ತನ್ನ ಅಪ್ಪೆ ಸೀತಮ್ಮನ ನೆನಪುಡು ಏಪಲಾ ಆರ ಕಣ್ಣಿದಿಂಜಿದ್ ಬರೊಂದಿತ್ತ್ಂಡ್. ಅಪ್ಪೆನ ಸ್ಮರಣೆಗ್ಂದ್ ಆರ ಮಲ್ಲ ಚಿತ್ರ ಬರೆದ್ ಕಲಾಮಾತೆನ ಚಿತ್ರದ ಬರಿಟೇ ಹೆಬ್ಬಾರ್ ದೀತೆರ್. ಆರ್ ಮಲ್ಲಿನ ಒಂಜೇ ಒಂಜಿ ಕಂಚಿದ ಮೂರ್ತಿ ಶಿಲ್ಪ ಪಂಡ ಆತ್ಮ ಅಪ್ಪೆನವು, ಅಪ್ಪೆನ ಅಂತಿಮ ಯಾತ್ರೆದ ಚಿತ್ರನುಲಾ ಹೆಬ್ಬಾರ್ ಬರೆತೆರ್. ಅವೆನ್ ತೂಯಿನಾಕ್ನ ಮನಸ್ಸೇ ಕರಗುಂಡು. ಉಂದು ಮಾತ ಕಲಾನಗರದ ಆರ ಇಲ್ಲಡ್ ಇತ್ತೆಲಾ ಭದ್ರವಾದ್ ಉಂಡು. ರಷ್ಟೊಡು ನಡತ್ತಿನ ಚಿತ್ರಕಲಾ ಪ್ರದರ್ಶನದ (1953) ಸಂದರ್ಭೋಡು ಸುಪ್ರೀಮ್ ಸೋವಿಯೆಟ್ ಅಧ್ಯಕ್ಷೆ ಮಾರ್ಶಲ್ ವೊರು ಶಿಲೊಫ್, ಹೆಬ್ಬಾರರೆನ್ ಅರಾದ್ ಪತ್ದ್ 'ಬಜೀ ಎಲು ಮಾತ್ರನಾ?' ಇಂದ್ ಕೇಂಡೆಗೆ, 'ಅಂಚಾಯಿನೆಡೇ ಯಾನ್ ಗಟ್ಟಿಯಾದುಲ್ಲೆ' ಪಂಡ್ದ್ ಹೆಬ್ಬಾರ್ ಉತ್ತರ ಕೊರಿಯೆರ್ಗೆ ಈ ಹಾಸ್ಯಪ್ರಜ್ಞೆ ಆಯಗ್ ಇಷ್ಟ ಆದ್, ಸುಮಾರ್ ರಡ್ ಗಂಟೆದ ಕಾಲ ಆರಡ ಚರ್ಚೆ ಮಲ್ಲೊಂದು ಕುಸೀಟೆ ಪೋಯೆಗೆ. Q 1949ನೇ ಇಸವಿಡ್ ಹೆಬ್ಬಾರ್ ದಿನಚರಿ ಬರೆಪಿನ ಅಭ್ಯಾಸ ದೀವೊಂದೆರ್. ಅಂಚಾಯಿನೆಡ್ ಆತ್ಮ ಬದ್ಕ್, ಕಲಾ ಸಾಧನೆಗ್, ದೇಶ-ವಿದೇಶದ ಪ್ರವಾಸೊಲೆಗ್ ಸಂಬಂಧ ಪಟ್ಟಿನ ಮಸ್ತ್ ಅಂಶೂಲೆನ್ ಅರ್ಥಮಲ್ಲೊನೆರೆ ಸಾಧ್ಯ ಆಪುಂಡು. ತನ್ನ ಚಿತ್ರ ಪ್ರದರ್ಶನದ ಕಾಲೊಡು ಕಲಾರಸಿಕರ ಪ್ರಶ್ನೆಲೆಗ್, ಸಂಶಯೊಲೆಗ್ ಸ್ವತಃ ಹೆಬ್ಬಾರ್ ಉತ್ತರ ಕೊರೊಂದು, ವಿವರಣೆ ಮಲ್ಲೊಂದು ಇತ್ತೆರ್. ಅರ್ಥ ಆಪುಜಿಂದ್ ಎಣ್ಣಿನಾಯಗ್ ಅಪಗ ಅರ್ಥ ಆವೊಂದು ಇತ್ತ್ಂಡ್, ಉಡುಪಿಡ್ ನಡತ್ತಿನ ಪ್ರದರ್ಶನದ ಪೊರ್ತುಡು (1953) ಎಡ್ಡೆ ವಿಮರ್ಶಕೆ ಆಯಿನ ಈಶ್ವರಯ್ಯ ಇಂಚ ಬರೆಯೆರ್-'ಹೆಬ್ಬಾರ್ ಒದ್ದೇ ತತ್ವದ ಮಕು ಅಂಟಂದಿನ, ಬದ್ಕ್ಡ್ ಆಸಕ್ತಿ ಇತ್ತಿನ ಮುಕ್ತ ಕಲಾವಿದೆ' 1980ನೇ ಇಸವಿಡ್ ಬೊಂಬಾಯಿದ ಜಹಾಂಗೀರ್ ಆರ್ಟ್ ಗ್ಯಾಲರಿಡ್ ನಡತ್ತಿನ ಹೆಬ್ಬಾರೆರೆನ ಚಿತ್ರ ಪ್ರದರ್ಶನ ತೂದು, ಆ ಅನುಭವ ವೈಶಾಲ್ಯೂನು ಮೆಚ್ಚಿದ್ ಕಲಾವಿಮರ್ಶಕೆ ಆಯಿನ ಜ್ಞಾನೇಶ್ವರ ನಾಡಕರ್ಣಿ ಇಂಚ ಪುಗರೆ- 'ಹೆಬ್ಬಾರರ್ ಸ್ವಕೀಯ ದರ್ಶನದ ಮೂಲಕ ತನ್ನನೇ ಭಾಷೆಡ್, ತನ್ನನೇ ಅರ್ಥೋನು, ರೇಖೆಡ್ ಬೊಕ್ಕ ಬಗ್ಗೂಡು ಮೂಡಿಸಾವುನ ಆಚಾರ ಶಕ್ತಿನ್ ಪಡೆಯಿನಾರ್' 1984ನೇ ಇಸವಿಡ್ ಪ. ಜರ್ಮನಿಡ್ ಹೆಬ್ಬಾರರ ಚಿತ್ರಕಲಾ ಪ್ರದರ್ಶನ ನಡತ್ಂಡ್. ಅವೆನ್ ತೂದು ಜರ್ಮನಿದ ಕಲಾವಿದ್ವಾಂಸ ಹರ್ಮನ್ ಇಂಚ ಬರೆಯೆ -- -- 24 -- I
