ನೂಲು ಪಾಡ್ಜ್ ಗರಗಸೊನು ವೊಯೊಡು ಪನ್ನಿನ ಕಲೆ ಅರಡ ಇತ್ತ್ಂಡ್. ♡ ಸಜ್ಜನೆ ಮಾತ್ರ ಅತ್ತ ಬಾರೀ ಸೀದದ ಮನೆ, ಸರಳ ವ್ಯಕ್ತಿತ್ವ. ಅಂಡಾ... ಮೋನೆಡ್ ಮಾತ್ರ ರಾಜ ಗಾಂಭೀರ, ಏಪಾಲಾ ತೆಲ್ತ್ ತೆಲ್ತ್ ಬತ್ತಿನ ಆನೆದಂಚಿನ ದುನ್ನಲಾ ಪೂತ್ತ ಎಸಳಂಚ ಕಲೆವೊಂದಿತ್ತೆರ್. ಲಡಾಯಿ ನ್ಯಾಯ ನಕರ ಒಂಜಾಲಾ ಬೊಡ್ಡಿ ಪಂಡ್ದು ಬತ್ತಿನ ಮಾತಾ ಸಮಸ್ಯೆಲೆನ್ಾ ತೆಲ್ಲೊಂದು ತೆಲೊಂದೇ ಮುಗಿಪಾದ್, ಬತ್ತಿನ ವ ವಿಶಯಲಾ ನನ ಒರಿಯಾಗ್ ತೋಜಂದಿನಂಚ ಮಾಜಾವೊಂದಿತ್ತೆರ್, ಅರೆನ ಕೈತಲ್ ಬುಲಿತೊಂದು ಬುಲಿತೊಂದು ಬತ್ತಿನಾಯನ ಕಾರಣ ಕೇನ್ಸ್ ಆಕ್ ಬೊಡಾಪಿನ ಸರಿಯಾಯಿನ ಪರಿಹಾರ ಕೊರುದು, ಬತ್ತಿನಾಯಗ್ ಒಂಜೀತ್ ತೆಲ್ಲಾದೇ ಕಡಪುಡ್ಡು ಕೊಬ್ಬಿನ ಪಾತೆರದ ಶಕ್ತಿ ಅರೆಗ್ ಇತ್ತ್ಂಡ್, ಪಿರ ಪೋಪಿನಾಯನ ಮೋನದ ಮುಗುರು ತೆಲಿಕೆದ ಆ ಪೊರುನು ತೂದು ಆಯನ ಸಮಸ್ಯೆ ಸಮಾಜೊಡು ಎಂಚ ನಡತೊಂದುಂಡು ? ಎಂಚ ಈ ಸಮಸ್ಯೆಗೆ ಪರಿಹಾರ ಕೊರೋಲಿ? ಉಂದೇನ್ ಸಾಹಿತ್ಯಡು ಎಂಚ ಕನವೋಲಿ ? ಉಂದೇನ್ ರಂಗೊಗು ಕನತ್ಂಡ ಜನ ಎಂಚ ದೆತೊನೆರೆಗ್ ಸಾಧ್ಯ ? ಪನ್ನಿನ ಪ್ರಶ್ನೆದ ಸುಳಿಕ್ ತಿಕ್ಕ ಆ್ಯಕೊಂಜಿ ಕಡೆ ನಾಡೊಂದಿತೆ ? ಪ್ರೈಮರಿದ ಕಲ್ಪ ಕೋಮಾಟಿಕೆದ ಗಂಧ ಗಾಳಿ ಸೋಂಕದಿನ ಬಾಲೆನ ನಡುಟ್ಟು ತೆಲಿತ್ ನಲಿತ್ ಆಕ್ಸೆಗ್ ಬರವು ಸರವು ಕಲ್ಪಾವುನೈತ್ತ ನಡುಟ್ಟು ರಂಗೊಗು ಕನತ್ದ್ ಪೊರು ತೂವೊಂದಿತ್ತಿನ ಕೆಮೂರುದರೆಲ್, ವಾರೀಸ್ ಹಕ್ಕದಂಚ ಪಟೇಲಿಕೆ ಸಿಕ್ಕಂಡ್, ಕೆಸ್ತೂರುದ ಈ ಪಟೇಲಿಕೆದ ಅಧಿಕಾರ ತಿಕ್ಕಿ ಬೊಕ್ಕ ಅರೆನ ಜನಮಾನಿಲೆನ ನಡುತ್ತ ಸಂಮ್ಮಂಧ ನನಲಾತ್ ಬುಲೆಂಡ್. ಅರೆನ ಅಧಿಕಾರದೊಟ್ಟುಗು ಕೆಸ್ತೂರುಗು ಒಂಜಾದ್ ಬಸ್ಸಿನ ಕೊರಂಗ್ರಪಾಡಿ ಬೊಕ್ಕ ಮಾರಂಪಳ್ಳಿ [ಮಾರಳ್ಳಿ ಗ್ರಾಮೊಲು ಬನ್ನಗ, ಇತ್ತೆ ಕೆಮೂರು ಬುಡುದು ಈ ರಡ್ ಗ್ರಾಮದ ಜನಕುಲೆನ ನಡುಟ್ಟು ಸೇರೊಡಾಯಿನ, ಅತ್ತೆನ ನ್ಯಾಯೊ, ಅನ್ಯಾಯೊ ಕೇನುನ... ಬೆನ್ನಿ ಬರೆ ತೂಪಕ್ಕಿ ಇಂಚ ಅರೆನ ಪುಗ್ಗೆಲ್ಲಾ ಮಿತ್ ನನಲಾತ್ ಪುದೆ ಬೂರಗ, ನನ ಶಾಲೆಡ್ ಜೋಕೆನ ನಡುಟ್ಟು ಮನಸ್ಟ್ ದೀದ್ 18
