ಪಿದಯಿಡ್ಸ್ ಕನಪಿನ ಬೊಡ್ಡಿಂದ್ ವಿದ್ಯಾರ್ಥಿಲೆಡೇ ಒರಿಯೊರಿಯನ್ ಮಾಡೆಲ್ ಉಂತುಲೆಕ್ಕ ಪ್ರೇರೇಪಣೆ ಮಲ್ಲೆರ್ ಉಂದು ಅಕ್ಲೆಗ್ ಬಾರಿ ಇಷ್ಟ ಆಂಡ್. ದಾದಾಂಡಲಾ ಪೊಸತ್ ಉಂಡು ಮಲ್ನೋಡು ಪನ್ನಿನ ಸಾಹಸ ಆ ಶಿಷ್ಯರೆಡ್ ಉಂಡಾಂಡ್. ಕಲಾವಿಮರ್ಶೆ ವರ್ಗೊಡೇ ನಡಪುಲೆಕ್ಕ ಹೆಬ್ಬಾರ್ ಮಲ್ಲೆರ್. ನೆಡ್ಡಾತ್ರ ಅಕ್ಲೆಕ್ನ ದೋಷೋನು ತಿದ್ದೋನೆರೆ ಸಾಧ್ಯಲಾ ಆಂಡ್. ಈ ಪ್ರೀತಿನ್ ಆರ ವಿದ್ಯಾರ್ಥಿಲು ಮದತ್ತ್ಜೆ, ನನೊಂಜಿ ಧೈರ್ಯದ ಪ್ರಕರಣ ನಡತ್ತಿನೆನ್ ಆರ್ ನೆನಪು ಮಲ್ಲೊಂದು ಇತ್ತೆರ್. ರಡ್ಡನೇ ಮಹಾಯುದ್ಧದ ಸಮಯ (1943). ಅಪಗ ಪಡ್ಡಾಯಿ ಕಡಲ್ದ ಕೆಲವು ತೀರ ಪ್ರದೇಶೂಲೆಗ್ ನಾಗರಿಕೆರ್ ಪ್ರವೇಶ ಮಲ್ಪೆರೆ ಬಲ್ಲಿಂದ್ ಇತ್ತ್ಂಡ್, ಆಂಡ ಆಲಿಬಾಗ್ ಪನ್ನಿನ ಜಾಗೆಡ್ ಈ ಕಲಾವಿದನ ಕಣ್ಣೆ ರಂಗ್ ರಂಗ್ದ ಬಾನೊಗು ದಿಟ್ಟಿ ದೀಂಡ್, ಆ ಪೊರ್ತುಡು ದುಂಬು ದುಂಬು ಪೋಯಿನ ತರುಣ ಹೆಬ್ಬಾರೆರೆಗ್ ತಾನ್ ನಿಷೇಧಿತ ಪ್ರದೇಶೆಗು ಕಾರ್ ದೀಡ್ಡಿನ ಗೊತ್ತಾಯಿಜಿ. ಬ್ರಿಟಿಷ್ ಕರ್ನಲ್ ಒರಿ ಆರೆನ್ ಕೈದ್ ಮಲ್ತ್ದ್ ಸಿಪಾಯಿಲೆಗ್ ಒಪ್ಪಿಸಾಯೆ. 'ಯಾನೊರಿ ಕಲಾವಿದೆ, ಸಾದಿ ತತ್ತದ್ ಬತ್ತಿನಾಯೆ' ಪಂಡ್ದ್ ಏತ್ ನಡ್ಕೊಂಡಲಾ, ಆ ಸಿಪಾಯಿಲು 'ಗುಪ್ತಚಾರ ಇಂಚೆನೇ ವೇಷ ಪಗತೊಂದು ಬರ್ಪಿನಿ; ಪಾತೆರಂದೆ ಬಲ್ಲ' ಪಂಡ್ದ್ ಕೊನೆಯೆರ್. ಅಪಗ ಬ್ರಿಟಿಷ್ ಆಫೀಸರ್ ಒರಿ ಸನ್ನೆಡೇ ಸಿಪಾಯಿಲೆಡ 'ಮ್ಯಾಚಸ್ ಉಂಡಾ'ಪಂಡ್ದ್ ಕೇಂಡೆಗೆ ಕೂಡ ಹೆಬ್ಬಾರ್ ಗಟ್ಟಿಡ್ 'ಎನಡ ಉಂಡು, ಯಾನ್ ಕೊರ್ಪೆ' ಪಂಡೆರ್ಗೆ, ಆಯೆ ಕೈತಲ್ ಬತ್ತ್ದ್ ಕಡ್ಡಿ ಗೀರ್ನಗ ಹೆಬ್ಬಾರ್ 'ಸಾರ್, ಯಾನೊರಿ ಕಲಾವಿದೆ. ಜೆ.ಜೆ. ಕಲಾ ಶಾಲೆದ ಶಿಕ್ಷಕೆಗುಪ್ತಚಾರೆಂದ್ ತಪ್ಪು ತೆರಿವೊಂದು ಎನನ್ ಎರೆಸ್ಟ್ ಮಲ್ಲೆ' ಪಂಡೆರ್ಗೆ ಉಂದು ಸತ್ಯದ ಪಾತೆರಂದ್ ಪಿಂದೊನ್ನಿ ಬೊಕ್ಕ ಆರೆನ್ ಬುಡಿಯೆರ್ಗೆ, ಹಳ್ಳಿಡ್ ಬುಲೇದಿನ ತನಕ್ ಪ್ರಸಂಗಾವಧಾನ ಇತ್ತಿನೆಡ್ಡಾತ್ರ ಇಂಚ ರಕ್ಷಣೆ ಮಲ್ಲೊನೆರೆ ಸಾಧ್ಯ ಆಂಡ್ಂದ್ ಆರ್ ಪರ್. ವ್ಯಕ್ತಿ-ವ್ಯಕ್ತಿತ್ವ ಬೊಂಬಾಯಿದ ದಾದರ್ಡ್ ಒಂತೆ ಸಮಯ ಕೃಷ್ಣ ಹೆಬ್ಬಾರ್ ಸಂಸಾರ ಸಮೇತ ವಾಸ ಮಲ್ಲೊಂದು ಇತ್ತೆರ್. ರಾಜಕೀಯ ಪುಢಾರಿ ಎಸ್.ಕೆ. ಪಾಟೀಲರ ಸಹಾಯೊಡ್ಡು ಒಂಜಿ ಔಟ್ಹೌಸ್ ಆರೆಗ್ ತಿಕ್ದಿತ್ತ್ಂಡ್. ಆಂಡ ಒಂತೆ ಸಮಯೊಡ್ಡು ಬೊಕ್ಕ ಇಲ್ಲದ ಯಜಮಾನ್ತಿ ಆ ಇಲ್ಫನ್ ಬುಡೊಡು ಪಂಡಿಬೊಕ್ಕ ಮಿತ್ರೆ ಆಯಿನ ಶ್ಯಾಮರಾವ್ ವೇಲ್ಕರ್, ಮಹಾಬಲೇಶ್ವರದ ತನ್ನ ಇಲ್ಲಡ್ ಆರ್ ಉಂತುಲೆಕ್ಕ ವ್ಯವಸ್ಥೆ ಮಲ್ತ್ದ್ ಕೊರಿಯೆ, ಪತ್ತ್ ತಿಂಗೊಲು ಅವು ಕರಿತ್ತ್ದ್ ವೇಲ್ಕರ್ ಕಟ್ದ್ ಕೊರಿನ ಮಾಹಿಮ್ 'ಸನ್ಶೈನ್' ಕಟ್ಟಡೊಗು ಹೆಬ್ಬಾರ್ ಬತ್ತೆ, ಅವು ಎಲ್ಯ ಒಂಜಿ ♡ -- 22 -- }
