ಕು.ಶಿ. ಹರಿದಾಸ ಭಟ್ರೆಗ್ ಬರೆತಿನ ಕಾಕಜಿಡ್ ಹೆಬ್ಬಾರ್ ಇಂಚ ಬರೆತೆ- "ಎನ್ನ ಡೈರಿಡ್ ಅಲ್ಪಲ್ಪ ಯಾನ್ 'ಅಮ್ಮಾ' ಪಂಡ್ದ್ ಬರೆತಿನಿ ದಾಯೆಗ್ಂದ್ ಈರ್ ಕೇಣ್ದ, 'ಅಪ್ಪೆಡ್ ಮಿತ್ ಬಂಧು ಇಜ್ಜಿ, ಉಪ್ಪುಡ್ಡು ಮಿತ್ ರುಚಿ ಇಜ್ಜಿ' ಪತ್ನಿ ಗಾದೆನ್ ನೆನಪು ಮನು ಮನುಷ್ಯ ತನ್ನ ಕಷ್ಟ ಕಾಲೊಡು ಅಪ್ಪೆನ್ ನೆನಪು ಮಲ್ಪುನ ಸಹಜ ಅತ್ತೇ? 'ಜಗನ್ಮಾತೆ' ಇಂದ್ ಬೋಡ್ಡ ಪಣೆ. ಈರನೇ ಅಪ್ಪೆಂದ್ ಪನ್ನೆ, ಇಜ್ಜಿಡ ಈ ಪ್ರಕೃತಿಡ್ ದೆಂಗ್ದಿತ್ತಿನ ವಿಶ್ವ ಚೈತನ್ಯಂದ್ ಬೋಡ್ಡ ಪನೆ, ಅಪ್ಪೆನ್ ಅಂತರಾನ್ನೊಡು ಲೆಪ್ಪುನ ಮನುಷ್ಯ ಜಾತಿಗೇ ಸಹಜವಾಯಿನವು ಪನ್ನಿನ ನಂಬಿಕೆ ಎನ್ನವು ಅಪ್ಪೆ, ಪೃಕೃತಿ, ಅಂತರಾತ್ಮ, ವಿಶ್ವ ಚೈತನ್ಯ-ಉಂದು ಮಾತ ಒಂಜೇ ಇಂದ್ ಎಣ್ಣೆ ದಿನ ಹೆಬ್ಬಾರರ ಆತ್ಮ ಸೌಂದರ್ಯೋಗು, ಸಂಸ್ಕಾರೊಗು ಬಿಲೆ ಕಟ್ಟುನಾಂಡಲಾ ಎಂಚ? ಕು.ಶಿ. ಹರಿದಾಸ ಭಟ್ ಹೆಬ್ಬಾರೆರೆನ್ 'ಕಲೆಯ ಆಚಾರ ಪುರುಷ' ಇಂದ್ದ್ ಗೌರವ ಸಂದಾದೆರ್. ಆರ್ ಇಂಚ ಪರ್- 'ಸಾಹಿತ್ಯದ ಮೂಲೊಡು ಉಪ್ಪೋಡಾಯಿನ ಅರ್ಥವಂತಿಕೆ, ಸಂಗೀತದ ಲಯ, ಬೊಕ್ಕ ಚಿತ್ರಕಲೆತ ವರ್ಣಪ್ರಬಂಧ, ಈ ಮೂಜೆನ ಒಟ್ಟು ಸೇರಿಸಾಂಡ ಕಟ್ಟಿಂಗೇರಿ ಕೃಷ್ಣ ಹೆಬ್ಬಾರೆ ಕಲೆ, ಸ್ವರೂಪ ಪಡೆವುಂಡು'. ಉಲ್ಲಾಸ ಸಂತೋಷೋಲೆನ್ ಬಗ್ಗೂಡು ಪತ್ದ್ ದೀಯೆರೆ, ಹೆಬ್ಬಾರೆ ಬಾರಿ ಬಿರ್ಸೆ. ಆರ್ ಒಂಜಿ ಸೂರ್ಯಕಾಂತಿ ಪೂತ ಚಿತ್ರ ಬರೆದಿತ್ತೆರ್. ಆ ಪೂತ ಮಿತ್ತೋದ ಭಾಗೊಡು ಕಡು ಮಂಜಲ್-ಕೆಂಪು ಸೇರಿನ ಸೂರ್ಯಬಿಂಬ, ಪೂತ ತೊಟ್ಟುಡು ಜೀವ ಸಂಚಾರ ತೋಜಿದ್ ಬರ್ಪುಂಡು, ಲೋಕದ ಶಕ್ತಿಗ್ ಸೂರ್ಯ ಸಂಕೇತ ಆಂಡ, ಸೂರ್ಯಕಾಂತಿ ಪೂ, ಸಕಲ ಜೀವೊಲೆಗ್ ಸಂದೇಶ ಕೊರ್ಪಿನ ಸಂಕೇತ, ಸೂರ್ಯಕಾಂತಿ ಅರಲೊಡ್ಡ ಸೂರ್ಯನಂಚಿ ಮೋನೆ ಮಲ್ಪುಡು. ಅಂಚೆನೇ ಮನುಷ್ಯನ ವಿಕಾಸ ಆವೊಡ್ಡ ತನಕ್ ಗೊತ್ತಾಂತಿನ ಒಂಜಿ ಪರಾಶಕ್ತಿಗ್ ಅಭಿಮುಖ ಆವೊಡು. ಸಸ್ಯ ಜಗತ್ತೊಗ್ ಸಹಜವಾಯಿನ ವಿಕಸನ ಮಾರ್ಗನೇ ಮನುಷ್ಯಗ್ಲಾ ಸ್ವಾಭಾವಿಕ. 'ಅಭಿಜಾತ ಕಲಾವಿದೆ ಪನ್ನಿ ಪಾತೆರ ಆರೆಗ್ ಸರಿಯಾದ್ ಒಪ್ಪುಂಡು. ಬರೆಯಿನ ಚಿತ್ರ, ಬುಡಾಯಿನ ಬೂಕುದ ಲೆಕ್ಕ; ಉಂದು ಹೆಬ್ಬಾರೆ ಬದ್ಕ್ 'ಕಲಾವಿದೆ' ಪನ್ನಿನ ಜಾತಿ ವೈಶಿಷ್ಟ್ಯ ಆರೆಗ್ ಸಹನೆ ಆವೊಂದು ಇತ್ತೀಜಿ. ದಾಯೆ ಪಂಡ, ಕಲೆತ ಭಾಷೆ, ವಿಶ್ವಭಾಷೆ. 41
