ಕಣ್ ವೊಯ್ದು ಜೀವ ದೊಡ್ಡಣ್ಣೆ ಪಂಡ ಕಾಲೀ ಪುದರ್ ಮಾತ್ರ ಅತ್ತೆ ಜೀವೋಡುಲಾ ನೂದು ಜನಕುಲೆಡ್ ಲಕ್ ತೋಜುನ ಭರಿ 6 ಅಡಿ ಉದ್ದದ ಜೀವ, ಎಣ್ಣೆ ಕಪ್ಪು ಮೈ, ಉದ್ಯೋಗು ತಕ್ಕಂತಿನ ತೋರ, ಅರೆನ್ ತೂವನಗನೇ ದಾದನ ಆಕರ್ಷಣೆ. ಆ ಕಣ್ಣದಿಷ್ಟಿಡ್ ಜನಮಾನಿನ್ ತನ್ನಂಚಿಗ್ ವೊಯುನ ಶಕ್ತಿ. ಮೋನೆಡ್ 'ಮಾಜಂದಿನ ಮುಗುಡು ತೆಲಿಕೆ. ಆಯಿಟ್ಲಾ ಒಂಜಿ ರೀತಿದ ಘನಸ್ಥಿತಿ, ಮಲ್ಲ ಜೀವ.... ಆಂಡಾ.... ಆಯಿಟ್ಸ್ ಇತ್ತಿನ ಆ ಬಡವನ ಮಿತ್ಯದ ಮೋಕೆದ ಉಜ ಮಾತ್ರ ಏಪೊಲಾ ಬತ್ತಂದಿನ. G ದೊಡ್ಡಣ್ಣೆರ್ ಪಂಡಿನೇ ಅರೆನ ನಾಟಕ ತೂಯಿನಕ್ಷು ಇತ್ತೆಲಾ ಶಹಬ್ಬಾಸ್ ಪನ್ನಿನ ಅರನ ಗಂಭೀರವಾಯಿನ ಸ್ವರೂ, ಪಾತೆರೊಡು ಒಂಜೀತ್ ಕೊಜಪಾಟ ಇಜ್ಜಿ, ಅತ್ತಾ.... ಆಟ್ ಒಂಜೀತ್ ಕುಂದಿಜ್ಜಿ. ಪ್ರತಿ ಒಂಜಿ ಪಾತೆರಲಾ ಅರೆನ ಬಾಯಿಡ್ ಪಿದಾಡಿನ ಕೇನುನಾಯನ ಕೆಬಿತ್ತ ಪೂ ಅರಳಾದ್ ಮನಸ್ಸದ ಉಲ್ಯಾ ನಾಟುನ ! ಗಂಭೀರವಾಯಿನ ಪಾತೆರ ಕೇನನಗ ಆ ಪ್ರತಿ ಒಂಜಿ ಶಬ್ದಲಾ ಕೇನುನಾಯಗ್ ದಾದನ ಒಂಜಿ ರೀತಿಡ್ ಸಂತೋಸು ಕೊರೊಂದಿತ್ತ, ನಾಟಕೊದ ರಂಗೊಗು ಬತ್ತ್ದ್ ತನ್ನ ಏರಿನ ಸ್ವರೊಟ್ಟು ಪಾತೆರೆಗ್ ಸುರು ಮಲ್ಪನಗ ಸೇರಿನ ಜನಮಂದೆ ಬೆಕ್ಕಸ ಬೆರಗಾದ್ ತನನ್ ತಾನ್ ಮದೆತೊಂದು ನಾಟಕದ ರಸ ಅನುಭವ ಮತ್ತೊಂದಿತ್ತೆರ್. ದೊಡ್ಡಣ್ಣೆರೆ ಜೀವ, ಅರೆನ ಸ್ವರೊ ಸುರುತ್ತ ಸರಿ ಕೇನ್ಸಿನಾಯೆ ಪೊಡ್ಯುನು ಸರಿ. ಆಂಡಾ.... ಅರೆಗ್ ಆಯಿನಾತ್ ಮುಟ್ಟ ಆವೊಂದು ಬನ್ನಗ, ಆ ಉಡಲ್ಲಾ ಮಲ್ಲಾದಿಗೆ ಅರ್ಥ ಆವನಗ ಈ ಮಲ್ಲಾ ಜೀವದ ಉಲಾಯಿ ಪಾಪದಾಯನ ಮಿತ್ ಎಂಚಿತ್ತಿನ ಎಡ್ಡೆ ಉಡಲ್ ದೆಂಗುದುಂಡು ಪನ್ನಿನ ಸತ್ಯದ ಅರ್ಥ ಆವು. ಜನಕುಲೆ ನಡುಟ್ಟು ಅರೆನ ಒಡನಾಟ, ಮಲ್ಲಾಯೆ ಬಡವೆ ಪನ್ನಿನ ತೂವಂದೆ ಅಲ್ಲಿನ ಕಷ್ಟ ಸುಕೊಟ್ಟು ಒಂಜಾಪಿನ ತೂವನಗ ಕೆಮ್ಮೂರುದರೆನ ಮನಸ್ಸದ ಮಲ್ಲಾದಿಗೆ ತೆರಿಯು, ಏರಡ ಎಂಚ ಪಾತೆರೊಡು? ಓಲು ಎಂಚಿನ ಮಲೊಡು ಪಂಡ್ದ್ ಎಷ್ಟೇನೆ ತೆರಿಯೊಂದಿತ್ತೆರ್, ಪಂಡ ನರಮಾನ್ಯನ ಮನಸ್ಸಿದ ಮರೊಕು ಎಂಚ 17
