'ಭಾರತದ ಶಾಸ್ತ್ರೀಯ ನೃತ್ಯೋಲೆನ್ ತೂನಗ ಶರೀರದ ಕಲಾತ್ಮಕ ಚಲನೆದ ಮಿತ್ ಎನ್ನ ಗಮನ ಪೋಂಡು, ಲಯ ಬೊಕ್ಕ ಭಾವಸ್ಫೂರ್ತಿದ ಆಧಾರೊಡು ಎನ್ನ ಕೈಟ್ ತನ್ನಾತಿಗೇ ಚಲನೆ ತೋಜಿಂಡ್. ಈ ಕಾರ್ಯೊಡು ರೇಖಾಪ್ರವಾಹನೇ ಎನ್ನ ಮನಸ್ಸಿದ ಕೇಂದ್ರ ಬಿಂದು. ಗತಿ, ಲಯ ಇತ್ತಿನೆಡ್ಡಾತ್ರ ಈ ರೇಖೆಲೆಗ್ 'ಹಾಡುವ ರೇಖೆಗಳು ಪಂಡ್ದ್ ಪುದರ್ ದೀಯೆ'. વ 1974ನೇ ಇಸವಿಡ್ ಪ್ರಕಟವಾಯಿನ ಹೆಬ್ಬಾರರ 'ಕಲಾವಿದನ ಶೋಧ'-ಗ್ರಂಥಗು ಮುನ್ನಡಿ ಬರೆಯಿನ ವಿ.ಆರ್. ಅಂಬೇಡ್ಕರ್, ಕಲಾವಿದನ್ ಪುಗಾ ಪೊಸ ದರ್ಶನದ ರೀತಿನ್ ವರ್ಣನೆ ಮಲ್ಪೆರ್- 'ಈ ಗ್ರಂಥ ಆತ್ಮಕಥೆತ ರೂಪೊಡು ಇತ್ತ್ಂಡಲಾ ಕಲಾ ಯಾತ್ರೆದ ಸುಖ-ದುಃಖದ, ಸಿದ್ಧಿದ ನಿರೂಪಣೆನೇ ಮೂಲು ಉಪ್ಪುನು. ಹೆಬ್ಬಾರ್, ನಿತ್ಯ ಜೀವನದ ದೃಶ್ಯಲೆಗ್ ಜೀವ ಕೊರ್ಪೆರ್. ಆರ್ ಉಪಯೋಗ ಮಲ್ಪುನ ಸಂಕೇತೊಲು ಸಾಂಪ್ರದಾಯಿಕವಾಯಿನ ಅತ್ತ್. ಉಗ್ರವಾದೊಗು ಆರ ಬೆಂಬಲ ಇಜ್ಜಿ, ಅಪ್ಪಟ ಭಾರತೀಯ ಮುದ್ರೆ, ಹೆಬ್ಬಾರರ ಕೃತಿಕುಲು ಆರೆಲೆಕ್ಕನೇ ಸರಳ, ಸ್ವಾಭಾವಿಕ. ಆಡಂಬರ, ಅಬ್ಬರ ಉಂದು ಆರೆಗ್ ಸಂದುಜಿ. ಪ್ರತಿಕೃತಿದ ಅವಸ್ಥೆನ್ ದಾಟ್ ನಡತ್ತಿನ ಕಲಾವಿದೆ ಸತ್ಯನು ಅಮೂರ್ತವಾದ್ ಪ್ರಕಟ ಮಲ್ಪುನ ಎತ್ತರೊಗು ಮುಟುವೆರ್, ಸಮಕಾಲೀನ ಚಿತ್ರಕಲೆತ ಪೊಸತನೊಕು ಆರ್ ಏಪಲಾ ಸಿದ್ದ. ಅತ ಆವಿಷ್ಕಾರ, ಆರ ಕಲಾಸಿದ್ಧಿ ಭಾರತದ ಶಿಷ್ಟ ಬೊಕ್ಕ ಜಾನಪದ ಕಲೆತ ಸತ್ವದ ಮಿಲನ, ಬೊಕ್ಕ ಸಮಕಾಲೀನತೆ ಉಂದು ಸೇರೊಂದು ಪೊಸ ಸೃಷ್ಟಿ ಮೂಲು ನಡದ್ಂಡ್. ತರ್ಕಶುದ್ಧಿ, ಅಂಚೆನೇ ಸೌಂದರ್ಯ ದೃಷ್ಟಿದ ಸಂಗಮನೇ ಹೆಬ್ಬಾರ್ ಪನ್ನಿನ ಕಲಾವಿದೆ ನೆಕ್ ದಾಲ ಸಂಶಯ ಇಜ್ಜಿ ಈ ಬೂಕುಡು ಹೆಬ್ಬಾರೆರ ಬರಹಲಾ ಉಂಡು. ಕೆಲವು ಮುಖ್ಯ ಸಂಗತಿಲೆನ್ ಆ ಇಂಚ ಪನ್ನೆರ್- ಎನ್ನ ಕೃತಿಕುಲು ಎನ್ನವೇ ವೈಯಕ್ತಿಕ ಸೃಷ್ಟಿಯಾವೊಡು ಪಂಡ್ದ್ ಎನ್ನ ಆಸೆ ಇತ್ತ್ಂಡ್. ಒದ್ದೇ ರೂಢಿ ಸಂಪ್ರದಾಯೊಗು ಅಂಟಂದೆ ಸರಳವಾಯಿನ ಚಿತ್ರ ಬರೆಪಿನವು ಎನ್ನ ಉದ್ದೇಶ. ಎನ್ನ ಮಟ್ಟಗ್ ಪನ್ನಿನಾಂಡ ಭಿನ್ನ ಅನುಭವೊಲು ಭಿನ್ನ ರೀತಿಡ್ ಪ್ರಕಟ ಆವೊಂದು ಉಪ್ಪುವ, ಭಾವದ ಒತ್ತಡನೇ ಯಾನೇ ಚಿತ್ರ ಬರೆಯೆರೆ ಕಾರಣ. ಯಾನ್ ಅನುಕರಣೆ ಮಲ್ಪುವೆ ಪಂಡ್ದ್ ವಿಮರ್ಶೆಕರ್ ಪಂತಿನ ಉಂಡು. ಆಂಡ ಅಯಿಟ್ ಎಂಕ್ ಬೇಜಾ ಇಜ್ಜಿ. ಕಲಾಕೃತಿ ಒಬ್ಬೇ ಮುಖವಾಡದ ಮೂಲಕ ಪುಟ್ಟುನವು ಅತ್ತ್. ಎಂಕ್ ಆಧಾರ ಯಾನೇ, ಎನ್ನವು ಸ್ವಾಂತರಂಗದ ಅನ್ವೇಷಣೆ-ಅವು ಕೊನೊಯಿನ ಸಾದಿಡ್ ಯಾನ್ ದುಂಬೊತ್ತುವೆ' - 32 --
