ಅಜಿಪ್ಪ ವರ್ಸ ದಾಟ್ ಉಂತುನಗ, ತಾನೊರಿ ಸ್ವತಂತ್ರ ಪ್ರಾಮಾಣಿಕ ವ್ಯಕ್ತಿ, ಪನ್ನಿನ ಆತ್ಮಸಂತೃಪ್ತಿ ಉಂಡಾಂಡ್, ಬದ್ಕ್ಡ್ ಏತೋ ಕಷ್ಟ-ಸಂಕಷ್ಟಿಲು, ಅತೃಪ್ತಿ ವಿರೋಧೋಲು, ಅನ್ಯಾಯದ ಪ್ರಸಂಗೊಲು ಒದಗ್ದ್ ಬೈದ್ಂಡಲಾ ಆರ ಸ್ಥಿತಪ್ರಜ್ಞತೆ ಬೊಕ್ಕ ಸಮಾಧಾನ ಪ್ರವೃತ್ತಿ-ಆರೆನ್ ಕಾತೊಂದು ಬತ್ತಿನ ಮಲ್ಲ ಗುಣೋಕುಲು, ಎಲ್ಲ ವರ್ಸೊಗು ಮುಟ್ಟ ಆವೊಂದು ಬನ್ನಗ ಆರ ಕಾರ್ಯವೈಖರಿಗ್ ವಿಶ್ರಾಂತಿಯೇ ಕಲಾ ಶಿಕ್ಷಣದ ಶಿಷ್ಯವೇತನೊಗು ವಿದ್ಯಾರ್ಥಿಲೆನ ಆಯ್ಕೆ, ರಾಜ್ಯ ಕಲಾಪ್ರದರ್ಶನ ಉದ್ಘಾಟನೆ, ಲಲಿತಕಲಾ ಅಕಾಡೆಮಿದ ಅಖಿಲ ಭಾರತ ಕಲಾ ಪ್ರದರ್ಶನ, ಗೋವದ ಕಲಾ ಅಕಾಡೆಮಿ ಪರೀಕ್ಷಾ ಸಭೆ, 'ಪೂರ್ವಾವಲೋಕನ'ದ ಚಿತ್ರೋಲೆನ ಆಯ್ಕೆ, ಕನ್ನಡ ವಿದ್ಯಾರ್ಥಿಲೆಗ್ ಪರ ರಾಜ್ಯೋಲೆಡ್ ಅಭ್ಯಾಸ ಮಲ್ಪುಲೆಕ್ಕ ಶಿಷ್ಯವೇತನದ ಯೋಜನೆ, ಪ್ರಾಧ್ಯಪಕರ ಆಯ್ಕೆಗಾದ್ ಶಾಂತಿ ನಿಕೇತನೊಗು ಪ್ರಯಾಣ; 'ಹೌಸ್ ಆಫ್ ಸೋವಿಯೆಟ್ ಕಲ್ಟರ್'ಡ್ 'ಹಂಗೇರಿಯನ್ ಗ್ರಾಫಿಕ್ ಆರ್ಟ್' ಪ್ರದರ್ಶನದ ಉದ್ಘಾಟನೆ, ಕೇಂದ್ರ ಲಲಿತ ಕಲಾ ಅಕಾಡೆಮಿಗ್ ಪುನರ್ ಪ್ರವೇಶ, ಏಕಾಂಗ ಪ್ರದರ್ಶನದ ತಯಾರಿ-ಇಂಚ ಪತ್-ಪದಿನಾಜಿ ಕಾರ್ಯೊಲು ಆರ ಬೆರಿ ಬುಡಂದೆ, ಪ್ರಸಿದ್ಧಿ ಬೊಕ್ಕ ಕೀರ್ತಿ ರಡ್ಡೆನ್ಲಾ ಆತ್ಮ ಬೊಕ್ಕಸೊಗು ದಿಂಜಾಯ, ಅಪಗಪಗ ವಿದೇಶೂಲೆಗ್ ಪ್ರಯಾಣ ಮಲ್ತ್ದ್ ಅಲ್ಪ ಕಲಾ ಅಕಾಡೆಮಿ, ಸ್ಟುಡಿಯೋ ಪರಿಶೀಲನೆ ಮಲ್ಪುನ ಕೆಲಸೊಲ್ಲಾ ಕರ್ತವ್ಯ ದೃಷ್ಟಿಡ್ ಆರ್ ನಡಪುಡೆರ್. 