ಸಂಸಾರಿ-ಕಲಾ ವಿಹಾರಿ ಎಲ್ಯ ಪೊಣ್ಣು ಯಮುನೆ ಬೊಕ್ಕ ಕೃಷ್ಣ ಹೆಬ್ಬಾರರ ಮಧ್ಯೆ ನಡತ್ತಿನಿ ತಿರುಪತಿಡ್. ಪೊಣ್ಣುಪೋದು ಪೊಂಜೋವು ಆಯಿಬೊಕ್ಕ ಬೊಂಬಾಯಿಗ್ ಬತ್ತಿನ ಯಮುನೆ, ಸುಶೀಲಾ ಪುದರ್ ಪಡೆವೊಂದು, ಪುದರ್' ತಕ್ಕ ಗುಣನಡತೆಡ್ ಹೆಬ್ಬಾರ್ಗ್ ತಕ್ಕ ಬೊಡೆದಿ ಆದ್ ಸಂಸಾರ ಮಲ್ಲೆರ್. ಕೆಲವು ವರ್ಷ ಸಂತಾನಫಲ ಒದಗ್ ಬತ್ತ್ಜಿ. ಚಿಕಿತ್ಸೆ ಮಲ್ತಿಬೊಕ್ಕ 1947ನೇ ಇಸವಿಡ್ ಅಪರೂಪದ ಪೊಣ್ಣು ಬಾಲೆ ಪುಟುಂಡು. ಲೈಕ್ ರೇಖಾ ಪಂಡ್ದ್ ಪುದರ್ ದೀಯೆರ್, 1948ನೇ ಇಸವಿಡ್ ಆಣ್ ಬಾಲೆ ರನ್ನ, 1949ನೇ ವರ್ಸೊಡು ಕುಡೊಂಜಿ ಪೊಣ್ಣು ಬಾಲೆ ರಜನಿ-ಇಂಚ ಮೂಜಿ ಬಾಲೆಲು ಪುಟುದು ಕಲಾವಿದನ ಇಲ್ಲಿ ನಿಲ್ಲೆ ಬೊಲ್ಪು ದಿಂಜಾಯೆರ್. 3 ರೇಖಾ ಎಲ್ಲಿ ಪ್ರಾಯೊಡೇ ಕಲಾಸಕ್ತಿ ಇತ್ತಿನ ಬಾಲೆ. 'ಶಂಕರ್ ವೀಕ್ಷಿ' ಪತ್ರಿಕೆ ಪ್ರತಿವರ್ಸ ನಡಪುಡೊಂದು ಇತ್ತಿನ ಚಿತ್ರಕಲಾ ಸ್ಪರ್ಧೆಡ್ ಈ ಬಾಲೆಗೇ ಏಪಲಾ ಬಹುಮಾನ ತಿಕ್ಕೊಂದಿತ್ತ್ಂಡ್. ತನ್ನ ಮಗಲ್ ತನ್ನ ಅನುಕರಣೆ ಮಲ್ಪೆರೆ ಬಲ್ಲಿ ಪನ್ನಿನ ಅಭಿಪ್ರಾಯ ಇತ್ತಿನ ಹೆಬ್ಬಾರ್, ಈ ಬಾಲೆ ಸ್ವತಂತ್ರವಾದೇ ಬುಲೆವೊಡು ಪಂಡ್ದ್ ವಾ ಬಗೆತ ಪಾಠಲಾ ಮಲ್ತ್ಜೆ. ನಾಲ್ ವರ್ಸದ ಎಲ್ಯ ಪೊಣ್ಣು ತನ್ನ ಅಮ್ಮನ ಶರೀರೊನು ಬೆದ್ರ್ ಪುಂಡುಗು ಹೋಲಿಸಾನಗ, ಆ ಸೂಕ್ಷ್ಮದೃಷ್ಟಿದ ಉಲಯಿ ದೇಂಗ್ದಿನ ಕಲಾ ಪರಿಣತಿ ಅದ್ಭುತ ಪಂಡ್ದ್ ಹೆಬ್ಬಾರ್ ಅರ್ಥ ಮತ್ತೊಂಡರ್, ಉಂದೆನ್ ಬುಲೆಪಾವುನ ಸಾಧ್ಯತೆನ್ ಒದಗಿಸಾಾ ಕೊರಿಯೆರ್. ಕ್ರಮೇಣ ರೇಖಾ ಅಮೇರಿಕೊಗು ಪೋದು ಕಲಾಶಿಕ್ಷಣ ಪಡೆಯಿನತ್ತಾಂದೆ ಅವು ಪ್ರದರ್ಶನ ಕೊಬ್ಬಿನ ಸುಸಂದರ್ಭಲಾ ತಿಳ್ಕೊಂಡ್, ರೇಖಾನ ಕಲಾಪ್ರದರ್ಶನ ಆಸ್ಟ್ರೇಲಿಯೊಡು ನಡತ್ತಿನಪಗ ಕಲಾ ವಿಮರ್ಶೆಕರ್ ಅವೆನ್ ಮೆಚ್ಚೆರ್, ಜೋಕುಲೆನ ಮನಸ್ಸಿದ ಸೂಕ್ಷ್ಮತೆ-ಸಂವೇದನಾಶೀಲತೆ-ಉಂದು ಹೆಬ್ಬಾರರ ಮಿತ್ತಾ ಪ್ರಭಾವ ತೋಜಾದ್ಂಡ್ ಪನ್ನಿನೆಕ್ಟ್ ಸಂಶಯ ಇಜ್ಜಿ. ಕಲಾನಗರದ ಹೆಬ್ಬಾರೆ ಸ್ಟುಡಿಯೋಗು ಪೋಯೆರೆ ರಸ್ಟ್ ಅಂತರೊಡು ಮರತ ಮುಟ್ಟುಲು ಕಟ್ಕರ್. ಲೈಕ್ ಬರಿಟ್ ಪತ್ತೆರೆ ಆಧಾರದ ಕೋಲು ಇಜ್ಜಿ. ನೆಟ್ಟ ಖಂಡಿತಾ ಜೋಕುಲು ಬೂರ-ಪಂಡ್ದ್ ಮಸ್ತ್ ಜನ ಪಂಡೆರ್ಗೆ. ಆಂಡ ಒಂಜಿ ಬಾಲೆಲಾ ಲೈಡ್ಸ್ ಬೂರುಜಿಂದ್ ಹೆಬ್ಬಾರ್ ಪರ್, ದಾಯೆಪಂಡ ಜೋಕುಲೆಡ ಸ್ವಯಂ ಸ್ಫೂರ್ತಿ, ಸರ್ವತಂತ್ರ ಸ್ವತಂತ್ರ ಬುದ್ಧಿ, ಸೂಕ್ಷ್ಮತೆ-ಉಂದು ಮಾತ ಉಂಡು. ಹಿರಿಯೆರ್ ಜೋಕುಲೆಡ್ಸ್ ಈ ವಿಷಯ ಕಡುಂದು ಆರ ಅಭಿಪ್ರಾಯ. ಮಹಾಬಲೇಶ್ವರೊಡು ಉಪ್ಪುನಗ ಐನ್ ವರ್ಸದ ಬಾಲೆ ರೇಖಾ ಒಂಜಿ ಕುರುಡನ್ ತೂಯಲ್, ಆಯನ ಮಗಲ್ ಒಂಜಿ ಕೋಲುದ ಮುಖಾಂತರ ಆಯನ್ ಲೆತೊಂದು ಪೋಪಿನೆನ್ ತೂಯಿನ ಈ ಬಾಲೆ ಅಂಚೆನೇ ಚಿತ್ರ ಬುಡ್ರಾಯಲ್ ಕುರುಡನ ಮೋನೆಡ್ -- 26 --
