ಆಂಡ ಕೆಲವೇ ಬುದ್ದಿವಂತೆ ಕೆಲವು ನಿಯಮಲೊನು ಪಾಡೊಂದು ಬಳಗೊನು ಕಷ್ಟೊಂದು ಕಲಾ ಪರಂಪರೆನ್ ಸೃಷ್ಟಿ ಮಲ್ಲೆರ್. ಸಾಮಾಜಿಕ ಜೀವನ ವ್ಯವಸ್ಥೆ ವಿಸ್ತಾರ ಆಂಡ್. ಕಲಾ ಪೋಷಕೆ ಉಂಡಾಯೆರ್. ಅಪಗ ಕಲಾವಿದ ಸ್ವಾತಂತ್ರ್ಯದಾಂತೆ ಪೋಂಡು. ಆಶ್ರಯದಾತನ ಮರ್ಜಿಡೇ ನಡಪೊಡಾನಗ ಅಭಿವ್ಯಕ್ತಿ ಸ್ವಾತಂತ್ರ್ಯ ನಷ್ಟ ಆಂಡ್. ಆಂಡ 18ನೇ ಶತಮಾನದ ಅಂತ್ಯ ಕಾಲೊಡು ಫ್ರಾನ್ಸ್ ದೇಶೂಡು ನಡತ್ತಿನ ಮಹಾಕ್ರಾಂತಿ ಕಲಾಕ್ಷೇತ್ರೋಡುಲಾ ಕ್ರಾಂತಿನ್ ಉಂಡುಮಲ್ತ್ಂಡ್. ಸೃಷ್ಟಿ ಶೀಲತೆನೇ ಕಲೆತ ಜೀವಾಳ ಪನ್ನಿನ ವಿಚಾರ ಮಾತ ದೇಶೂಲೆಗ್ಲಾ ಪರ್ಬುಂಡು, ಮಾತ ಕಡೆಟ್ಲಾ ಪ್ರಯೋಗಶೀಲತೆ ಮುಖ್ಯ ಆಂಡ್. ರೇಖೆ, ಆಕಾರ, ವರ್ಣ ಉಂದು ಕಲೆತ ಮೂಲ ತತ್ವ, ನೆತ್ತ ನಡುಟು ಅನುಕರಣೆಲಾ ನಡತ್ಂಡ್, ಭಾರತ ದೇಶೂಗು ಈ ಕ್ರಾಂತಿ ಮಸ್ತ್ ತಡವಾದೇ ಕಾರ್ ದೀಂಡ್, ನಂಕ್ ಸ್ವಾತಂತ್ರ್ಯ ತಿಕ್ಕಿಬೊಕ್ಕ ಕಲಾವಿದೆ ಸ್ವಂತಿಕೆನ್ ಮೆರೆಪಾಯೆರೆ ಸಾಧ್ಯ ಆಂಡ್. 10 ಒಂಜಿ ಚಿತ್ರನು ಗೋಡೆದ ಅಲಂಕಾರದ ವಸ್ತು ಪಂಡ್ದ್ ಗೆಪುನವು ಸಮ ಅತ್ ತೂಯಿ ಕೂಡ ಅವು ಪೂರ ಅರ್ಥ ಆವೊಡುಂದುಲಾ ಇಜ್ಜಿ. ಅವು ನಮ್ಮ ಭಾವನೆಲೆನ್ ಜಾಗೃತ ಮಲ್ನೋಡು, ನಮ್ಮ ವಿಚಾರೊಲೆನ್ ವಿಕಾಸ ಮಲ್ನೋಡು. ಆಧುನಿಕ ಭಾರತೀಯ ಕಲೆತ ಮಹತ್ವ ದಾದ, ಪನ್ನಿನ ಪ್ರಶ್ನೆಗ್ ಉತ್ತರ ಇಂಚ ಕೊರೊಲಿ- ಆಧುನಿಕ' ಪಂಡ, ನಮ್ಮ ಪರಂಪರೆಡ್ ಇತ್ತಿನ ಕೆಲವು ಪರತ್ ವಿಚಾರೊಲೆನ್ ಬುಡೊಂದು ಬಸ್ಸಿನವು, ಬಾದಾಮಿ ಆಕಾರದ ಕಣ್, ಕೃಶವಾಯಿನ ಸೊಂಟ-ಉಂದು ಮಾತ ಆಧುನಿಕ ಸಂದರ್ಭೋಲೆಗ್ ಸರಿಪೋಪುಜಿ, ಅಂಚಾಯಿನೆಡ್ ಕಲಾವಿದೆರ್ ವಿಚಾರ ಕ್ರಾಂತಿಗ್ ಮನಸ್ ಮಲ್ನೋಡಾಪುಂಡು, ಮೌಲ್ಯ ವಿಹೀನವಾಯಿನ ಸಂಗತಿಲೆನ್ ವಿರೋಧ ಮಲ್ನೋಡು. ಅನಗತ್ಯವಾಯಿನ ನಿಯಮ ನಿರ್ಬಂಧೂಲೆಡ್ ಬದ್ಕ್ ಬುಾವೊಡು. ಭಾರತೀಯ ಕಲಾವಿದಗ್ ತನ್ನ ಅಂತಃಸಾಕ್ಷಿ ಮುಖ್ಯ. ಅಪಗ ಸಹಜತೆ ಉಂಡಾಪುಂಡು, ನೆತ್ತ ಅರ್ಥ ದಾದ ಪಂಡ ಆಧುನಿಕ ಕಲೆ, ಅನುಕರಣೆ ಮುಕ್ತವಾಯಿನವು. ಅವು ಅನುಭವ ವೇದ್ಯ. ಇಂಚ ಮೌಲಿಕವಾಯಿನ ವಿಚಾರೊನು ಆರ್ ಪಣೆ. 1962ನೇ ಇಸವಿಡ್ ಬೊಕ್ಕ ವಿಜ್ಞಾನಿಲು ಮಲ್ಲಿನ ಪ್ರೋಮ್ ಸಾಹಸ ಹೆಬ್ಬಾರೆರೆಗ್ ಬಾರಿ ಇಷ್ಟ ಆಂಡ್. ವೈಜ್ಞಾನಿಕ ಅನ್ವೇಷಣೆಡ್ ನಡತ್ತಿನ ಅದ್ಭುತೊಲೆನ್ 'ರಾಕೆಟ್' ಪನ್ನಿನ ಪುದರ್ಡ್ ಆರ್ ಚಿತ್ರಮಾಲಿಕೆ ರಚನೆ ಮಲ್ಲೆರ್. ಆಕಾಂಕ್ಷೆ, ಚಂದ್ರಜನ್ಮ, -- 37 --
