'ರೇಖಾ ಚಿತೊಲೆಡ್ ಅರ್ಥಾತೀತವಾಯಿನ ಪರಮಾರ್ಥ ತತ್ವದ ಧ್ವನಿ ಉಂಡು. ಆಕೃತಿಡ್ ಉಪ್ಪುನ ಸೌಂದರ್ಯದ ಉಲಯಿ ಗಾಢವಾಯಿನ ಅದೃಶ್ಯ ತತ್ವ ಉಂಡು' ವಿದೇಶೂಡು ತಾನ್ ಕಲ್ಲಿನ ವಾಸ್ತವವಾದ, ಅನುಕರಣಶೀಲ-ಮಾಧ್ಯಮೊಲೆನ್ ಹೆಬ್ಬಾರ್ ದೂರನೇ ದೀದ್ ತನ್ನ ಕೃತಿಡ್ ಕಾವ್ಯ ಶಕ್ತಿನ್ ದಿಂಜಾಯಿನತ್ತಂದೆ, ವಿಶ್ವದ ರಹಸ್ಯಲೆನ್ ತೆರಿವೊನೆರೆ ಪ್ರಯತ್ನ ಮಲ್ಲಿನಾ. ಕ್ಷಣತ ಒಂಜಿ ದೃಶ್ಯ ಆರ ಭಾವನೆಡ್ ಚಿರಕಾಲದ ಅನುಭೂತಿನ್ ಪಡೆವೊಂದು ಕುಂಚೊಗು ವಸ್ತು ಆತಿನ ಪ್ರಸಂಗಲಾ ಅನೇಕ. 1973ನೇ ಇಸವಿಡ್ ಹೆಬ್ಬಾರರ ಮನಸ್ಸಿಗ್ ಬೇಜಾರ್ ಆಪಿನ ಸಂಗತಿ ಬೊಂಬಾಯಿದ ಕಲಾ ಕೇಂದೊಡು ನಡತ್ಂಡ್, 20 ವರ್ಸೊಡ್ಡಿಂಚಿ ಹೆಬ್ಬಾರ್ ಈ ಕಲಾಕೇಂದ್ರದ ಅಧ್ಯಕ್ಷೆರಾದಿತ್ತೆರ್. ಕೆ.ಎಚ್. ಆರಾ, ಕಾರ್ಯದರ್ಶಿ. ಈ ಕಾರ್ಯದರ್ಶಿಗ್ ಕೆಲವು ಸರ್ತಿ ಅಧ್ಯಕ್ಷೆರೆನ್ ಕೇನಂದನೇ ನಿರ್ಣಯ ಗೆತೊನ್ನ ಪರಿಪಾಠ ಇತ್ತ್ಂಡ್. ಅಂಚೆನೇ 1973ನೇ ವರ್ಸ ನಡಪುನ ಪ್ರದರ್ಶನದ ತಾರೀಕ್ನ ಸಮಿತಿಡ ಕೇನಂದನೇ ಬದಲಿ ಮಲೆ, ಅತ್ತಾಂದ ನೆಡ್ ದುಂಬು ಒಪ್ಪಿಗೆ ಕೊರ್ತಿನ ಏತೋ ಸಂಗತಿಲೆನ್ ಅಲಕ್ಷ್ಯ ಮತ್ತೆ. ಈ ಸರ್ವಾಧಿಕಾರ ಸ್ವಭಾವ ಹೆಬ್ಬಾರೆರೆಗ್ ಇಷ್ಟ ಆಯಿಜಿ, ಆರ್ ಏರೆಡಲಾ ಲಡಾಯಿ ಮಲ್ಪುನಾರ್ ಅತ್ತ್. ಅಂಚಾದ್ ದಾಲ ಪಾತೆರಂದೆ ಅಧ್ಯಕ್ಷ ಪದವಿಗ್ ರಾಜಿನಾಮೆ ಕೊರಿಯೆರ್. (ಕೆಲವರ ಒತ್ತಾಯೊಗು ಬಗ್ಗದ್ ರಾಜಿನಾಮೆ ಪಿರಗೆತೊಂಡೆರ್ ಪನ್ನಿನವು ಬೇತೆ ವಿಷಯ) ಆಂಡಲಾ 'ಆರಾ' ಮಿತ್ತ್ ಆರೆಗ್ ಕೋಪ ಇತ್ತ್.