ಮಾತ ಕೆಲಸೊಲೆಡ್ ನಮ್ಮ ಕಲಾ ಶಾಲೆಲೆನ ಪಾತ್ರ ಬಾರಿ ಮಹತ್ವವಾಯಿನವು. ಹೆಬ್ಬಾರೆಲ್ಲ ಈ ಅಭಿಪ್ರಾಯೊಲು ಪಾಶ್ಚಾತ್ಯ ಅನುಕರಣೆಲಾ ನಮ್ಮ ಮೂಲ ಸತ್ತೊನು ನಷ್ಟ ಮಲ್ಪುನ ಸಾಧ್ಯತೆ ಉಂಡು ಪನ್ನಿನ ಎಚ್ಚರಿಕೆನ್ ಕೊರ್ಪ. ಅಂಚೆನೇ ದೇಶೀಯ ಪರಂಪರೆನ್ ಪೊಸ ಮೌಲೊಗು ಸೇರಾವೊಂದು, ಅಭಿವ್ಯಕ್ತಿ ಸಾಮರ್ಥ್ಯನು ಪೊರ್ಲು ಮಲ್ಲೊನೊಡು ಪನ್ನಿನ ಉಪದೇಶಲಾ ಮೂಲು ತೋಜಿದ್ ಬರ್ಪುಂಡು, ಕಲೆ, ಪರಪುನ ನೀರಾದ್, ಒಂಜಿ ಅನಂತ ಪ್ರವಾಹೊನು ಸೃಷ್ಟಿ ಮಲ್ಲೊಡು ಪನ್ನಿನ ಹೆಬ್ಬಾರರ ಆಶಯ, ಆರ ಜೀವಮಾನದ ಕಾಲೊಡೇ ಪರಿಪೂರ್ಣ ಆಂಡ್ ಪನ್ನಿನೆಕ್ ದಾಲ ಸಂಶಯ ಇಜ್ಜಿ. ನೆಕ್ಕೊಂಜಿ ಉದಾರ್ಮೆ ಪಂಡ ಸ್ಪಿಟ್ಟರ್ಲ್ಯಾಂಡ್ ಬರ್ನ್ ಪಟ್ಟಣಡು ನಡತ್ತಿನ ಹೆಬ್ಬಾರರ ಪ್ರದರ್ಶನದ ಮಿತ್ಯದ ಪ್ರತಿಕ್ರಿಯೆ. ત્ર ಒರಿ ವಿಮರ್ಶೆಕೆ ಇಂಚ ಬರೆಯೆ 'ಪಾವುಲ್ ಗೋಗಾನ್ ಪನ್ನಿನ ಒರಿ ಫ್ರೆಂಚ್ ಚಿತ್ರಕಾರ, ಕರೀನ ಶತಮಾನೊಡು ತನ್ನ ಸಂಸ್ಕೃತಿನ್ ಮೆಚ್ಚಂದೆ ತಾಹಿತಿ ದ್ವೀಪದ ಒಂಜಿ ಸರಳ ಸಂಸ್ಕೃತಿನ್ ಮೆಳ್ಕೊಂಡೆ. ಅಲ್ಪನೇ ಚಿತ್ರೋಲೆನ್ ಬರೆಯೆ, ಯುರೋಪು ಅವೆನ್ ಪುಗರ್ಂಡ್, ಇತ್ತ ಮೂಲು ಒರಿ ಭಾರತೀಯ ಚಿತ್ರಕಾರೆ ತನ್ನ ಸಂಸ್ಕೃತಿನ್ ಅಲಕ್ಷ್ಯ ಮಲ್ಪಂದೆ, ಯುರೋಪು ಖಂಡದ ಸಂದರ್ಶೆನೊಗು ಬೈದೆ, ಬರ್ನ್ ಪಟ್ಟಣದ ದೋಬಿಯಶೋಫಸ್ಕಿ ಗೆಲರಿಡ್ ನಮ ತೂಪಿನ ಹೆಬ್ಬಾರರ ಚಿತ್ರೋಲು ಭಾರತ ದೇಶದ ಆತ್ಮನು ದೆರ್ತ್ತದ್ ತೋಜಾವ. ಗೋಗಾನ್ ಬೊಕ್ಕ ಹೆಬ್ಬಾರೆರೆಗ್ ಬಾರೀ ಮುಟ್ಟದ ಸಾಮೀಪ್ಯ ತೋಜುಂಡು. ಆಂಡ ಯುರೋಪಿಯನ್ ಶೈಲಿನ್ ಕಲ್ಗೊಂಡಿನ ಹೆಬ್ಬಾರ್ ಅಯಿಟಪ್ಪ ಭಾರತೀಯ ತತ್ತೂನು ಬೆರಸ್ದ್ ರಸಪಾಕ ಸೃಷ್ಟಿ ಮಲ್ಪೆರ್, ಭಾರತೀಯ ಜನಜೀವನೊನು ತೋಜಾವುನ ಆರ ಚಿತ್ರೋಲೆಡ್ ಮೌಲಿಕತೆ ಬೊಕ್ಕ ಘನತೆ ತೋಜುಂಡು, 'ಪಂಡಿತರು, ಜಾನುವಾರು ಜಾತ್ರೆ, ಗೌಳತಿಯರು, ಜೀವನೋಲ್ಲಾಸ, ಹರಿಜನ ನೃತ್ಯ'- ಈ ಚಿತ್ತೊಲೆಡ್ ಮಾತ ಮುಖಭಾವೊಲೆನ್ ಸ್ಪಷ್ಟವಾದ್ ರೇಖಾಬದ್ಧವಾದ್ ತೋಜಾದರ್. ಉಂದು ಚಿತ್ರಕಾರನ ಕಲಾಕೌಶಲ್ಯ ಬೊಕ್ಕ ಭಾರತದ ಆತ್ಮದರ್ಶನೊಗು ಎಡ್ಡೆ ಉದಾರ್ಮೆಲು'. 'ಡೆರ್ಬುಂಡ್' ಪತ್ರಿಕೆ ಇಂಚ ಬರೇಂಡ್- 'ಹೆಬ್ಬಾರ್ ನಿಜವಾಗ್ಲಾ ಆಧುನಿಕ ಚಿತ್ರಕಾರ. ಸೆಜಾನ್, ಗೊಗಾನ್ ಇಂಚಿನ ಸಮರ್ಥ ಕಲಾವಿದರ ರೇಖಾವಿನ್ಯಾಸ, ವರ್ಣಪ್ರಬಂಧ ಬೊಕ್ಕ ಮೃದುತ್ವ ಉಂದೆನ್ ಮಾತ ಪ್ರಭಾವಶಾಲಿ ರೀತಿಡ್ ಹೆಬ್ಬಾರ್ ಬಿಂಬಿಸಾದರ್, ಮೇರ್ ಅನುಕರಣೆ ಮಲ್ಪುನಾ ಅತ್ತ್. ತನ್ನ ದೇಶದ ಕಲೆತ ಅಂತರಾತ್ಮನು ಬೊಕ್ಕ ಪಾರಮಾರ್ಥಿಕ ಸತ್ಯನು ಪಾಶ್ಚಾತ್ಯ -- 34 --
