ಕಲ್ಪಾವೆರೆಗ್ ಸಾಧ್ಯ ಆವಂದ್ ಪಂಡ್ದ್ ಎನ್ನಿನ ದೊಡ್ಡಣ್ಣೆರ್ ಸರಕಾರ ಕೊಸ್ಸಿನ ಕಾಸ್ಗ್ ಸರಿಯಾದ್ ಚಾಕರಿ ಮಲ್ಲೊಡು ಪನ್ನಿನ ಧೈಯೊಡು, ತನ್ನ ಮಾತ್ರೆ ಕೆಲಸೊಗೇ ರಾಜೀನಾಮೆ ಕೊರುದು ಬುಡಿಯರ್, ಉಂದೊಂಜಿ ಇತ್ತೆದ ಈ ಕಾಲೊಡು ಸಾರಗಟ್ಟಲೆ ಸಂಬಳ ದೆತೊಂದು ಶಾಲೆ, ಜೋಕ್ಲಿನ್ ಮದತ್ತ ತನ್ನ ಗಂಟ್ ಪೊಸ್ಕೆನ್ ಬೇತೆ ಕೆಲವೊಂಜಿ ಗುಟ್ಟುದ ಬೇಲೆಲೆಡ್ ತುಂಬಾವುನ ವ್ಯಕ್ತಿಗ್ ಎನ್ನೆರೆಗ್ ಆಯನ ಆತ್ಮದ ಉಲಾಯಿ ದಾಯಗ್ ಉತ್ತರ ಕೊಾವುನಂಚಿನ ಸಂದರ್ಭ ! ಪಂಡ ದೊಡ್ಡಣ್ಣೆರೆ ಪನ್ನಿನಂಚ 'ಪೋವಡಪ್ಪ ಪೋವಡ, ಈ ಒರೊನೇ ರಡ್ ಓಡೊಡು ! ಒಂಜೊಂಜಿ ಕಾರ್ ಒಂಜೊಂಜಿ ಓಡೊಡು ದೀದ್ ಪೋಪಿನ ಕಾಲೊಡು... ಕಾರ್ ಜಾರು! ಅತ್ತಾ ಓಡ ಒಂಜಿ ನಿನಡ್ ಒಂಜೀತ್ ಆಯ ತಪ್ಪು ! ಜೋಕೇ ತೆಲ್ಡ್ ಬರುವ ! ತೂಲು ಅವುಲು ನಿಲೆದಾಂತಿ ನೀರುಂಡು ! ಅಲ್ಪ ಉಂಡೊಂಜಿ ಮಲ್ಲಾ ಸುಳಿ! ಸುಳಿಕ್ ತಿಕ್ಕಿದ್ ಬೂರಿಯಡ ತಪ್ಪಾವೆರೆಗ್ ಆವಂದ್, ಜಾಗ್ರತೆ! 3 ಏತೊಂಜಿ ಪೊಕಂಟ್ ಪಾತರ ! ದೊಡ್ಡಣ್ಣೆ 'ಹೇಳುವುದು ಶಾಸ್ತ್ರ ಇಕ್ಕುವುದು ಗಾಳ ಪನ್ನಿನ ವ್ಯಕ್ತಿ ಅತ್ತೆ. ಪನ್ನಿನ ಮಲ್ತ್ದ್ ತೋಜಾವುನಾರ್. ಅಂಚಾಂದೇ ಅರೆನ ಪಾತೆರೊಗು ಒಂಜಿ ದುನ್ನ ! ಆಕೊಂಜಿ ಅರ !. - ತಮ್ಮಲೆಡ್ ತುಳುನಾಡ್ದ ಬೂತಾಳ ಪಾಂಡ್ಯನ ಆ ಕಾಲೊಡ್ಡು ಬತ್ತಿನ ರಿವಾಜಿದಂಚ ಅಲ್ವತ್ತೆ ಪಟೇಲಿಕೆದ ಗದ್ದುಗೆ ಏರಿಯೇರ್, ಅಧಿಕಾರ ಪಂಡ ಇನಿ ಕೋಡೆಡ್ ಬಲಹೀನೆರೆನ್ ಬುಲಿಪಾವುನ ಪಗರಿ ಅತ್ತ ಪಂಡ್ದ್ ಎನ್ನಿದ್ ಅಧಿಕಾರ ಪಂಡ ನೆತ್ತಿದ ಮಿತ್ತೊಂಜಿ ನೂಲುಡು ಕಟ್ಟೋ ದಿನ ಕಡ್ನಲೆ ಪಂಡ್ದ್ ಎನ್ನೊಂದು... ವ ಪೊರುಡು ಅವು ತಾನ್ ಕುಲ್ಲಿನಪಗ ಎನ್ನ ನೆತ್ತಿಗೆ ಬೂರು ನೆತ್ತಿ ಉಡೆವು, ಪನ್ನಿನ ಪೋಡಿಗೆಡೇ ಭಾರೀ ಜೋಕೆಡೇ, ಆ ಗದ್ದುಗೆಗ್ ಮರಾದಿ ಕೊರಿಯೆರ್. ಪಟೇಲಿಕೆ ಪಂಡ ಆ ಕಾಲೊಡು ಭಾರೀ ಮಯ್ಯಾದದ, ಅಂಚನೇ ಗೌರವ ಕೊಬ್ಬಿನ ಸ್ಥಾನ. ಅಂಚನೇ ಮಲ್ಲಾ ಜವಾಬ್ದಾರಿದ ಊರುಗು ಊರೇ ಈ ಜಾಗೊಗು ತರೆ ತಗ್ಗಾವೊಂದು ಮರಾದ ಕೊರೊಂದಿತ್ತೆರ್. ಪಟೇಲೆ ಬತ್ತೆರ್ ಪಂಡ ತಾದಿ 19
