ಸ್ವದೇಶಿ ಕಲಾಪರಂಪರೆದ ಅಭ್ಯಾಸೊಗಾತ್ರ ಹೆಬ್ಬಾರ್ ದೇಶ ಸಂಚಾರ ಮಲ್ಲೊಂದು ಇತ್ತೆರ್, ಕೇರಳದ ರಮಣೀಯ ನಿಸರ್ಗೊಡು ಅಲ್ಪ ಜನಜೀವನದ ಸೊಗಸ್ನ್ ಆ ಚಿತ್ರಿಸಾದ. ಜ್ವಲಂತ ದಕ್ಷಿಣ, ಸಸೌತ್, ಕಟ್ಟು ಕಲ್ಯಾಣಂ ನಡವಳಿ, ಮೆಯಿಡನ್ ಹುಡ್ ಉಂದು ಆರ ಪ್ರಸಿದ್ದ ಚಿತ್ರೋಲು. ಸ್ವಿಟ್ಸರ್ಲೆಂಡ್ ಮೊಂತ್ರು ನಿಸರ್ಗಧಾಮೊಡು ಹೆಬ್ಬಾರ್ ಮಧ್ಯರಾತ್ರಿ ಮುಟ್ಟ ಅಲ್ಲ ಪ್ರಕೃತಿ ಸೌಂದರ್ಯೊನು ತೂದು ವಿಸ್ಮಯ ಪಡೆಯೆರ್. ಸರೋವರದ ನೀರ್ಡ್ ಚಂದ್ರಬಿಂಬ, ಭೂಮಿಗ್ ಜೈದಿನ ತಿಂಗೊಲ್ದ ಬೊಲ್ಪುದ ಉಂಡೆದ ಲೆಕ್ಕ ಉಳೆವೊಂದು ಇತ್ತಿನನ್ ತೂಯೆರ್. ಪ್ರಕೃತಿಗ್ ಈತೊಂಜಿ ಪೊರ್ಲು ಉಂಡಾ? ಉಂದು ಅತ್ತಾಂದೆ ಬೇತೆ ಒಂಜಿ ಸ್ವರ್ಗ ಉಂಡಾ? ಇಂಚ ಉದ್ಗಾರ ಮಲ್ಲೆರ್, ಒಂಜಿ ದಿನ ಕಾಂಡೆಡ್ ಬೈಯ್ಯ ಮುಟ್ಟ ನಿಸರ್ಗದ ಮಟ್ಟೆಲ್ಡ್ ತೆಲಿತೊಂದು, ನಲಿತೊಂದು, ರೈಲ್ಡ್ ಇಡೀ ಊರುಗು ಪ್ರದಕ್ಷಿಣೆ ಪಾಡೊಂದು ಲೋಸಾನ್ ಮುಟ್ಟುನಗ ಹೆಬ್ಬಾರೆರೆಗ್ ಅಪಾರ ಸಂತೋಸ, ಉಗಾನೋ, ಕೋಮೋ, ಸರೋವರದ ದೃಶ್ಯ ಆರ ಕಲಾವಿದ ಮನಸ್ಸಿಗ್ ಒಂಜಿ ಅಪೂರ್ವ ಅನುಭವ ಕೊಂರ್ಡು, ರಷ್ಯಾ ಸಂದರ್ಶನದ ಸಮಯೊಡು ಒಂಜಿ ದಿನ ಕೀವ್ ಪನ್ನಿನ ಪಟ್ಟಣಡು ಹೆಬ್ಬಾರ್ ಪ್ರಯಾಣ ಮಲ್ಲೆ. ರೈಲ್ಡ್ ಪ್ರಯಾಣ. ಸಾದಿಡ್ ಪಚ್ಚೆ ಕಂಡೊಲು, ಜಾನುವಾರುಲು, ಗ್ರಾಮಾಂತರದ ದೃಶ್ಯಲು ಆರ ಕಣ್ಣಿಗ್, ಮನಸ್ಸಿಗ್ ತಂಪು ಕೊರಿಯ, ಬೊಲ್ಪು ರಂಗ್ ಬರ್ಚ್ ಮರೊಕುಲ್ನ ಇಡೆಟ್ ಚಂದ್ರೆ ಮೂಡುನಗ, ಇಡೀ ಪ್ರಕೃತಿ ಪದ ಪೆನ್ಸಿಲೆಕ್ಕ ಆರೆಗ್ ಭಾಸ ಆಂಡ್. ಕಾಂಡೆ ಲಕ್ಕದ್ ತೂನಗ ಸೂರ್ಯಕಾಂತಿ ಪೂಕುಲು ಸೂರ್ಯ ಕಿರಜೊಡು ಮೀಪಿಲೆಕ್ಕ ತೋಜಿಂಡ್. ಕೀವ್ ನಗರೊಗು ಜೀವ ಬತ್ತಿಲೆಕ್ಕ ಪರ್ವತದ ಮಿತ್ ಪೊರ್ಲುದ ಉಪವನೊಕುಲು, ಹೆಬ್ಬಾರ್ ಈ ದೃಶ್ಯನು ಏಪಲಾ ಮದತ್ತ್ಜೆರ್, ತುದೆ ಬರಿಟ್ ಕುಲ್ಲು, ಮರಕಟ್ಟುನ ಚಳಿನ್ನಾ ಗೆನಿಪಂದೆ ಆ ಚಿತ್ರ ಬರೆಯೆರ್. ಒಂಜಿ ಸರ್ತಿ ಒರಿಸ್ಸಾದ ಭುವನೇಶ್ವರೊಗು ಹೆಬ್ಬಾರ್, ಕೆಲಸದ ಮಿತ್ ಪೋವೊಡಾಂಡ್. ಅವು ಅದ್ಭುತವಾಯಿನ ಕೊನಾರ್ಕ್ ಸೂರ್ಯಮಂದಿರೊನು ತೂನಗ ಆರೆಗ್ ಸೂರ್ಯದೇವೆ ಏಳ್ ಕುದುರೆಲೆನ್ ಕಟ್ದಿನ ರಥೋಟು ಸವಾರಿ ಮಲ್ಪುಲೆಕ್ಕ, ಇಡೀ ಪ್ರಪಂಚೈನೇ ತಿರ್ಗ್ ಬತ್ತಿಲೆಕ್ಕ, 24 ಚಮ್ರಲು ಗಡ ಗಡ ತಿರ್ಗೊಂದು -- 39 --
