2 ರೇಖಾ ಬರಪೆ- 'ಎನ್ನ ಪಪ್ಪ ಬಾರೀ ಶಿಸ್ತ್ರದ ಮನುಷ್ಯ. ಸನ್ಯಾಸಿಲೆಕ್ಕ ತ್ಯಾಗದ ಬದ್ಕ್; ಆಸೆಲು ಬಾರೀ ಕಡಿಮೆ. ಪ್ರಗತಿಪರ ಚಿಂತನೆ ಇತ್ತ್ಂಡಲಾ ಗತಕಾಲೊಡೇ ಬದುಕುನಾರ್. ಅಕೇರಿಮುಟ್ಟಲಾ ಆರ ಬುದ್ಧಿ ಬಾರೀ ತೀಕ್ಷ್ಮವಾದ್ಂಡ್, ಕೃಶ ಶರೀರ, ದುಂಬುದ ಪೀಳಿಗೆಗ್ ಆರ್ ಮಾಮಲ್ಲ ಕಲಾಸಂಪತ್ತೆನ್ ಬುಡ್ಡು ಪೋತೆರ್'. ರೇಖಾ ಬರೆತಿನ ಲೇಖನದ ಈ ಬೂಕುಗು ಮುನ್ನುಡಿ ಬರೆತಿನ ನೀರಾ ದೇಸಾಯಿ ಇಂಚ ಪಣೆ- 'ಶಿಕ್ಷಣ ಬೊಕ್ಕ ನಗರೀಕರಣದ ಪ್ರಗತಿ ಆಯಿಲೆಕ್ಕನೇ ಅಮ್ಮೆ ಬೊಕ್ಕ ಮಗನ ನಡುತ ಸಾಮಾಜಿಕ ಗಡಿರೇಖೆಲು ಮಾಜೊಂದು ಬತ್ತಿನೆನ್ ಮುಲ್ಕ ಲೇಖನೊಲು ಪನ್ನ'-ಉಂದು ಸಂದೇಹ ದಾಂತಿನ ಪಾತೆರ. ಮಗೆ ರನ್ನ, ಕೆಮಿಕಲ್ ಇಂಜಿನಿಯರ್ ಶಿಕ್ಷಣ ಮುಗಿತಿದ್ ಅಮೇರಿಕದ ಲಾಸ್ಏಂಜಲೀಸ್ ಉನ್ನತ ಅಧ್ಯಯನ ಮಲ್ಲಿನಾಥ್, ಪಿರಪ್ಪ ಬೆಂಗಳೂರುಗು ಬತ್ತ್ದ್, ಮಧ್ಯೆ ಆದ್ ಅವೇ ಸುಖಸಂಸಾರ ಮಲ್ಲೊಂದು ಉಲ್ಲೆರ್. 3 ರಡ್ಡನೇ ಮಗಲ್ ರಜನಿ, ಸ್ನಾತಕೋತ್ತರ ಪದವೀಧರೆ. ಇಂಜಿನಿಯರ್ ಪ್ರಸನ್ನೆ ಆರ ಕಂಡನಿ, ಬೊಂಬಾಯಿಡೇ ಉದ್ಯೋಗ, ಜೆ.ಜೆ. ಕಲಾಶಾಲೆಡ್ ಪ್ರಾಧ್ಯಾಪಕ ವೃತ್ತಿ ಮಲ್ಲೊಂದುಪ್ಪುನ ರಜನಿ, ಕಲಾನಗರದ ಹೆಬ್ಬಾರರ ಸ್ಟುಡಿಯೋದ ಮಿತ್ತ್ ಇಲ್ಡ್ ಕಟ್ ಸುಖೋಟು ಸಂಸಾರ ಮಲ್ಲೊಂದು ಉಲ್ಲೆರ್. ಕಲೆತ ಇತಿಹಾಸ, ಆರ ಅಧ್ಯಾಪನದ ವಿಷಯ, ಮಗಲ್ ಬಾರಿ ಬುದ್ಧಿವಂತೆದಿ ಪಂಡ್ದ್ ಹೆಬ್ಬಾರೆರೆಗ್ ಹೆಮ್ಮೆ. ಮಾತೃಋಣ, ಮಾತೆಡ್ಸ್ ಹೆಚ್ಚಿನವು ಪಂಡ್ದ್ ಹೆಬ್ಬಾರ್ ಗೆನಿತಿನಾರ್, ಅಮ್ಮೆರ್ ಸೈತಿಬೊಕ್ಕ, ಕಷ್ಟೊಡು ಹೈಸ್ಕೂಲು ಶಿಕ್ಷಣ ಕೊರ್ಪಾಯಿನ ಈ ಅಪ್ಪೆ, ಬೊಂಬಾಯಿ ಮುಟ್ಟಲಾ ಬತ್ತ, ತನ್ನ ಕಷ್ಟ ಸುಖೋಟು ಭಾಗಿಯಾಯಿನೆನ್ ಹೆಬ್ಬಾರ್ ಮದತ್ಜೆರ್, 80 ವರ್ಸ ಬದ್ಕ್ದಿನ ಈ ಜೀವ, ಮನಸ್ಸದಾಂತಿ ಮನಸ್ಸಿಡ್, ಆಸ್ಪತ್ರೆಡ್ ಇಹಲೋಕದ ಯಾತ್ರೆನ್ ಮುಗಿತ್ಂಡ್. ಆ ಪೊರ್ತುಡು ಹೆಬ್ಬಾರ್ ಡಿಲ್ಲಿಡ್ ನಡಪುನ ತನ್ನ ಕಲಾಪ್ರದರ್ಶನೊಗು ಪೋದಿತ್ತೆರ್. ಸೈಪಿ ಕಾಲೊಡು ಅಪ್ಪೆನ ಕೈತಲ್ ತಾನ್ ಇಜ್ಜಾಂದೆ ಪೋಯೆನೇ, ಪಂಡ್ದ್ ಆರ್ ದುಕ್ಕಿಯೆರ್. 'ಅಪ್ಪನ ತ್ಯಾಗೊಡ್ಡ ಯಾನ್ ಕಲಾವಿದೆ ಆಯಿನಿ, ನನ ಎನನ್ ಪುಟ್ಟೂ ಇಂದ್ರ ಲೆಪ್ಪುನಕುಲು ಏ? ಅಮ್ಮಾ ಪಂಡ್ದ್ ಯಾನ್ ಏರೆನ್ ಲೆಪ್ಪೋಡು' ಇಂಚ ಹೆಬ್ಬಾರ್ ದಿನಚರಿಡ್ ತನ್ನ ದುಕ್ಕೊನು ಪಂಡೊಂದೆರ್. -- 28 -
