ಶೈಲಿಡ್ ಅಭಿವ್ಯಕ್ತಿ ಮಲ್ಪುನ ಶ್ರೇಷ್ಠ ಕಲಾವಿದೆ. ಜಾನುವಾರು ಜಾತ್ರೆ, ಕನ್ಯಾಕುಮಾರಿ- ಇಂಚಿನ ಚಿತ್ರದ ವಸ್ತು ಭಾರತೀಯ ಮಾತ್ರ ಅತ್ತೆ, ಪಚ್ಚೆ, ಕೆಂಪು, ಶ್ವೇತವರ್ಣದ ಸಾಂಗತೊಡು ಒಂಜಿ ಭಾವಗೀತದ ಸಂಚಾರನೇ ಮೂಲು ತೋಜುಂಡು, 'ಹೋಳಿ ನೃತ್ಯ'- ನೆಟ್ ಜನಜೀವನದ ಅಧ್ಯಯನ ಉಂಡು. 'ಜೀವನೋಲ್ಲಾಸ'- ನೆಟ್ ಪ್ರಾಚ್ಯ ನೃತ್ಯದ ಸಾಂಕೇತಿಕ ಸೌಂದರ್ಯ ಉಂಡು, 'ಕಲಾವಿದ ಮತ್ತು ತಾಯಿ'- ಈ ಚಿತ್ರ ಕೊಬ್ಬಿನ ಆಧ್ಯಾತ್ಮಿಕ ಅನುಭೂತಿ ವರ್ಣನಾತೀತ. ત્ર ತನ್ನ ಚಿತ್ರಕಲೆ ಪರಿಪೂರ್ಣವಾಯಿನವು ಪನ್ನಿನ ಆತ್ಮರತಿ ಹೆಬ್ಬಾರೆರೆಡ್ ಇತ್ತೀಜಿ. ದೋಷೋನು ತೋಜಾದ್ ಕೊರುಂಡ ಅವೆನ್ ಎಡ್ಡೆ ಮನಸ್ಸಡ್ ಆರ್ ಸ್ವೀಕಾರ ಮಲ್ಲೊಂದು ಇತ್ತೆರ್. ಇಟೆಲಿಡ್ ಇಂಚಿನ ಒರಿ ಕಲಾವಿದೆ ಆರೆಗ್ ತಿಕ್ಕಯೆ, ಆಯನ ಪುದರ್ ಕೊರಾದೊಕಾಲಿ, ಅಮೂರ್ತ ಕಲಾ ಪಂಡೊಡು ಆಯ್ಕೆ ಮಸ್ತ್ ಪುದರ್ ಪೋತಿನಾಯೆ. 'ಆಯೆ ಕಲಾವಿದೆ ಮಾತ್ರ ಅತ್ತ್, ಎಡ್ಡೆ ಕಲಾಚಿಂತಕೆಲಾ ಆದಿತ್ತೆ. ಹೆಬ್ಬಾರ್, ತನ್ನ ಕೆಲವು ಚಿತ್ತೊಲೆನ್ ಆಯಗ್ ತೋಜಾಯ, ಆಯೇ ಒವು ಸಹಜವಾಯಿನವು, ಒವು ಕೃತಕ ಪಂಡ್ದ್ ಜತ್ತ್ದ್ ಪಂಡೆ. ಕೆಲವು ಸರ್ತಿ ಕಲಾವಿದನ ಮನಸ್ಸಿಗ್ ಒರ್ಗಂದಿನ ಸಂಗತಿಯಾಂಡ ಶೈಲಿ ತೆಟ್ದ್ ಪೋಪುಂಡುಂದು ಹೆಬ್ಬಾರರ 'ದಂಪತಿ' ಚಿತ್ರದ ದೋಷೆಲೆನ್ ಪಂಡೆ, ತನ್ನ ದೌರ್ಬಲ್ಯೂಲೆನ್ ಈತ್ ಪೊರ್ಲುಡು ಏಲ್ಲಾ ಪಂತ್ಜೆರ್ಂದ್ ಹೆಬ್ಬಾರೆರೆಗ್ ಕುಸಿ ಆಂಡ್. ಸ್ವಂತಿಕೆನ್ ತೋಜಾವುನ ಛಲ ಇತ್ತಿನ ಕಲಾವಿದ ಇಂಚಿನ ಪಾತೆರ ಗಟ್ಟಿಯಾದ್ ಬುಲೆವರೆ ಸಾದಿ ತೋಜಾಂಡ್. ವಿಜ್ಞಾನ ಕ್ಷೇತ್ರೋಡು ಈತ್ ಮಾತ ಬದಲಾವಣೆ ಆವೊಂದು ಪೋನಗ ಕಲಾಕ್ಷೇತ್ರ ಪರ ಒರಿಯೆರೆ ಬಲ್ಲಿಂದ್ ಕಾಲಿ ಪಂಡೆಗೆ, ಭಾರತೀಯ ಕಲಾವಿದೆಲ್ಲಾ ತನುಕುಲೆನ ಮೂಲೊನು ತೆರಿಯೊಂದು ಅತ ಬಲೊಟು ಪೊಸಸೃಷ್ಟಿ ಮಲ್ನೋಡು; ಉಂದು ಭಾರತೀಯ, ಉಂದು ಚೀನೀ ಪನ್ನಿನ ಗುರುತು ಇತ್ತಿಲೆಕ್ಕನೇ ಪೊಸ ಆವಿಷ್ಕಾರ ಆವೊಡು'- ಉಂದು ಕಾಲಿನ ಪಾತರ, ಹೆಬ್ಬಾರೆರ್ ಆಯನ ಪಾತೆರೊನು ಗಟ್ಟಿ ಪತೊಂಡೆರ್. ಮನುಷ್ಯನ ಆಕಾರೊನು ವಿಕಾರ ರೀತಿಡ್ ಚಿತ್ರಿಸಾವುನ ರೀತಿನ್ ಹೆಬ್ಬಾರ್ ಮೆಚ್ದಿಜೆರ್, 'ವಿಕೃತಿಯೇ ಕಲೆ' ಇಂದ್ ತೋಜಾವುನ 'ನವ್ಯ' ಪ್ರಕಾರೊಡ್ಡು ಆ ದೂರನೇ ಉಂತಿಯ ಭಾರತದ ಸ್ವಾತಂತ್ರ್ಯ ಸಂಗ್ರಾಮ ಸುರುವಾಯಿನಿ ಬಂಗಾಲೊಡು-ಅಂಚೆನೇ ಕಲಾ ಸ್ವಾತಂತ್ರ್ಯದ ಚಳವಳಿ ಉಂಡಾಯಿನಿಲಾ ಬಂಗಾಲೊಡುಂದು ಹೆಬ್ಬಾರ್ ಬರೆತೆರ್. ನೆತ್ತ ಆದ್ಯ ಪ್ರವರ್ತಕೆ ಅವನೀಂದ್ರನಾಥ ಠಾಗೋರ್, ಅಯಿಡ್ ಬೊಕ್ಕ ಜೆಮಿನಿ ರಾಮ್ ಪನ್ನಿನಾರ್ ಪೊಸ ಶೈಲಿ ಸುರುಮ, ಆರ ಚಿತ್ರೋಲು, ಭಾರತದ -- 35 --
