6 ಉಂದುವೇ ಸಂತೋಸೊಡು ಆರ್ ತಾಂಕ್ದಿನ ಪುಚ್ಚೆ, ಆರ ಸ್ಟುಡಿಯೋಗು ಬತ್ತ್ದ್, ಬುಡ್ಡಾದ್ರಿನ ರೆಯಿನ್ಕೋಟುದ ಮಿತ್ತ್ ಮೂಜಿ ಕಿನ್ನಿ ದೀಂಡ್ಗೆ, ಉಂದೊಂಜಿ ಶುಭ ಗಳಿಗೆಂದ್ ಆರ್ ಬರೆತೆ, ಮಾನವ ಪ್ರೀತಿಡ್ಜ್ಲಾ ಮಲ್ಲೆ ತಾಂಕನದ ಪ್ರೀತಿ, ಮೂಕ ಮಮತೆ, ಕಲಾವಿದನ ಕೋಮಲ ಹೃದಯದ ಆವಿಷ್ಕಾರೊಗು ಸಾಕ್ಷಿಯಾಯಿನವು ಉಂದು ಮೆಡಿಕಲ್ ಕಾಲೇಜಿಗ್ ಆರ್ ಬರೆಯಿನ ಭಿತ್ತಿಚಿತ್ರ. ವೈದ್ಯಕೀಯ ಪ್ರಗತಿ, ವಿಜ್ಞಾನದ ಸಾಧನೆ-ಉಂದೆನ್ ಮಾತ ತೋಜಾವುನ ಇಡೆಟ್, ವಿಸ್ಫೋಟದ ನಡುಟು, ಪಚ್ಚೆದ ಇರೆಕುಲು ತೆಗುಲುನ ಒಂಜಿ ಆಶಾಭಾವೊನು ಆರ್ ಬುಡ್ಡಾದರ್. ಮನುಷ್ಯನ್, ಈ ಭೂಮಿನ್, ಅಲಕ್ಷ್ಯ ಮಲ್ತ್ದ್, ವಿಜ್ಞಾನ ಬುಲೆವೆರೆ ಸಾಧ್ಯ ಇಜ್ಜಿಂದ್ ನೆತ್ತ ಅರ್ಥ. ಆರ ಶ್ರೇಷ್ಠ ಕೃತಿಕ್ಡ್ ಉಂದುಲಾ ಒಂಜಿಂದ್ ಪನೊಲಿ. ಜಗತ್ಪಸಿದ್ಧ ಶಿಲ್ಪಿ ಮೈಕೆಲ್ ಏಂಜಲೋನ ಬಾರೀ ಮುಖ್ಯವಾಯಿನ ಒಂಜಿ ಪಾತೆರೊನು ಹೆಬ್ಬಾರ್ ಏಪಲಾ ನೆನೆಪು ಮಲ್ಲೊಂದು ಇತ್ತೆರ್, ಬಾಕಿದಕ್ಲೆಗ್ ಅವೆನ್ ಪನೊಂದುಲಾ ಇತ್ತೆರ್. ಅವು ಇಂಚ ಉಂಡು 'ವಿನಾ ಕಾರಣ ಅಪವಾದ ತುಂಬಾವುನ ಜನೊಕುಲೆಗ್ ನಮ್ಮ ಕೆಲಸ, ಬೊಕ್ಕ ನಮ್ಮ ಬದ್ಕ್ ಉಂದುವೇ ಉತ್ತರ....., ಸೈನಾಟಲಾ ನಮ ಕೆಲಸ ನಮ ಮತ್ತೊಂದೇ ಉಪ್ಪುನವು ನಮ್ಮ ಕರ್ತವ್ಯ.... ವಿನಾಶದ ಶಕ್ತಿಲೆಗ್ ನಮ್ಮ ಸೃಜನಶೀಲ ಮನಸ್ಸ ಏಪಲಾ ತರೆ ತಗ್ಗಾವರೆ ಬಲ್ಲಿ ಸ್ವಾಭಿಮಾನ ಬೊಕ್ಕ ಸ್ವಂತಿಕೆಗ್ ನೆಡ್ ಮಿತ್ತದ ವಿವರಣೆ ಬೊಡ್ಡಿ. ಶಿವರಾಮ ಕಾರಂತೆರ್ ಯಕ್ಷಗಾನೊಡು ಕೆಲವು ಪ್ರಯೋಗೊಲೆನ್ ಮಲ್ಪುನಗ ಬೊಂಬಾಯಿಡ್ ಆರೆಗ್ ಸಹಾಯ ಕೊರಿನ 'ಮಿತ್ರಕೂಟ' ಅಸ್ತಿತೊಗು ಬತ್ತ್ಂಡ್. ದಿ| ಮೂಡಬಿದಿರೆ ಸಂಜೀವ ರಾಯೆರ್, ವ್ಯಾಸರಾಯ ಬಲ್ಲಾಳೆರ್ ಸಕ್ರಿಯ ಕಾರ್ಯಕರ್ತೆರಾದಿತ್ತಿನ ಈ ಕೂಟದ ಅಧ್ಯಕ್ಷೆ ಕೃಷ್ಣ ಹೆಬ್ಬಾರ್. 'ಅಭಿಮನ್ಯು ವಧೆ ಬೊಕ್ಕ 'ಭೀಷ್ಮ ವಿಜಯ' ಈ ರಡ್ ಪ್ರಸಂಗದ ಯಕ್ಷಗಾನ ಬ್ಯಾಲೆ ಪ್ರದರ್ಶನ ಬೊಂಬಾಯಿಡ್ ನಡತ್ಂಡ್. ಪತ್ ವರ್ಸೊಡು ಬೊಕ್ಕ ಉಡುಪಿದ ಎಂ.ಜಿ.ಎಂ. ಕಾಲೇಜು ಪ್ರಾಂಗಣ್ಡು ಕಾರಂತರ ಯಕ್ಷಗಾನ ಬೊಕ್ಕ ಯಕ್ಷರಂಗ ಸ್ಥಾಪನೆ ಆವರೆ ಬೊಂಬಾಯಿದ 'ಮಿತ್ರಕೂಟ'ನೇ ಕಾರಣ. ಶಿವರಾಮ ಕಾರಂತೆರೆ ಲೆಕ್ಕನೇ ಹೆಬ್ಬಾರೆ ಬಾರಿ ಗೌರವ ಪ್ರೀತಿನ ವ್ಯಕ್ತಿ ಪಂಡ ಕವಿ ದ.ರಾ. ಬೇಂದ್ರೆ, ಈ ಕವಿನ ಪ್ರಣಯ ಕವಿತೆಲೆಗ್ ಅರ್ಥಪೂರ್ಣ ರೇಖಾಚಿತ್ರೋಲೆನ್ -- 17 --
