ه. ಬಾನೊಗು ರಾಯಿಲೆಕ್ಕ ಅನುಭವ ಆಯಿನೆನ್ ಆರ್ ಬರೆತೆ. ಈ ಮಂದಿರದ ಸುತ್ತ ಚಂದ್ರಭಾಗಾ ಪನ್ನಿನ ತುದೆ ಪರತೊಂದು ಇತ್ತಿನ ಇತ್ತೆ ಅದೃಶ್ಯ ಅತ್ಂಡ್ಂದ್ ಅವು ಪಂಡೆರ್ಗೆ, ಹೆಬ್ಬಾರ್ ಕಲಾವಿದನ ಕಲ್ಪನೆದ ಕಣ್ಣಿಡ್ ತುದೆತ ಪರಪುನು ತೂಯೆರ್. ಕೈತಲ್ ಕಡಲ್ ಬರಿಟ್, ಮರೊಕುಲ್ನ ಗುಂಪೇ ಇತ್ತ್ಂಡ್, ರಾತ್ರಿ ಮಸ್ತ್ ಪೊರ್ತು ಮರತ ಅಡಿಟ್ ಕುಲ್ಲುದು ಸೃಷ್ಟಿದ ಪೊರ್ಲುನು ತೂಯೆರ್, ಕೊನಾರ್ಕ ಮಂದಿರದ 'ಸ್ಕೆಚ್' ಮತ್ತೊಂಡೆರ್. ಭಾರತದ ಪರಂಪರೆ ಪಂಡ ಇಂಚಿನ ವಾಸ್ತು ಶಿಲ್ಲೊನು ಕೊರ್ಪಿನ ಚಾರಿತ್ರಿಕವಾಯಿನ ಅನುಭವೊಲು ಇಂದ್ ಆಳ್ವ ಅಭಿಪ್ರಾಯ. ಅಂಚಾದ್, ಸಂದರ್ಭ ತಿಕಿನಾತ್ ಪೊರ್ತು, ಹೆಬ್ಬಾರ್ ಪ್ರಕೃತಿನ್ ಆರಾಧನೆ ಮಲ್ಲೊಂದೇ ಬೈದಿನಾ. ತನ್ನ ಇಲ್ಲದ ಸುತ್ತ ಕೈತೋಟ ನಿರ್ಮಾಣ ಮಲ್ಲಿನ ಹೆಬ್ಬಾರ್, ಇಲ್ಲಗ್ ಬೋಡಾಯಿನ ತರಕಾರಿ ಬುಲೆಪಾವೊಂದು ಇತ್ತೆ, ಬಿನ್ನೆರೆಗ್ ವಣಸ್ ಪಾಡ್ನಗ 'ಎನ್ನ ತೋಟದ ತರಕಾರಿದ ರುಚಿ ಬೊಂಬಾಯಿಡ್ ತಿಕ್ಕುನ ವಾ ತರಕಾರಿಗ್ಲಾ ಇಜ್ಜಿ' ಪಂಡ್ದ್ ಪುಗರೊಂದು ಇತ್ತೆರ್ಗೆ ಮಣಿಪುರೊಗು ಪೋಯಿನ ಹೆಬ್ಬಾರ್ ಪೊಂಜೇವುಲೇ ವ್ಯಾಪಾರ ಮಲ್ಪುನ ಮಾರ್ಕೆಟ್ನ್ ತೂದು 'ಸ್ಕೆಚ್' ಮಲ್ಲೊಂಡೆ, ಆ ಊರುದ ಸುಂದರವಾಯಿನ ನಿಸರ್ಗೊನು ಏತ್ ರೀತಿಡ್ ಬುಡಾಂಡಲಾ ಆರೆಗ್ ತೃಪ್ತಿಂದ್ ತೋಜಿಜಿ, ಗೋವದ ಕಡಲ ಬರಿಟ್ ಉದ್ಯೋಗು ನಡತೊಂದು ಪೋಪಿನಿ ಪಂಡ ಆರೆಗ್ ಬಾರಿ ಇಷ್ಟವಾಯಿನ ಸಂಗತಿ. ಕಡಲ್, ಬದ್ಕ್ದ ಸಂಕೇತ-ಇಂದ್ರ ಆರ್ ಪಡೊಂದಿತ್ತೆರ್. ಇಡೀ ದಿನ ಕಡಲ್ ತೂವೊಂದು ಇತ್ತಂಡ ಅವು ಬೇತೆ ಬೇತೆ ಬಗ್ಗೂಡು, ಭಿನ್ನ ಭಿನ್ನ ರೂಪೊಲೆನ್ ತೋಜಾವುನ ತೂವೊಲಿ, ಹೆಬ್ಬಾರ್, ಕಲಾದೃಷ್ಟಿಡ್ ಅಯಿಕ್ ಮೂರ್ತಸ್ವರೂಪ ಕೊರ್ತೆರ್. ಮುರಾಜ್ ಆನಂದ್, ಹೆಬ್ಬಾರೆರೆನ್ 'ಜನತಾ ಜನಾರ್ದನನ ಕಲಾವಿದೆ' ಪಂಡ್ದ್ ಪುಗಾರೆರ್, ಹೆಬ್ಬಾರರ ರೇಖಾಚಿತ್ರ ಸಂಕಲೊನು ತೂದು ಪ್ರಧಾನಿಯಾದಿತ್ತಿನ ಇಂದಿರಾಗಾಂಧಿ 'ಕೆಲವೇ ಕೆಲವು ರೇಖೆಲೆಡ್ ಈರ್ ಲಾವಣ್ಯ ಬೊಕ್ಕ ಚಲನಶೀಲತೆ- ಉಂದೆನ್ ಏಕ ಕಾಲೊಡು ತೋಜಾದಿನ ಬಾರೀ ಆಶ್ಚರ್ಯದ ಸಂಗತಿ' ಇಂದ್ ಬರತೆರ್ಗೆ. --> - 40 --
