ಸ್ವಾಭಿಮಾನಿ ಹೆಬ್ಬಾರ್ ಅಲ್ವಿಡ್ ಪಿದಯಿ ಬತ್ತೆರ್. ಆಂಡ ಬದ್ಕ್ಗ್ ದಾದ ಸಾದಿ? ಖಾಸಗಿ ಪಾಠನೇ ಗತೀಂಡ್ ಎಣ್ಣೆದ್ ಅವೆನ್ ಪತ್ತೆರ್, ಚಿತ್ರ ಬರೆದ್ ಸ್ಪರ್ಧೆಲೆಗ್ ಕಡಪುಡಿಯೆರ್. ಅಯಿಟ್ ತಿಕಿನ ಬಹುಮಾನದ ಮೊತ್ತ ಸಂಸಾರದ ಕರ್ಚಿಗ್ಂದ್ ದೃಢಸಂಕಲ್ಪ ಮತ್ತೊಂಡೆರ್, ಆರ ಚಿತ್ರೋಲು ಇನಾಮು ಮಾತ್ರ ಪಡೆಯಿನ, ಕಲಾವಿದಗ್ ಕೀರ್ತಿ, ಪ್ರಸಿದ್ದಿ ರಡ್ಲಾ ನಾಡೊಂದು ಬತ್ತಿಲೆಕ್ಕ ಸೇರೊಂದು, ಉಡುಪಿದ ಬಡ ಹುಡುಗನ ಭವಿಷ್ಯಡು ಆಶಾವಾದದ ಬೊಲ್ಪು ತೋಜಿಂಡ್. ಹೆಬ್ಬಾರರ 'ಜಾನುವಾರು ಜಾತ್ರೆ' (Cattle mart) ಪೆನ್ನಿನ ಕಲಾಕೃತಿ ವಿದೇಶಿಡುಲಾ ಪ್ರಸಿದ್ಧಿ. ಪಡೇಂಡ್. 1945ನೇ ಇಸವಿಡ್ ಬಾಂಬೇ ಆರ್ಟ್ ಸೊಸೈಟಿಡ್ ಆರ ಪ್ರಥಮ ಏಕವ್ಯಕ್ತಿ ಕಲಾ ಪ್ರದರ್ಶನ ನಡತ್ತಿನ ಸಂದರ್ಭೋಡು 22 ಚಿಲು ಮಾರ್ ಪೋಯಿನಪಗ ಹೆಬ್ಬಾರರ ಆತ್ಮವಿಶ್ವಾಸೊಗು ನನಲಾತ್ ಬಲತಿಕ್ಕಿಲೆಕ್ಕಾಂಡ್. ಮುಖ್ಯವಾದ್ ದೇಶೀಯ ಸಂಸ್ಕೃತಿದ ಪೂರ್ಣಜ್ಞಾನ ಪಡೆಪಿನ ಆಸೆಡ್ ಇಡೀ ದೇಶ ಸಂಚಾರ ಮಲ್ತಿನ ಹೆಬ್ಬಾರ್, ತನ್ನನೇ ದೃಷ್ಟಿಡ್ ಅಯಿಕೊಂಜಿ ಅರ್ಥ ಕೊರು ಚಿತ್ರೋಲೆನ್ ಬರೆಯೆರ್. 'ವೈವಿಸ್ಕೊಡು ಏಕತೆ' ತೊಜಾವುನ ಒಂಜಿ ವಿಶಿಷ್ಟ ಸಂಸ್ಕೃತಿ ಉಪ್ಪುನು ಭಾರತೊಡು ಮಾತ್ರ ಪಂಡ್ದ್ ತೆರಿಯೊನ್ನ ಹೆಬ್ಬಾರ್, ತನ್ನ ಕಲಾಕೃತಿಕದ ಮಾಧ್ಯಮೊಡು ಅವೆನ್ ತೋಜಾದ್ ಕೊರಿಯೆರ್. ಬಹುಶಃ ದೇಶ ಸಂಚಾರ ಮಲ್ತ್ದ್ ಚಿತ್ರಕಲೆಕ್ ಪೊಸ ಪೊಸತ್ ಆಯಾಮೊಲೆನ್ ಕೊರಿನಾಕ್ಡ್ ಹೆಬ್ಬಾರ್ ಪ್ರಥಮ ವ್ಯಕ್ತಿಂದ್ ಪನೊಲಿ. 