ಜಿ. 1987ನೇ ಇಸವಿಡ್ 'ಆರಾ'ಗ್ ಲಲಿತಕಲಾ ಅಕಾಡೆಮಿದ ಫೆಲೋಶಿಪ್ ತಿಕ್ಕೆರೆ ಶಿಫಾರಸ್ ಮಲ್ಲಿನ ಹೆಬ್ಬಾರ್, ಆಯಗ್ ಗೌರವ ಸಮಾರಂಭಲಾ ಏರ್ಪಾಡ್ ಮಲೆ. ಆಂಡ 'ಆರಾ' ಕುಡಒರ ಸಮಿತಿನ್ ಕೇನಂದನೇ, ಪ್ರದರ್ಶನೊಡ್ಡು ದುಂಬೇ ಒಂಜಿ ಚಿತ್ರ ಮಾರ್ ಪೋಪಿಲೆಕ್ಕ ಮನೆಕ್ಟ್ ಹೆಬ್ಬಾರ್ ಆಕ್ಷೇಪ ಮಲೆರ್, ಕಲಾಕೇಂದ್ರಗು ರಾಜಿನಾಮೆ ಕೊಯ್ದು ಆಯನ ಸಹವಾಸ ಬುಡಿಯೆರ್. 0 ♡ 0 ಆಯಾ ದೇಶದ ಕಾಲ, ಸನ್ನಿವೇಶ ಬೊಕ್ಕ ಮಣ್ಣೆದ ಗುಣ, ಉಂದು ಕಲಾಮಾಧ್ಯಮದ ಮುಖ್ಯ ಸಂಗತಿಲು ಆವೊಡುಂದು ಹೆಬ್ಬಾರ್, ಕಲಾ ಸಂಘಟನೆದಂಚಿನ ಕೆಲಸಲಾ ಮಲೆರ್, ಆರೆಡ್ ದುಂಬು ನಮ್ಮ ದೇಶಿಡು ಆತ್ ಪ್ರಸಿದ್ಧವಾಯಿನ ಕಲಾಪರಿಸರ ಇಜ್ಜಾಂಡ್. ಭಾರತದ ಚಿತ್ರಕಲೆ ಪಂಡ, ಅರಮನದ ವಾಸ್ತುಶಿಲ್ಪ, ಪೌರಾಣಿಕ ದೇವತೆಲು, ವಿಗ್ರಹೊಲು, ಕುಸುರಿ ಕೆತ್ತನೆಲು-ನೆಕ್ ಸಂಬಂಧಪಟ್ಟಿದ್ ಇತ್ತಿನವು, ಆ ಪೊರ್ತುಡು ಹೆಬ್ಬಾರ್ ಚಿತ್ರ ಪ್ರಪಂಚೊಗು ಕಾರ್ ದೀಯೆ. ಪಶ್ಚಿಮದ ಪ್ರಭಾವೊನ್ಹಾ ತೂಯೆರ್. ತಾನೇ ಸಾದಿ ಮಲ್ಲೊಂದು ದುಂಬು ದುಂಬು ಪೋಯೆರ್. ಹೆಬ್ಬಾರ್ ಬುಲೆಯಿಲೆಕ್ಕನೇ ಮೂಲು ಕಲಾಶಾಲೆ, ಮ್ಯೂಸಿಯಂ, ಕಲಾಸಂಘ, ಪ್ರದರ್ಶನಾ ಗ್ಯಾಲರಿ, ಪತ್ರಿಕಾ ವಿಮರ್ಶೆ, ಬಹುಮಾನ ಯೋಜನೆ-ಇಂಚ ಕಲಾಪ್ರಪಂಚ ಶ್ರೀಮಂತಿಕೆನ್ ಪಡೇಂಡ್. -- 25 --
