ه ಕೃತಿ ರಚನೆದ ಸಂದರ್ಭ ಬೊಂಬಾಯಿಡ್ ಪ್ರತಿ ವರ್ಸ ನಡಪುನ 'ತುಳು ಪರ್ಬ'ದ ಸಮಯೊಡು, ಆ ನೆಲಟ್ ಮಸ್ತ್ ಬಂದ್ದ್ ಪುಗಾರೆ ಪಡೆಯಿನ ತುಳುವೆರೆನ್ ನೆನಪು ಮಲ್ಪುನ ಸಂಪ್ರದಾಯ ನಡತೊಂದು ಉಂಡು, ಅಕ್ ಪುದರ್ನ್ ಪ್ರವೇಶ ದ್ವಾರ, ಮಂಟಪ, ವೇದಿಕೆಲೆಗ್ ದೀದ್, ಕುಟುಂಬದಕ್ಲೆಗ್ ತೆರಿಪಾವುನ ಕೆಲಸೊನ್ಹಾ ಬೊಂಬಾಯಿದ ಸಾಹಿತ್ಯ ಬಳಗ ಮಲ್ಲೊಂದು ಬೈದ್ಂಡ್. ಅಯಿಟ್ ಅಂತಾರಾಷ್ಟ್ರೀಯ ಖ್ಯಾತಿ ಪಡೆಯಿನ ಪದ್ಮಶ್ರೀ ಕೆ.ಕೆ. ಹೆಬ್ಬಾರ್ ಒರಿ ಪ್ರಸಿದ್ಧ ಕಲಾವಿದೆ ಮಾತ್ರ ಅತ್, ಆರ್ ಒರಿ ತುಳುವೆ ಪನ್ನಿನ ಹೆಗ್ಗಳಿಕೆಲಾ ಇತ್ತಿನೆಡ್ಡಾತ್ರ 'ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ' ಆ ವಿಷಯೊಡು ಒಂಜಿ ಬೂಕು ಕನವೊಡುಂದು ಯಾನ್ ಕೇಂಡೊಂಡೆ. 10 ಅಪಗ ಅಕಾಡೆಮಿದ ಅಧ್ಯಕ್ಷೆರಾದಿತ್ತಿನ ದಿ. ಪೊಳಲಿ ಬಾಲಕೃಷ್ಣ ಶೆಟ್ ಬಾರಿ ಕುಸಿಟ್ ಒಪ್ಪಿಗೆ ಕೊರೆರ್. ಆಂಡ ಆರ ಅನಿರೀಕ್ಷಿತ ಮರಗೊಡ್ಡಾತ್ರ ಈ ಕೆಲಸ ಒರೀದ್ ಪೋಂಡ್. ಅಯಿಡ್ ಬೊಕ್ಕ ಅಧ್ಯಕ್ಷೆರಾಯಿನ ಡಾ. ವಾಮನ ನಂದಾವರ ಮೇರ್, ನೆತ್ತ ಮಿತ್ ಆಸಕ್ತಿದೀದ್, ಹೆಬ್ಬಾರರ ವಿಷಯೊಡು ಬರೆಯೆರೆ ಎಂಕ್ ಅವಕಾಶ ಮಲ್ತ್ ಕೊರಿಯೆರ್. ಈ ಕಾರ್ಯೊಗು ದಿ. ಕೆ.ಕೆ. ಹೆಬ್ಬಾರರ ಮಗಲ್, ಪ್ರಸಿದ್ಧ ಕಲಾವಿದೆ ಆಯಿನ ಶ್ರೀಮತಿ ರೇಖಾ ರಾವ್, ಹೆಬ್ಬಾರ್ ಪ್ರತಿಷ್ಠಾನೊಡ್ಡು ರುಪಾಯಿ ಪತ್ ಸಾವಿರ, ಅಕಾಡೆಮಿಗ್ ಕೊರ್ದು ಸಹಾಯಲಾ ಮಲ್ಲೆರ್. ಇಂಚಿನ ಮಾತ್ರ ಇಂಬು ತಿಕ್ಕಿನೆಡ್ಡಾತ್ರ ಈ ಬೂಕು ಬೊಲ್ಪುಗು ಬರಿಯೆರೆ ಸಾಧ್ಯ ಆಂಡ್. ಅಂಚಾದ್ ಯಾನ್ ತುಳು ಸಾಹಿತ್ಯ ಅಕಾಡೆಮಿಗ್, ಬೊಕ್ಕ ಹೆಬ್ಬಾರ್ ಪ್ರತಿಷ್ಠಾನೊಗು, ಈ ಮೂಲಕ ಕೃತಜ್ಞತೆ, ಸಂದಾವೆ. J ಇಂಚೆನೇ ಬಾರೀ ಪುಗಾರೆನ್ ಪಡೆದ್ ಅಳೀದ್ ಪೋಯಿನ ಮಾಮಲ್ಲ ತುಳುವೆರೆನ ಸಂಸಾರದಕುಲು ಅಲ್ನ ಪುದರ್ ಒರಿಪುನ ಪ್ರಯತ್ನ ಮಲ್ಲೊಡುಂದು ಎನ್ನ ಆಸೆ. ಮುಂಬಯಿ 1 ಡಿಸೆಂಬರ್ 2002 . ಇಂಚ ಡಾ. ಸುನೀತಾ ಶೆಟ್ಟಿ -- 3 --
