ಆಧುನಿಕ ಕಲೆತ ಕೆಲವು ಲಕ್ಷಣೋಲು, ಭಾವನೆ ಪ್ರಕಟ ಮರೆ ಹೆಚ್ಚಿಗೆ ಸಮರ್ಥವಾಯಿನವು ಪಕ್ಷುನ ಕಾರಣಗಾತ್ರ ಆರ್ ಆಧುನಿಕ ಕಲಾತಂತ್ತೊಲೆಗ್ ಶರಣು ಪೋಯೆರ್. ವಿಚಾರೊಲೆನ್ ಅತಿ ರಂಜಿತ ಮಲ್ಪುನು, ಆಕಾರೊನು ವಿರೂಪ ಮಲ್ಪುನು, ಅರ್ಥಹೀನ ಇಂದ್ ಆರ ಅಭಿಪ್ರಾಯ. ಸರಳ ತಂತ್ರಲು ಪರಿಣಾಮಕಾರಿಯಾದುಪ್ಪುನಗ, ಕಲೆಟ್ ಇಂದ್ರಜಾಲೊನು ಉಪಯೋಗ ಮಲ್ಪುನ ಅಗತ್ಯ ದಾದ ಉಂಡು? ಉಂದು ಹೆಬ್ಬಾರರ ಪ್ರಶ್ನೆ. મ ಒರಿ ಕಲಾ ವಿಮರ್ಶಕೆ ಬರೆಯಿನ, ನಿಷ್ಪಕ್ಷಪಾತ ನಿರ್ಣಯೊಲು ಕಲಾವಿದೆ, ಬೊಕ್ಕಲಾತ್ ಬುಲೆಯೆರೆ ಸಹಾಯ್ ಆಂಡ್. ಹೆಬ್ಬಾರರ ರೇಖಾಚಿತ್ರ ಸಂಗ್ರಹೊಗು ಮುರಾಜ್ ಆನಂದ್ ಮುನ್ನುಡಿ ಬರೆತೆ. ಅವೆನ್ ಸಂಕ್ಷಿಪ್ತವಾದ್ ಇಂಚ ಪನೊಲಿ- 'ಹೆಬ್ಬಾರ್, ಒರಿ ಸಿದ್ದ ಕಲಾವಿದೆ. ಸಿದ್ಧಿದ ಹಂತೊಡು ವಿವಿಧ ಭಾವ ಪ್ರಕಟಣೆ ಬೊಕ್ಕ ಕೈಚಳಕ ರಡ್ಜ್ಲಾ ಸಮತೋಲ ಪಡೆಯಿನೆನ್ ನಮ ತೂವೊಲಿ. ಹೆಬ್ಬಾರರ ಚಿತ್ರೋಲೆಡ್ ಮೂಜಿ ಸ್ಪಷ್ಟ ಶೈಲಿ ತೋಜುಂಡು. ಒಂಜಿ ಸಹಜತೆ, ಉಂದೆನ್ ಅರ್ಥ ಮಲ್ಲೊನೆರೆ ವಾ ಟಿಪ್ಪಣಿದಲಾ ಅಗತ್ಯ ಇಜ್ಜಿ. 'ರಡ್ಡನೇ ವಿರತ ಚಿತ್ರೋಲೆಡ್ ರೇಖೆಲು ಪೊರೆಡ್ಡು ಲೆಕ್ಕ ತೋಜುಂಡು, ಕೆಲವು ಸರ್ತಿ ಜಾರೊಂದು, ವರ್ತುಲದ ನಡುಟು ನೂರೊಂದು, ಸಾದಿ ಮಲ್ಲೊಂದು, ಅಲ್ಪಮುಲ್ಪ ಚೆಲ್ಲಾಪಿಲ್ಲಿ ಆಯಿಲೆಕ್ಕ ಭಾಸ ಆಪುಂಡು, ಸರಿಯಾದ್ ತೂಪಿನಕ್ಲೆಗ್ ಒಂಜಿ ಅಪೂರ್ವ ಅನುಭವದ ಕ್ಷಣ, ಮಂಚಿದ ಸ್ಪರ್ಶೋನು ಉಂಡುಮುಂಡು'. 'ಮೂಜನೇ ಬಗೆತ ಚಿತ್ಲು ನನಲಾತ್ ವಕ್ರರೇಖೆಲೆನ್ ಕೂಡೊಂದು, ಭಾವನಾ ಪ್ರಧಾನವಾದ ಕುಸುರಿ ಕೆಲಸದ ಕೈಚಳಕೊಡು ಮನಸ್ಸಿಗ್ ಸಂತೋಷ ಕೊರುಂಡು. ಒವುಲಾ ಪೂರ್ವ ನಿರ್ಧಾರಿತ ಅಷ್ಟೊಂದ್ ಸ್ಪಷ್ಟ ಆಪುಂಡು. ಮೂಲು ಉಪ್ಪುನು ವಿಚಾರೊಲ್ಲ ವಿಕೇಂದ್ರೀಕರಣ, ನೀತಿಬೋಧೆ ಮುಖ್ಯ ವಿಷಯನೇ ಅತ್ ಹೆಬ್ಬಾರೆ ಸೃಷ್ಟಿ, ಕತ್ತಲೆನ್ ಕತ್ತೆರೊಂದು ಪೋಪಿನ ತೂತ ನಾಲಯಿದ ಲೆಕ್ಕ ಕೆಲವು ಸರ್ತಿ ಶಾಂತಭಾವಲಾ ಉಂಡು, ಸಾದಿಡ್ ತಿಕಿನಾಡ ಒಂತೆ ಪಾತೆರುನ ಸೌಜನ್ಯದ ಲೆಕ್ಕ. ಕೆಲವು ಸರ್ತಿ, ಕಲ್ಬುಲ್ಲುದ ತಾದಿಡ್ ದುಂಬೊತ್ತುನ ಪ್ರಯಾಣಿಕನ ಸಾಹಸ ತೋಜುಂಡು, ಉಂದು ಕಲಾವಿದನ ಅನ್ವೇಷಣಾ ದೃಷ್ಟಿ, ರೇಖೆಲೆಡ್ ಒಂಜಿ ರೀತಿದ ಲಯ (ನಿರ್ದಿಷ್ಟ ಗತಿ) ನಿರ್ಮಾಣ ಮಲ್ಪುನವೇ ಆರ ಕಲೆತ ಮೂಲ ಮಂತ್ರ. ಉಂದುವೇ ಬೂಕುಡು ಹೆಬ್ಬಾರ್ ತನ್ನ ಅಭಿಪ್ರಾಯೊನ್ಹಾ ಕೊರ್ತೆರ್- -- 31 --
