್ಪೋಣಿನ್ ಲೆತ್ತೊಂದು ಪೊರ್ತುದ ಮಾಯಕೊಡು ಮಾಜಂದೆ ಉಂಡು ಏರನವು ಪಚ್ಚೆಲು? ಅಚ್ಚಿರದ ಅಷ್ಟೊಲು! ಗುಡಿಚಿಲ್ದ ಗೋಡೆಡ್ ನಾಯಿ ಪುಚ್ಚೆದ ನೋಟ ಮಣ್ಣಿ ಕೈಟ್ ಇಂದ್ರಜಾಲದ ಆಟ ಬಚ್ಚೆಲ್ ಪೆಗ್ ಕೆಂರ್ದಲೆಡ್ ಪೇರ್ ಬಾಕಿಲ್ಡ್ ದರಿದ್ರ ನಾರಾಯಣನ ತೇರ್ ಅಪ್ಪೆ ಮಟ್ಟೆಲ್ಡ್ ಬಡವು ಬಾಜೆಲ್ ಇಡೆಟ್ ತ್ರಿವಿಕ್ರಮ ಪಜ್ಜೆ, ಒಲ್ಲು ಮೂಡಿನವು ಈ ಅಜ್ಜ ಏರೆನವು? ನಡತ್ ನಡತ್ದ್ ಕಾರ್ ಸೋಪಂದ್ ಬಲಿತ್ ಬಲಿತ್ತ್ದ್ ಸಾದಿ ಮುಗ್ಯಂದ್ ಅಲ್ಪಗೆರೆ, ಮುಲ್ಪಗೆರೆ! ಅಡ್ಡಗೆರೆ, ನೀಟಗೆರೆ ಕತ್ತಲೆಡ್ ಬೊಲ್ಪುಂಡು, ಬೊಲ್ಪು ಕತ್ತಲೆಡುಂಡು ಬಲಿಪುನಕ್ಲೆನ ಇಡೆಟ್ ತುದೆತ ಪರಪುಂಡು ತೂಪಿನಾಕ್ಲೆನ ನಿರೆಲ್ಡ್ ದಂಗೊಂದು ತಾದಿ ಬೀದಿಡ್ ಅಚ್ಚಿ ಪಾಡುನ ಈ ಪಚ್ಚೆಲು ಏರೆನವು? -- 47 --