'ಕಲೆ ಮೂಡುನು ಏರಲಾ ಆಜ್ಞಾನುವರ್ತಿಯಾದ್ ಅತ್' ಪನ್ನಿನ ಸ್ವತಂತ್ರ ದೃಷ್ಟಿ-ಸೃಷ್ಟಿ ಇತ್ತಿನ ಹೆಬ್ಬಾರರ ಸುರೂತ ಚಿತ್ತೊಲೆದ ಮಿತ್ತೆ ಮಾತ್ರ 'ಅಮೃತಾ ಶೇರ್ಗಿಲ್'ನ ಪ್ರಭಾವ ಇತ್ತ್ಂಡಲಾ ಕ್ರಮೇಣ ಆ ವರ್ತುಲೊಡ್ಡು ಆರ್ ಪಿದಯಿ ಬತ್ತ ಮಾನವ ಕೇಂದ್ರಿತ ವಸ್ತುಲೆನ್ ಆಯ್ಕೆ ಮಲ್ಗೊಂಡೆರ್. ಬಡ ಕಾರ್ಮಿಕ ಪೊಂಜೇವುಲೆನ ದಣಿಕೆ, ಬೇನೆ ಬೆಸರ್-ನೆಕ್ಕಾತ್ರ ಕರಗಿಯೆರ್. 0 10 'ಎಡ್ಡ ಶಿಕ್ಷಕೆ, ಎಡ್ಡೆ ಕಲಾವಿದೆಲಾ ಆಪಿನಿ ಬಾರಿ ಅಪರೂಪ. ಆಂಡ ಹೆಬ್ಬಾರ್ ಒಂಜಿ ಸಮನ್ವಯ ವ್ಯಕ್ತಿ, ಎನ್ನ ಶಿಷ್ಯ ಪನ್ನಿನ ಅಭಿಮಾನಲಾ ಎಂಕ್ ಉಂಡು' ಇಂಚ ಪುಗಾರಿನಾರ್ ಆತ್ಮ ಕಲಾ ಗುರುವಾಯಿನ 'ಚಾರ್ಲ್ಸ್ ಜೆರಾರ್ಡ್', ನೂತನ ಕಲಾಮಂದಿರದ ಗುರು ದಂಡಾವತಿ ಮಠ ಮೇರ್ಲಾ ಕಾಕಜಿ ಬರೆವೊಂದು, ಆಶೀರ್ವಾದ ಮಲ್ಲೊಂದು ಇತ್ತೆರ್. ಹೆಬ್ಬಾರ್, ತಾನ್ ಬರೆಯಿನ ಚಿತ್ರೋಲೆದ ಆಧಾರೊಡು ಒಂಜಿ ಬೂಕು ಬರವೊಡುಂದು ದಂಡಾವತಿ ಮಠ ಕೇಂಡಿಲೆಕ್ಕನೇ ಆ ಕೆಲಸೊನ್ಹಾ ಹೆಬ್ಬಾರ್ ಮಲ್ಸ್ದೆ. ಆ ಬೂಕುದ ಪುದರ್ ಕಲಾವಿದನ 'ಶೋಧ', ಪೊಸತ್ಯಗ್ ಕಾರ್ದೀನಗ ಪರಂಪರೆನ್ಲಾ ಕಟೊಂದು ಸಮಕಾಲೀನ ಪ್ರಪಂಚದ ದರ್ಶನ ಮತ್ತೊಂದು ಬತ್ತಿನ ಹೆಬ್ಬಾರ್ ವಾ ಮಾರ್ಗದ ಅನುಯಾಯಿಲಾ ಆವಂದೆ ಸ್ವಂತಿಕೆನ್ ಮೆರೆಪಾಯಿನಾರ್. -- 10 --
