ಮಲ್ಲುಜೆರ್-ಪನ್ನಿನ ಬೇಜಾರ್ದ ಪಾತೆರ ಆರ್ ಪಡೊಂದಿತ್ತೆರ್. ಆರ್ ಪ್ರವೇಶ ಪಡೆಯಿನ ಪ್ಯಾರಿಸ್ ಅಕಾಡೆಮಿ ಜುಲಿಯೆನ್ ಒಂಜಿ ಮುಕ್ತ ವಿದ್ಯಾಪೀಠದ ಲೆಕ್ಕ ವಿದ್ಯಾರ್ಥಿಲೆಗ್ ಸಂಪೂರ್ಣ ಸ್ವಾತಂತ್ರ್ಯ ಕೊರಿನ ಸೃಜನ ಕೇಂದ್ರ. ಅವು ಗುರು ಶಿಷ್ಯ ಸಂಬಂಧ ಪಂಡ, ರಡ್ಸ್ ಇಷ್ಟೆರೆನ ಸ್ನೇಹ ಸಂಬಂಧ ಮೂಲು ಹೆಬ್ಬಾರ್ ಮಸ್ತ್ ಕಲ್ಲೊಂಡೆರ್, ಕಾಲ ಕಾಲೊಗು ಕಲಾ ವೈವಿಧ್ಯ ಬದಲಿ ಆಪಿನವು ಪ್ಯಾರಿಸ್ ವಿಚಿತ್ರ ಗುಣ. ಆಂಡ ಆರ್ ತನ್ನ ದೇಶೀ ಗುಣೋನು ಬುಡಂದೆನೇ ಬುಲೆಯೆರ್, ಪ್ರಸಿದ್ಧ ಕಲಾವಿದೆ ರುವಾ, ಹೆಬ್ಬಾರರ 'ಜಾನುವಾರು ಜಾತ್ರೆ' ಚಿತ್ರನು ತೂದು ಬಾರೀ ಮೆಚ್ಚಿದ್ ಕೇಂಡೆರ್ಗೆ ಈ ಇಡೆ ದಾಯೆ ಬತ್ತಪ್ಪಾ, ಮೂಲು ಈ ಕಲ್ಪುನಂಚಿನ ದಾದ ಉಂಡು?' ಪ್ರಪಂಚದ ಪ್ರತಿಯೊಂಜಿ ಜಾಗೆಡ್ರಾ ಕಲ್ಪುನಂಚಿನ ಸಂಗತಿಲು ಮಸ್ತ್ ಉಂಡು, ಕಲೆ, ಒಂಜಿ ಪ್ರವಾಹ, ಅಯಿತ ಗತಿ ನಿರಂತರ. ಈ ಅಭಿಪ್ರಾಯೊನು ದೀವೊಂದು ಹೆಬ್ಬಾರ್ ತನ್ನ ಭಾವಕ್ಷೇತ್ರನು ವಿಸ್ತಾರ ಮತ್ತೊಂಡೆರ್. ಪ್ಯಾರಿಸ್ಡ್ ಆತ್ಮ ಕಲಾ ಪ್ರದರ್ಶನಲಾ ನಡತ್ಂಡ್, ಕಲಾ ವಿಮರ್ಶಕೆರ್ ಅವೆನ್ ಮೆಚ್ಚುನ ಇಡೆಟ್ ಕೆಲವು ಸಲಹೆಲಾ ಕೊಯ್ದು ಅನುಕರಣೆಡ್ ದೂರನೇ ಉಂತುಲೆಕ್ಕ ಪ್ರಚೋದನೆ ಮಲ್ಲೆರ್, ಪ್ಯಾರಿಸ್ ಭಾರತೀಯ ಕಾದಂಬರಿಕಾರ ರಾಜಾ ರಾಯ ತಿಕ್ಕೆರ್, ಆರ ಒಟ್ಟುಡು ನಡತಿನ ಚರ್ಚೆಲು ಹೆಚ್ಚಾದ್ ಕಲೆಗ್ ಸಂಬಂಧಪಟ್ಟಿನವು. ಪ್ಯಾರಿಸ್ ದೂತಾವಾಸೊಡು (ರಾಯಭಾರಿ ಕಚೇರಿ) ಹೆಬ್ಬಾರ್ ಬರೆಯಿನ ಭಿತ್ತಿಚಿತ್ತೊಗು ಸ್ಥಾನ ತಿಳ್ಕೊಂಡ್. ಕಲಾವಿದಗ್ ತೃಪ್ತಿ ಆಂಡ್. ಪಿಕಾಸೊ ಮಾತ್ರ ಮನಸ್ಡ್ ಮಾಜಿದ್ ಪೋಯಿಜೆ, 'ಕಲೆ' ಪಂಡ ಒಂಜಿ ಸಂಕೇತ. ಇತ್ತಿನನ್ ಇತ್ತಿಲೆಕ್ಕನೇ ಪನ್ನಿನಾಂಡ ಅವು ಕಲೆ ಆವಂದ್. ಇಂಚಂದ್ ತೋಜಾದ್ ಕೊರಿನ ಪಿಕಾಸೋ 'ಮಹಾಗುರು'- ಇಂದ್ದ್ ಹೆಬ್ಬಾರ್ ಗೌರವ ಸಂದಾದರ್, 'ರ್ನಿಕಾ'- ಉಂದು ಪಿಕಾಸೋನ ಶ್ರೇಷ್ಠ ಕೃತಿ. ಯುದ್ಧದ ಪೊರ್ತುಡು ನಾಝೀ ಸೈನಿಕರ್ ಈ ಚಿತ್ತೋನು ತೂದು ಕೋಪೊಡು ಕೇಂಡೆರ್ಗೆ-'ಉಂದು ಏರ್ ಮಲ್ಲಿನಿ?' ಪಿಕಾಸೋ ಶಾಂತ ರೀತಿಡೇ ಉತ್ತರ ಕೊರಿಯೆಗೆ ನಿಕುಲು'. 'ರ್ನಿಕಾ'- ಅತ್ಯಾಚಾರೊನು ಬಿಂಬಿಸಾವುನ ಚಿತ್ರ! ಬಣ್ಣದ ಬದ್ಕ್ 'ಬಾಂಬೆ ಆರ್ಟ್ಸ್ ಸೊಸೈಟಿ'ದ ಸದಸ್ಯೆರಾದ್ ಉಪ್ಪುನಗ ಕೃಷ್ಣ ಹೆಬ್ಬಾರ್ ಸಕ್ರಿಯವಾದ್ ಬೆಂದ, 'ಮನೆಪಾಠ'- ಇತ್ತ್ಂಡ್. ಅಯಿಟಪ್ಪ ಆರ ಚಿತ್ತೊಲೆಗ್ ಮಸ್ತ್ ಬೇಡಿಕೆಲಾ ಒದಗ್ ಬತ್ತ್ಂಡ್. 1953ನೇ ಇಸವಿಡ್ ಡಿಲ್ಲಿಡ್ ಆರ ಚಿತ್ರ ಪ್ರದರ್ಶನ ನಡೆತ್ತಿಬೊಕ್ಕ, ಆರ್ 'ಜಾಗೃತಿ' ಪನ್ನಿನ ಒಂಜಿ ಪೊರ್ಲುದ ಸಾಂಕೇತಿಕ ಚಿತ್ರ ಬರೆಯೆರ್. ಉಂದೆನ್ ದಾಯೆ ಮೂಲು ಉಲ್ಲೇಖ ಮಲ್ನೋಡು ಪಂಡ, ಅಯಿತ ಸಾಂಕೇತಿಕ ಅಭಿವ್ಯಕ್ತಿಯೇ ಆ ಅದ್ಭುತ ಕಂಟೆಲೆನ್ ಉದ್ದ ಮತ್ತೊಂದು ಕೆಲೆಪುನ ಕೋರಿ, -- 12 --
