ಗ್ಯಾಲಕ್ಸಿ, ಶೋಧ, ಮದೊಳಕ್ಕೆ, ಚಂದ್ರಸೇತು, ಶರದ್ ಪೂರ್ಣಿಮಾ-ಇಂಚಿನ ಅಮೂರ್ತ ಚಿತ್ರಕಲ್ಪನೆ ಆರ ಸಾಧನೆ. 'ವೀಣೆ' ಪುದರ್ದ ಒಂಜಿ ಚಿತ್ರೋಡು ಹೆಬ್ಬಾರ್ ಕೇವಲ ಬಣ್ಣದ ಸಹಾಯೊಡೇ ರಾಗ ತರಂಗೊಲೆನ್ ಸೃಷ್ಟಿ ಮಲ್ಲೆರ್. 1971ನೇ ಇಸವಿಡ್ ಬಾಂಗ್ಲಾ ದೇಶೆಡು ನಡತ್ತಿನ ದುರಂತೊನು ಹೆಬ್ಬಾರ್, ಮನಸ್ಸಿಗ್ ಮುಟ್ಟುಲೆಕ್ಕ ಬುಡ್ಡಾದರ್, ನಿರಾಶ್ರಿತ ಊರು ಬುಡ್ಡು ಬಲಿಪುನ ಈ ಚಿತ್ತೊಡು ಕ್ಯಾನ್ಸಾಸ್ ಉಪಯೋಗ ಆತ್ಂಡ್. ಇಡೀ ಕ್ಯಾನ್ವಾಸ್ನ ನೆತ್ತೆರ್ದ ತುದೆ ರಡ್ಡ ಭಾಗ ಮಲ್ಪುಲೆಕ್ಕ ತೋಜುಂಡು, ಒಂಜಿ ಮೆಯಿಟ್ ಭಗ್ನ ನಗರ, ಬೊಕ್ಕೊಂಜಿ ಮೆಯಿಟ್ ಅಡ್ಡಾದಿಡ್ಡಿ ಬಲಿಪುನ ನಿರಾಶ್ರಿತೆರ್. 'ಬಾಂಗ್ಲಾ ಜನ್ಮ' ಪನ್ನಿನ ಕುಡೊಂಜಿ ಚಿತ್ತೊಡು ರಡ್ ಸಮಾನಾಂತರ ರಸ್ತೆಲೆಡ್ ಕ್ಯಾನ್ವಾಸ್ ಉದ್ಯೋಗುಲಾ ಜನ ಬಲಿಪುವೆರ್, ಅಸ್ಪಷ್ಟ ಆಕೃತಿಲು ಶಾಸನದ ಬರವುದ ಲೆಕ್ಕ ತೋಜುಂಡು, ಚಿತ್ರದ ತಿರ್ತ್ದ ಭಾಗೊಡು ವಲಸೆ ಪೋಪಿನ ಜನೊಕುಲು, ಮಿತ್ತ್ ಮೂಡೊಂದು ಬರ್ಪಿನ ಸೂರ್ಯನ ಪಿರವುಡು ಕುಸೀಟ್ ಪಿರ ಪಿಜಿರ್್ರ ಬರ್ಪಿನ ಪ್ರಜೆಕುಲು. ಅದ್ಭುತ ಕಲ್ಪನೆಡ್ ಸಂಕೇತೊಲೆನ್ ದಿಂಜಾವೊಂದು ರಚನೆ ಆತಿನ ಈ ಚಿತ್ರೋಲೆಡ್ 'ಕಾಲ' ಬೊಕ್ಕ 'ಜಾಗ್' ನೆತ್ತ ಹೊಂದಾಣಿಕೆದ ಪ್ರಯತ್ನ ಮಲ್ದೆ-ಇಂದ್ ಹೆಬ್ಬಾರ್ ಬರೆತ. ಒಂಜಿ ಪ್ರಸಿದ್ಧವಾಯಿನ ಚಿತ್ರ ಪಂಡ 'ಹರಿವು'. ಅಯಿಟ್ ನೀರ್ದ ಪ್ರವಾಹ, ಜಲಪಾತದ ರೂಪಧಾರಣೆ ಮಲ್ಪುಂಡು, ಹೆಬ್ಬಾರ್ ಪನ್ನೆರ್-ಉಂದು ಎನ್ನ ಸಂತೋಷದ ಅಭಿವ್ಯಕ್ತಿ. ಸಾಂಕೇತಿಕವಾದ್ ಉಂದೊಂಜಿ ಜೀವನ ಪ್ರವಾಹ. ನಿಸರ್ಗ ಪ್ರೇಮ 1945ನೇ ಇಸವಿಡ್ ಹೆಬ್ಬಾರ್ ಕುಲು ಕಣಿವೆಗ್ ಪೋಯೆರ್. ಹೋಟೆಲ್ ರೂಮುಡ್ಡು ಪಿದಯಿ ತೂನಗ ಮೋಹಕ ದೃಶ್ಯ! ಮನಾಲಿಡ್ ಅಪಗ ಜಾತ್ರೆ ನಡತೊಂದು ಇತ್ತ್ಂಡ್. ಗುಡ್ಡೆದ ಮಿತ್ತ್ ಭವಾನಿ ಮಂದಿರದ ಸ್ಕೆಚ್ ಬುಡಾದ್ ಹೆಬ್ಬಾರ್ ಬೊಂಬಾಯಿಗ್ ಕಣತ್ತೆರ್, ಹಿಮಾಲಯದ ನಿಸರ್ಗ ಪಂಡ ಅವು ಸೌಂದರ್ಯದ ಖಜಾನೆ. ಅಲ್ ರೋತಾಂಗ್ ಕಣಿವೆಗ್ ಕುದುರೆ ಸವಾರಿ! ಇಂಚ ಒಂಜಿ ತಿಂಗೊಲ್ಲ ಆರ ಪ್ರವಾಸೊಡು ಶರೀರದ ತೂಕ ಹೆಚ್ಚಾಯಿನತ್ತಂದೆ ಮನಸ್ಸೇ ಹಗುರ ಆಂಡ್ಂದ್ ಆರ್ ಬರೆತೆರ್. -- 38 --
