ಇಸವಿಡ್ ಹೈದರಾಬಾದ್ ನಡತ್ತಿನ ಕಾರ್ಯನಿರ್ವಾಹಕ ಸಭೆಟ್ ಅಕಾಡೆಮಿ ಫೆಲೋಶಿಪ್ಗ್ ಐನ್ ಜನನ್ ಗೆತೊನುನ ನಿರ್ಣಯ ಆಂಡ್. ಆಂಡ ಈ ಐನ್ ಜನಲಾ ಅಯೋಗೈರ್ಂದ್ ಹೆಬ್ಬಾರೆರೆಗ್ ಗೊತ್ತು ಇತ್ತ್ಂಡ್. ವಶೀಲಿಬಾಜಿ ನಡತ್ತಿನಲಾ ಆರ ಗಮನೊಗು ಬತ್ತ್ಂಡ್. ವರಿಷ್ಠ ಮಂಡಳಿದ ಅಧ್ಯಕ್ಷೆರಾದಿತ್ತಿನ ಆರ್ ಈ ಐನ್ ಪುದರ್ನ್ಲಾ ಗೆಪಾಡ್, ಮಗ ವರ್ಸ ಯೋಗ್ಯರೆನ್ ಆಯ್ಕೆ ಮಲ್ಲೆರ್. ಅರ್ಹತೆ ಇತ್ತಿನಕ್ಲೆಗ್ ಮಾತ್ರ ಪ್ರಶಸ್ತಿ ತಿಕ್ಕೊಡುಂದು ಆರ್ ಪೊಂರ್ಬಾಟ ಮಲ್ಲಿನಾ. ಸರಕಾರ ಕೊರ್ಪಿನ ಸ್ವಾತಂತ್ರ್ಯನು ಜಾಗ್ರತೆಡ್ ಉಪಯೋಗ ಮಲ್ನೋಡು ಸೇವಾಭಾವ ಮುಖ್ಯ. ಉಂದು ಹೆಬ್ಬಾರರ ಆದರ್ಶ. 6 ಕಲಾವಿದೆ, ತಾನೇ ಮಲ್ಲೆ ಇಂದ್ ಹೆಮ್ಮೆ ಪಡೆಯೆರೆ ಬಲ್ಲಿ. ಪ್ರಪಂಚದ ಸರಿಯಾಯಿನ ಜ್ಞಾನ ತಿಳ್ಕೊಡಾಂಡ ಬೇತೆಕ್ಲೆನ ಕೃತಿಕ್ಲೆನ್ಹಾ ತೂವೊಡು ಇಂಚ ಎಣ್ಣೆ ಹೆಬ್ಬಾರ್, ಕರ್ನಾಟಕ ರಾಜ್ಯ ಅಕಾಡೆಮಿದ ಆಶ್ರಯೊಡು ಅಖಿಲಭಾರತ ಕಲಾಪ್ರದರ್ಶನದ ಏರ್ಪಾಡ್ ಮಲ್ಲೆರ್. ಉಂದು ಪ್ರಥಮ ಪ್ರದರ್ಶನ; ಕಲಾವಿದೆ ತನನ್ ತಾನ್ ತಿದ್ದೊನೆರೆ, ಆತ್ಮನಿರೀಕ್ಷಣೆ ಮಲ್ಲೊನೆರೆ ಉಂದು ಸಹಾಯ ಆಂಡ್, ಯುವ ಕಲಾವಿದೆರೆಗ್ ಪ್ರೋತ್ಸಾಹಲಾ ತಿಳ್ಕೊಂಡ್. 'ಆನೆಯ ಮೇಲೆ ಹೋದವನ ಶ್ವಾನ ಕಚ್ಚಬಲ್ಲುದೆ ಅಯ್ಯ' ಉಂದು ಬಸವೇಶ್ವರ ವಚನದ ನುಡಿ. ಒಳ್ಳೇ ಅಡೆ-ತಡೆ, ವಿರೋಧ ಉಂದೆನ್ ಮಾತ ಅಲಿಪ್ತ ಭಾವೊಡು ಸ್ವೀಕಾರ ಮಲ್ತ್ದ್, ಹೆಬ್ಬಾರ್ ತನ್ನ ನಿಯತ್ ಬದ್ನೇ, ಎದುರು ದೀಯೆರ್, ಕೆಲವು ಸರ್ತಿ ಆರ ನಿಷ್ಟುರ ವರ್ತನೆ, ಸರಕಾರೀ ನಿಲೆಟ್ಲಾ ಅವಶ್ಯವಾದೇ ಇತ್ತಂಡ್. ಅಂಚಾದ್ ವಿರೋಧಿ ಪಾತೆರೊಲು ಆ ನೀತಿನ್ ಬದಲಿ ಮಲ್ಪುನ ಸಾಹಸೊಡು ಸೋತುದು ಪೋಯ ಕುರ್ಸಿದ ಘನತೆನ್ ಕಾಪುನ ಕಾಳಜಿ ಆರೆಗ್ ಇಡ್ಕೊಂಡತ್ತಾಂದೆ ಕುರ್ಸು ಕೊರಿನಾಯನ ದಾಸೆ ಆಪಿನ, ವ್ಯಕ್ತಿತೊನು ಮಾರುನ ಪ್ರವೃತ್ತಿ ಆರೆನವು ಅತ್ತ್. ಅಕಾಡೆಮಿದ ಅಧ್ಯಕ್ಷ ಪಟ್ರೊಡು ಉಪ್ಪುನಗಲಾ ಆರ್ ಸದಸ್ಯರ ಅಭಿಪ್ರಾಯೊಗೇ ಮನ್ನಣೆ ಕೊರ್ತಿನಾರ್. ತನ್ನ ಅಭಿಪ್ರಾಯೊನು ಸಮಿತಿದ ಎದುರುಡು ದೀದ್ ಬಹುಮತದ ನಿರ್ಣಯೊನು ಮಾತ್ರ ಆರ್ ಸ್ವೀಕಾರ ಮಲ್ಲಿನಾರ್, ಸಭೆ, ದೀರ್ಘಕಾಲ ನಡತ್ಂಡಲಾ, ಕಾರ್ಯಕಲಾಪೊಲು ಪೂರ್ಣ ಆವೊಡು. ಅವೆನ್ ಮುಂದುವರಿಸಾಯೆರೆ ಬಲ್ಲಿ ಪನ್ನಿನ ಕರ್ತವ್ಯ ನಿಷ್ಠೆಡ್ ನಡಪುಡೊಂದಿತ್ತೆರ್. ಜೆ.ಜೆ. ಕಲಾ ಶಾಲೆಡ್ ಶಿಕ್ಷಕೆ ಆದುಪ್ಪುನಗನೇ ಹೆಬ್ಬಾರೆರೆಡ ಧೈರ್ಯ ಬೊಕ್ಕ ಸ್ವತಂತ್ರ ಮನೋಭಾವ ಇತ್ತ್ಂಡ್. ಅಲ್ಕ ವಿದ್ಯಾರ್ಥಿಲು ಜೀವಂತ ಚಿತ್ರ ರಚನೆಗ್ ಪಿದಯಿಡ್ಸ್ ಮಾಡೆಲ್ ಉಪಯೋಗ ಮಲ್ಲೊಂದು ಇತ್ತೆರ್. ಹೆಬ್ಬಾರರ್ ಈ ಸಂದರ್ಭೋಡು -- 21 -- }
