ಬುಡುದು ನಲಿಪಾಟೊಗು ಸುರು ಮಲ್ತ್ಂಡ್, ಆಂಡಾ ತನ್ನ ಪುದರಾ ಆ ಅನು ಸರಿಯಾದೇ ಅಪ್ಪ ತನ್ನ ಜಕ್ಕೆಲ್ಡ್ ಮಾನಾದ್ ಪೇರ್ ಗಂಜಿ ಉನ್ನವನಗ ತೆರಿಪಾಯರ ದಾನ್ನ ? ಅಂಚಾಂದೇ ದೊಡ್ಡಣ್ಣೆ ತನ್ನ ಬಾಲ್ಯ ಕಳೆವೊಂದು ಜವ್ವನಿಗೆಗ್ ಬನ್ನಗ ತನ್ನ ಉಲ್ಯಾಡ್ ಲೆಪ್ಪು ಕೊರೊಂದಿತ್ತಿನ ಆ ಶಕ್ತಿಗ್ ಓ ಕೊರು ತನ್ನ ಬದ್ದ ಗತಿನೇ ತಿರಾಯೆರ್ಗೆ G ಅಪ್ಪೆ ಪಾಡ್ಡಿನ ಎಲ್ಯ ಬೀಜ ದೈಯಾಂಡ್ ಪನ್ನಿನಂಚ ತನ್ನ ಬದ್ಕ್ಡ್ ತಿಕ್ಕದಿನ ಸಾಹಿತ್ಯದ ಪ್ರತಿಯೊಂಜಿ ಎಲ್ಯ ಬಿತ್ತೇನ್ಲಾ ಬುಡಂದೆ ತನ್ನ ಬದ್ಕ್ ತೋಟೊಡು ಅವ್ವನ್ ಪಾಡ್ ಆಕ್ ಬೊಡಾಪಿನ ನೀರ್, ತೆನಸ್ ಕೊರು ಸಾಂಕಿಯೆಗೆ, ಅಂಚ ಪುಟ್ಟು ದಿನ ಬಳ್ಳಿ ದುಂಬುಗು ಒಂಜಿ ದೈಯಾದ್ ಮಿತ್ ಬತ್ತ್ಂಡ್, ಬಳ್ಳಿ ಆಟ್ ಪಿದಾಡ್ಂಡ್, ಆ ಬಳ್ಳಿಗೆ ಒಂಜಿ ಕಬೆ ಕೋಲು ಕೊರೊಡಾಂಡ್. ಅಪಗ ಆಯೆ ಉಂಬೆ ಕೊರುವ ಕೊಪ್ಪ ಪಂಡ್ದ್ ಕಾಪಂದೆ ತಾನೇ ಆ ಬಳ್ಳಿದ ಕಬಕೆ ಆಯೆರ್. ಆ ಬೂರು ಮಿತ್ತ್ ಮಿತ್ ಪರತೊಂದು ಪೋವನಗ ಆಯಿತ ಆ ಪೊರುಗು ತಾನೇ ತರನ್ ಗೀರಾಯೆರ್, ಕಡೆಕ್ ಆ ಬಳ್ಳಿ ದೊಂಪ ಪರಪೆರೆಗ್ ಆವನಗ ತಾನೇ ದೊಂಪಲಾ ಪಾಡಿಯೆರ್. ಕಡೆಕ್ ದೊಂಪ ಗಿಲೆ ಆಯಿನ ಆ ಬೂರುಡು ಪೂ, ನಿಣೆ ಬುಡ್ಡಿನ ಕಾಲ ಬನ್ನಗ ದುಂಬು ಪಿರ ತೂವಂದೆ ಆಕ್ ಬೋಡಾಪಿನ ಮಾತಾ ದುಸ್ತುನು ಕೊರುದು, ಬುಡ್ತಿನ ನಿಣೆ ಕಾಯಿ, ಪರ್ನ್ ಬುಡ್ಡಿನಂಚ ಮಲ್ಲೆರ್. ಕೆಮ್ಮೂರು ! ಉಂದು ತುಳುನಾಡ್ ಭಾರೀ ಪೊರುದ ಊರು. ಅಲ್ಪ ಪ್ರಕೃತಿ ತನ್ನ ಪೊಗ್ಗ ಕಂಟ್ ಮಾತಾ ದುಸ್ತುಲೆನ್ ಕೊರುಂಡು ಊರುದ ಪೊರು ಸಂಪೊತ್ತಾಯಿನ ತೋಟ. ತಾರೆ, ಬಾರೆ, ಕಂಡ, ಭಿತ್ತೆರ್, ತುದೆ ಉಂದು ಮಾತಾ ತೂವನಗ ತುಳುನಾಡ್ನ್ ಪುಗರಿನ ಕವಿಕ್ ಈ ಊರು ಪ್ರೇರಣೆ ಕೊರುಂಡ ಪನ್ನಿನ ಸಂಶಯ, ಪೇಂಟೆದ ಸೋಂಕು ನನಲಾ ಈ ಊರುಗು ಸರಿಯಾದ್ ಸೋಂಕುದುಜಿ. ಇತ್ತೆಲಾ ನರಮಾನ್ಯನ ಪ್ರೀತಿ, ವಿಶ್ವಾಸೊಗು ಕುಂದಿಜ್ಜಿ, ಅಂಚಾಂದೇ ದೊಡ್ಡಣ್ಣೆರೆಗ್ ಈ ಮುತ್ತ ಜನಮಾನಿಯೇ ನಾಟಕೊಗು ಮೂಲ ವಸ್ತು ಆಂಡಾ ದಾನ್ನ ? ಸ್ವಚ್ಛ ಗಾಳಿ, ಸ್ವಚ್ಛ ನೀರ್ ಉಂದು ಮಾತಾ ತೂವನಗ ಮನಸ್ಸಿಡ್ 13
