ન 1969ನೇ ವರ್ಷ. ಆಸ್ಟ್ರೇಲಿಯಾದ ಸಿಡ್ನಿಡ್ ಹೆಬ್ಬಾರರ 21 ಚಿತ್ರೋಲು ಪ್ರದರ್ಶನದ ಅವಕಾಶ ಪಡೆವೊಂಡ. ಈ ಕಲಾಯಾತ್ರೆಗ್ ಸಹಾಯ ಮಲ್ಲಿನಕುಲು ಮಿತ್ರೆರಾಯಿನ 'ಬೋಶ' ದಂಪತಿಲು, ಆಸ್ಟ್ರೇಲಿಯನ್' ಪತ್ರಿಕೆಡ್ ಕಲಾವಿದನ ಸಂದರ್ಶನ ಪ್ರಕಟ ಆಂಡ್. ಪ್ರಾಚ್ಯ ಬೊಕ್ಕ ಪಾಶ್ಚಾತ್ಯ ಸಂಸ್ಕೃತಿ ಸಮನ್ವಯದ ಸಿದ್ದಿ ಈ ಚಿತ್ತೊಲೆಡ್ ತೋಜಿದ್ ಬರ್ಪುಂಡುಂದು ಆ ಪತ್ರಿಕೆ ವರದಿ ಮಲ್ತ್ಂಡ್, ಹೆಬ್ಬಾರ್ ಪಂಡೆರ್- 'ಚಿತ್ರಕಲೆ ಬಜೀ ಬಣ್ಣದ ರಂಗೋಲಿ ಅತ್ತ್. ವಸ್ತು ಬೊಕ್ಕ ರೂಪ ಪರಸ್ಪರ ಸೇರೊಂದು ಒಂಜಿ ಆಪಿನವೇ ಕಲೆ. ಯಂತ್ರ ಯುಗದ ಮನುಷ್ಯ ಬದ್ಕ್ ಅಲಕ್ಷ್ಯ ಮಲ್ಪೆರೆ ಬಲ್ಲಿ, ಬದ್ಕ್ ಅಪಾರ ಅರ್ಥ ಉಂಡು. ಉಂದೆನ್ ನೆನೆಪು ಮಲ್ಕೊರ್ಪಿನವು ಕಲಾವಿದೆರೆನ ಕರ್ತವ್ಯ' ಉಂದುವೇ ಹೆಬ್ಬಾರೆನ್ನ ಬದ್ಕ್ದ ಯಶೋಗಾಥೆದ ಮೂಲ ತತ್ವ. 1984ನೇ ವರ್ಷ, ಪಶ್ಚಿಮ ಜರ್ಮನಿಡ್ ಭಾರತೀಯ ಸಂಸ್ಕೃತಿ ಉತ್ಸವ ನಡತ್ಂಡ್. ಹೆಬ್ಬಾರರ ಚಿತ್ರಕಲಾ ಪ್ರದರ್ಶನೊಗು ಅವು ಅವಕಾಶ ತಿಳ್ಕೊಂಡ್. ಆರ್ ಸೈಡ್ ಮುಖಾಂತರ ಕೆಲವು ಉಪನ್ಯಾಸಲಾ ಕೊರಿಯೆರ್. ಹೆಬ್ಬಾರರ ಚಿತ್ತೊಲೆಡ್ ಆಧ್ಯಾತ್ಮಿಕ ರಹಸ್ಯ ಉಂಡು. ಅವೆನ್ ಪ್ರಕಟ ಮಲ್ಪುನ ಕಾವ್ಯಶಕ್ತಿ ಉಂಡುಂದು ಅಲ್ಲ ವಿಮರ್ಶಕ ಬರೆಯೆರ್. ತೂಪಿನಾಯಗ್ ಚಿತ್ರ ಅರ್ಥ ಆವೊಡೇ ಪಂಡೇದ್ ಇಜ್ಜಿ, ಆಯೆ ಒಂಜಿ ನಿಮಿಷ ಅಯಿತ ಎದುರು ಉಂತಿಯೆಡ, ಆಯನ ಉಡಲ್ಗ್ ಸಂತೋಸದ ಅನುಭವ ಆಂಡ್ಂದ್ ಗೆನಿಪೊಡು. ಕಲಾವಿದಗ್ ಉಂದುವೇ ಮಲ್ಲ ತೃಪ್ತಿ.- ಉಂದು ಹೆಬ್ಬಾರರ ಅಭಿಪ್ರಾಯ. ಒರಿ ಜರ್ಮನ್ ವಿದ್ಯಾರ್ಥಿನಿ ಹೆಬ್ಬಾರೆಡ್ನ ಮಿತ್ ಸಂಶೋಧನೆ ಮಲ್ಲೊ ಮಹಾಪ್ರಬಂಧ ಬರೆತಲ್, ಉಂದು ರಡ್ಜ್ ಸಂಪುಟೊಡು ಪ್ರಕಟ ಆತ್ಂಡ್. ત્ર هب ಹೆಬ್ಬಾರೆ 'ಕಾರ್ಲಾಗುಹೆ' ಚಿತ್ರ ರಚನೆಡ್ ಬೊಕ್ಕ (1939) 'ಮಾಹಿಮ್ ದರ್ಗಾ' (1954) ಮುಟ್ಟ ಹಂತ ಹಂತವಾದ ಪ್ರಗತಿದ ಸಾದಿಡೇ ನಡತ್ತಿನಾರ್, ವಿಶಾಲವಾಯಿನ ವಿಶ್ವನೇ ಕಲಾವಿದನ ಚಿತ್ರ ಸೃಷ್ಟಿಗ್ ಪ್ರೇರಣೆ. ಯುನೆಸ್ಕೋದ ಸಮುದಾಯ ಶಿಕ್ಷಣ ತಜ್ಞೆ 'ಜಾನ್ ಬವರ್' ಹೆಬ್ಬಾರರ ಆಪ್ತ ಮಿತ್ರೆ. ಆರ್ ಈ ಪ್ರತಿಭಾವಂತನ್ ಮೈಸೂರುಗು ಲೆಪುಡಾದ್ ಮೈಸೂರು ವಿಶ್ವವಿದ್ಯಾನಿಲಯದ ಗ್ರಂಥಾಲಯ ಭವನೊಗು ರಡ್ ಮಲ್ಲ ತೈಲಚಿತ್ರ ಬರೆದ್ ಕೊರ್ಪಿಲೆಕ್ಕ ಮಲ್ಲೆರ್, 1970ನೇ ಇಸವಿಡ್ ಹೆಬ್ಬಾರ್, ಮೈಸೂರು ವಿಶ್ವವಿದ್ಯಾನಿಲಯೊಡ್ಡು ಗೌರವ ಡಾಕ್ಟರೇಟ್ ಪಡೆಯೆರ್. 1985ನೇ ಇಸವಿಡ್ ಕನ್ನಡ ವಿಶ್ವ ಸಮ್ಮೇಳನ ಮೈಸೂರುಡು ನಡತ್ತಿನ ಸಂದರ್ಭೋಡು 'ಕನ್ನಡ ರಾಜ್ಯೋತ್ಸವದ ವಿಶೇಷ ಪ್ರಶಸ್ತಿಲಾ ಆರ ಪಾಲ್ಗ್ ಬತ್ತ್ಂಡ್, ಜಯಚಾಮರಾಜೇಂದ್ರ ಟೆಕ್ನಿಕಲ್ ಇನ್ಸ್ಟಿಟ್ಯೂಟ್-ಉಂದೆನ್ ಒಂಜಿ ಕಲಾಶಾಲೆ ಆದ್ -- 15 --