1980ನೇ ಇಸವಿಡ್, ಬೊಂಬಾಯಿಡ್ ವಾರಪೂರ್ತಿ ಆರ ಚಿತ್ರಕಲಾ ಪ್ರದರ್ಶನ ನಡತ್ತಿನವು ಒಂಜಿ ದಾಖಲೆ ಆಂಡ್. ಯಶಸ್ವೀ ಪ್ರಯೋಗದ ದೃಷ್ಟಿಡ್ಲಾ ಅಯಿಕ್ ಮಹತ್ವ ಉಂಡು, ದಾಯೆಪಂಡ ಪೊಸ ಪೊಸ ಗಿರಾಕಿಲು ಅಪಗ ಬತ್ತ್ದ್ ಕಲಾಸ್ವಾದನೆ ಮನತ್ತಾಂದ ಖರೀದಿಲಾ ಮಲ್ತ್ದ್ ಕಲಾವಿದಗ್ ಪ್ರೋತ್ಸಾಹ ಕೊರಿಯೆರ್. J ಒರಿಸ್ಸಾ ರಾಜ್ಯೋಡು ಪಟ ಚಿತ್ರಕಲೆ ಪಂಡ ಅಗ್ಗದ ಮನರಂಜನೆದ ಮಾರ್ಕೆಟ್ ಸೊತ್ತು ಪನ್ನಿನ ಒಂಜಿ ಸಾಂಪ್ರದಾಯಿಕ ಭಾವನೆ ಇತ್ತ್ಂಡ್, ಹೆಬ್ಬಾರ್, ಕೇಂದ್ರ ಅಕಾಡೆಮಿ ಅಧ್ಯಕ್ಷೆರಾಯಿನ ಸಂದರ್ಭೋಡು ಈ ಪಟ ಚಿತ್ರಕಲೆನ್ ಅಭಿವೃದ್ಧಿ ಮತ್ತೊಡುಂದು ಆರ್ ಭುವನೇಶ್ವರೊಡು ಲಲಿತಕಲಾ ಅಕಾಡೆಮಿದ ಒಂಜಿ ಪ್ರಾದೇಶಿಕ ಕೇಂದ್ರ ಸ್ಥಾಪನೆ ಮಲ್ಪುನ ಕಾರ್ಯ ಸುರು ಮಲೆರ್, ತಾನೇ 'ವಿಶ್ವಚೈತನ್ಯ' ಪನ್ನಿನ ಚಿತ್ರ ಬರೇದ್ ಪ್ರಚಾರಲಾ ಮಲ್ಲೆರ್, ಲಲಿತ ಕಲಾ ಅಕಾಡೆಮಿದ ಅಧ್ಯಕ್ಷೆ ಆಯಿಬೊಕ್ಕ ದೇಶೆಡು ಒಬ್ಬನೇ ಕಲಾ ಸಂಬಂದಿಯಾಯಿನ ಕಾರ್ಯಕ್ರಮ ಇತ್ತಿನಾಂಡ ಹೆಬ್ಬಾರ್ ಪೋವೊಂದಿತ್ತೆರ್. ಈ ಪೊರ್ತುಡು ಗೋವದ ಕಲಾ ಕಾಲೇಜಿಗ್ ಶಂಕುಸ್ಥಾಪನೆ, ಅಹ್ಮದಾಬಾದ್ಡ್ ಪಿರಾಜಿ ಪನಾರ ಚಿತ್ರೋಲೆನ 'ಪೂರ್ವಾವಲೋಕನ, ಡಿಲ್ಲಿಡ್ -- 19 --
